12/07/2026
#صحابةُ_رسول_الله
لما الفرنسيين احتلوا مصر، وصل الخبر للحرم المكي، وكان وقعُه صادم على الناس لدرجة انهم عرو الكعبة وظهر شيخ مغربي اسمه الشيخ الجيلاني، وعاتب المعتمرين إنهم سايبين شعب مسلم تحت احتلال الغزاة.
جمع آلاف من شتى الأعراق واللغات، وركبوا البحر لمصر، وقدروا يحرقوا سفينة فرنسية، ويغرقوا سفينة تانية، ويبيدوا سفينة نابليون المفضلة "إيطاليا". وبعدها انضموا للمماليك ومراد بك في الصعيد، وقدموا ملاحم كبيرة. وحاليًا ضريح الشيخ الجيلاني والمعتمرين موجود في قنا لحد اللحظة دي.
شيخ مغربي راح يحج، ولما عرف إن شعب مسلم محتل، غضب عشانه وساب الحج وراح يحارب معاه. ولما تشوف عقليات الناس اللي بتقول: "هنشجع فرنسا ضد المغرب، دي كورة!"، اسأل نفسك: إنت واعي إحنا مرتبطين ببعض لحد إيه؟ إنت واعي إننا وإخواتنا المغاربة، مش المغرب بس، بينا روابط تاريخية اتدفعت عشانها دماء؟ ومش هنذكر حرب اكتوبر و حربهم على الجبهتين السورية و المصرية
كلنا المغرب النهارده. اللي جامعنا أكبر من الكورة، اللي جامعنا دين. عارف يعني إيه دين؟
