ربنا يعين كل راجل جدع و ابن أصول شايل ليلته بطوله، ويراضي كل شاب عاوز يعيش حياته بالحلال ..
ناس كتير مش بيفهمو اي الي انت فيه مهما حكيت و مواقف و تفاصيل صغيرة و حجات كتير مش بتتحكي بس مبتتنساش..
هو اللهم لا اعتراض علي قضائك بس ممكن تستغرب من نفسك ف موقف اني اكون مع ناس معارف و افكر انا ليه مش كدا ..
مع اني عمري م بصيت لعيشة حد بس الي هو انا لسا ٢٣ سنة انا ليه مش عايش زي الناس دي ليه وقتي و صحتي و شبابي يكون فيهم كل الحورات دي دا فلان صاحبي ممكن يصرف مرتبي كله ف يومين ف الساحل .. أو مثلا انك توصل لتفكير أن النهاردة انا اشتريت حجات ب ٢٠٠ جني ف مش بنحسبها ب الفلوس انت بتحسبها انك واقف شغال ٢٤ ساعه ب الفلوس دي ..
انك تكون صغير ف السن و شايل حمل اكبر منك سواء بتدرس و تشتغل أو مخلص دراسة و في بداية حياتك و لسا خاطب و عندك هم المستقبل الي محدش هيساعدك فيه غير نفسك دا مش سهل أبداً ..
بس لازم تكون عارف ان اكيد ربنا هيكون رحيم بيك ف حجات كتير انت متتخيلهاش و عمرك م هتتساوي مع الي معاه فرصه انت ممكن تكون بتحلم بيها و حتي ف حياتك المستقبلية هتكون صاحب خبرة في الحياة و هتكون اتعلمت و شوفت و لفيت 'هتكون اقوي'
متفقدش الأمل ولا تيأس وتتحول لناقم علي حياتك وحاسد لغيرك و خليك دايماً راضي و حامد و افتكر انك ف الف نعمة
انت مقاتل و راجل جدع ف زمن قلما تجد فيه هذا النوع ���
