22/05/2026
فكرني بمدرستي زمان كانوا عاملين مسابقة رسم واللي هيطلع الاول ليه هدايا مش هدية واحدة ، والمستر بيقولها بطريقة بتقول ان الجايزة دي حاجة كبيرة اوي اوي
طبعا اتحمست جدا مش بس عشان بحب الرسم كان حماسي الاكبر اني اخيرا هاخد جايزة ومش جايزة واحدة لا جوايز
وحماسي خارم السقف زي حماس محمد هنيدي وهو مسافر أبوظبي لأخوه فواز
المهم رسمي نال إعجاب اللجنة وخدت مركز أول
نيجي للجايزة اللي انتظاري ليها خلاني مش مهم عندي المركز أد الهدية ، مشتااااااقة 😂
المستر نده علي اسمي وجريت بفرحة ولهفة تقريبا عمري ماحستها قبل كدا
اللحظة اللي المستر حط فإيدي كشكول ومسطرة وقلم وبراية واستيكة ، وانا بقول جوايا ماتخلص يامستر هات الهدية
فلقيته بيسقف ان كدا خلاص انا خدت جايزتي
عارفين انا عملت ايه ؟؟ أغرب رد فعل وأكتر رد فعل منطقي والله 😊
رميتهم ، آه والله رميتهم علي الارض وجريت لحد البيت وانا مفطورة مالعياط😭
،وقعتوا عليا سقف التوقعات قسم دماغي😂
ومن بعدها بطلت أستني حاجة بلهفة تاني والله 🤕
في اليوم دا كنت فرحان جدًا ان الهدية كبيرة 😂❤️
روحت البيت لقيت كولمن ودستة كوبايات شاي 😂💔
