Elkholy fans, Cairo (2026)

19/06/2026

هي دي أسماء جلال ولا واحدة شبهها.. ولو هي فعلاً أسماء جلال هي عملت إيه في وشها علشان تتغير بالشكل ده.. دي بعض أسئلة المتابعين اللي ملهاش إجابات.. تعالوا أقولكوا ليه أسماء جلال اتصدرت الترند من تاني وإيه الضجة الكبيرة اللي اتعمل علشانها وليه اختفت فجأة ووقفت حساباتها .. تابعونا للنهاية
أسماء بعدت عن الأضواء لفترة واتقال كلام كتير إنها كانت بتعمل عمليات تجميل جديدة في وشها، وإن ملامحها اتغيرت تماما.
بس الحقيقة إن أسماء لما اختفت من إنستجرام، مكنش بسبب إنها بتعمل عمليات تجميل في وشها، الحكاية كلها كانت "لخبطة" أو أزمة بسبب صور قديمة انتشرت ليها مع الفنانة أمينة خليل وهي لابسة الحجاب، وده اللي خلاها تقفل الحساب لفترة قصيرة جداً وترجعه تاني من غير ما تحذف أي صور.
أول ما رجعت أسماء وظهرت في جلسات تصوير جديدة وجريئة، الملامح فعلا لفتت العين، وده اللي خلى القيل والقال يزيد لدرجة إن خبراء تجميل ودكاترة حللوا شكلها وقالوا إنها معملتش تغيير كبير في ملامحها، لكن هي عملت رتوش وتعديلات ذكية جدا زي Contouring & Fillers.
أسماء وشها بقى منحوت أكتر ومحدد وكمان عملت فيلر الشفايف والخدود اللي إدالها شكل أكثر جاذبية.
أسماء كمان ضبطت رسمة العين والحواجب علشان تبان مصحصحة ومسحوبة لفوق.
تفاعل معاها المتابعين منهم الي بقى يتغزل في جمالها وقال إيه الحلاوة دي، بقيتي شبه نجمات العالم وأجمل بكتير ، لكن ناس تانية انتقدتها وقالوا الطبيعي يكسب وإن ملامحها القديمة لما بدأت في مسلسل "الأب الروحي" أو "حكايات بنات" كانت طبيعية ومميزة أكتر، وبيطالبوها متجريش ورا هوس التجميل والفلاتر عشان متفقدش هويتها اللي حبوا شكلها بيها.
اللي كتير ميعرفهوش إن أسماء جلال نفسها صرحت قبل كده إنها مش ضد عمليات التجميل لو الشخص محتاجها ومصالح مع نفسه، لكن الأكيد إنها منجرفتش ورا تغيير كامل، هي بس بتعمل "تظبيط" لملامحها يواكب الموضة

19/06/2026

الفنان الراحل محمد مرزبان بقى حديث السوشيال ميديا بعد رحيله، والسبب كان وصية غريبة وخاصة جدا طلبها من زوجته قبل رحيله.. يا ترى إيه الحكاية تعالوا نعرف سوا.
زوجة الفنان الراحل محمد مرزبان خرجت قبل الجنازة وطلبت من كل حبايبه وأصحابه اللي جايين يودعوه طلب خاص جدا ونقلت لهم وصيته بالظبط.
قالت إن محمد كان بيحب البهجة والراحة، وطلب منها إن يوم جنازته ما يبقاش يوم نكد وحزن وسواد، لكن يكون يوم زفافه للجنة.
عشان كده، اترجت كل اللي هيحضر الجنازة إنه ما يلبسش أسود خالص، ويلبس مكانه لبس أبيض كنوع من أنواع الاحتفال بلقاءه بإبنه وعشان تنفذ وصيته ورغبته الأخيرة اللي صمم عليها قبل ما يفارق الدنيا.
الحقيقة أن الموضوع كان مفاجأة لناس كتير خصوصا وإن العرف في الجنازات عندنا في مصر دايما هو اللون الأسود واللي بيعبر دايما عن الحزن.
لكن المفاجأة إن عدد كبير من أهله وأصدقائه المقربين التزموا بالوصية فعلا، وظهرت زوجته وعدد كبير من أفراد أسرته والمقربين وهم لابسين لبس أبيض وسط بكاءهم على رحيله في مشهد بيجمع بين حزن الفراق وتنفيذ الرغبة الأخيرة للراحل.
الحقيقة أن الجنازة عملت حالة من الجدل والتعاطف في نفس الوقت على السوشيال ميديا؛ ناس شافت إنها وصية غريبة وصعبة تنفيذها، لكن ناس تانية احترمت جدا وفاء زوجته وإصرارها على أنها تنفذ رغبته حتى لو كانت عكس العادات والتقاليد.
محمد مرزبان كان سايق الموتوسيكل بتاعه على طريق "مصر - الإسماعيلية" الصحراوي، وخبطت فيه عربية بأقصى سرعة واتنقل على
طول لمستشفى أبو خليفة للطوارئ في الإسماعيلية وهو في حالة حرجة جدا، والدكاترة عملوا معاه المستحيل ، لكن الحادثة دي مكنتش مجرد خبطة بسيطة، للاسف كانت النهاية ورحل عن عالمنا بسبب نفس الشيء اللي والدته حذرته منه .
ربنا يرحمه ويغفر له ويسكنه فسيح جناته.

19/06/2026

"قلب الأم دليلها"... جملة بنقولها كتير بس قصة الفنان الراحل محمد مرزبان أثبتت إنها مش مجرد جملة، دي حقيقة ويقين ساعات بيبقى أقوى من أي منطق.
الحكاية بدأت لما محمد مرزبان قرر يشتري موتوسيكل ويسوقه، ومن أول يوم والدته كانت رافضة الفكرة تماما وقلقانة قلق مش طبيعي.
كانت دايما شايفة إن خطره كبير على حياته، ولما لقت إنه مصمم، قالتله كلمة خضت كل اللي سمعوها وهي نهاية حياتك هتكون بسبب الموتوسيكل ده.
محمد مرزبان وقتها أخد كلامها بضحك وهزار، وكان شايف إنها مجرد خضة أمهات وخوف زيادة شوية ملهمش مبرر، ومكنش متخيل إن قلبها كان حاسس باللي هيحصل بالظبط بعد سنين.
وفي يوم الحـ.ـادثة، كان الفنان محمد مرزبان سايق الموتوسيكل بتاعه على طريق "مصر - الإسماعيلية" الصحراوي، وخبطت فيه عربية بأقصى سرعة واتنقل على
طول لمستشفى أبو خليفة للطوارئ في الإسماعيلية وهو في حالة حرجة جدا، والدكاترة عملوا معاه المستحيل ، لكن الحادثة دي مكنتش مجرد خبطة بسيطة، للاسف كانت النهاية ورحل عن عالمنا بسبب نفس الشيء اللي والدته حذرته منه .
الحقيقة إن محمد مرزبان بدأ مشواره في منتصف التسعينات وساب بصمة محترمة في السينما والتلفزيون بأدواره اللي بتتميز بالرزانة، بدأ بقوة في أفلام زي كشف المستور وكمان شارك في أفلام معروفة زي غاوي حب مع محمد فؤاد ، وفيلم البلياتشو وجوه اللعبة
وكمان شارك في "ليالي الحلمية"، ومسلسلات "أين قلبي"، و"ضد التيار"، و"اسم مؤقت".
وآخر أعماله مسلسل "ورد على فل وياسمين" مع صبا مبارك وأحمد عبد الوهاب واللي كان بيتعرض من أيام.
الراحل كان دايماً بيفضل يفصل حياته الشخصية عن الإعلام، لكن المقربين منه دايماً كانوا يتكلموا عن طيبته وارتباطه الشديد بعيلته.
مرزبان اتجوز من سيدة مصرية ألمانية اسمها "نتاشا" من حوالي 35 سنة، وعايشين في بيت واحد مع حماته الألمانية اللي اتطبعت بالطباع المصرية.
وعنده بنتين هما ياسمين اللي عندها براند ملابس باسم عيلتها وشهد، وهو كمان جد لحفيدين هما حمزة وحسن وكان متعلق بيهم جدا وبيقضي معاهم أغلب وقت فراغه بعيد عن بلاتوهات التصوير.
قبل رحيله انتشرت ليه وصية كتبها واتكلم عنها، كان بيطلب فيها إن جنازته تكون هادية والناس تفتكره بالخير والدعاء.
ربنا يرحمه ويغفر له ويسكنه فسيح جناته، ويصبر أهله وكل محبيه في الوسط الفني..أدعوا له بالرحمة.

18/06/2026

اتفاجئنا واحنا بنتابع جنازة الفنان محمد مرزبان بارتداء كل المشيعين والمعزين للملابس البيضاء وده أثار حالة جدل كبيرة على السوشيال ميديا.. اللي حصل ده مش صدفة ولا لقطة عابرة، ورا الموضوع ده قصة تانية خالص وتفاصيل مؤثرة هكشفها لكم في الفيديو ده، فتابعونا للنهاية عشان تعرفوا الحكاية كاملة.
المشهد في الجنازة كان غريب ومختلف عن المعتاد، الناس متعودة على اللون الأسود اللي بيكسي ملامح الحزن، لكن المرة دي الأبيض هو اللي كان سيد الموقف.
الفنان الراحل محمد مرزبان، اللي ساب بصمة هادية ومحترمة في قلوب كل اللي عرفوه، كان رحيله صدمة للوسط الفني ولجمهوره، بس المشيعين قرروا يودعوه بطريقة تشبه روحه الطيبة النقية.
السر في اختيار الملابس البيضاء مكنش مجرد اتفاق عشوائي، المقربين من الفنان الراحل كشفوا إن ده كان بناءً على رغبته أو وصية ضمنية منه ومن أسرته، اللي أرادوا إن الوداع يكون فيه طاقة من السلام والهدوء، والدعاء له بالرحمة والمغفرة وأن تكون أيام القادمة في الجنة بإذن الله.
الأبيض هنا كان رمز للنقاء، ورمز للرحلة الجديدة اللي بدأها الفنان الخلوق بعيداً عن صخب الدنيا ومشاكلها.
حالة من التأثر الشديد سيطرت على كل الحاضرين من نجوم الفن والأقارب، والكل أجمع إن محمد مرزبان كان إنسان قبل ما يكون فنان، ومواقفه النبيلة مع زمايله هي اللي خلت جنازته تطلع بالمشهد المهيب والنقي ده.
رحل مرزبان لكن سيرته الطيبة فضلت باقية، واللون الأبيض اللي ودعوه بيه هيكون علامة مميزة في ذاكرة كل اللي حبوه
رحم الله الفنان محمد مرزبان وأسكنه فسيح جناته

18/06/2026

من قلب مدرجات كأس العالم 2026، لفتت الأميرة رجوة الحسين الأنظار وأبهرت كل القلوب بإطلالة رياضية عفوية وجذابة جداً، كانت هي حديث السوشيلال ميديا
الأميرة رجوة وسمو الأمير الحسين بن عبدالله الثاني ولي عهد الأردن، سجلوا حضور استثنائي وتاريخي في ملعب خليج "سان فرانسيسكو" بالولايات المتحدة الأمريكية، عشان يكونوا في مقدمة صفوف الجماهير الأردنية اللي سافرت ورا منتخبها.
الحدث ده مش عادي ومهم جداً، لأنها أول مشاركة تاريخية لمنتخب "النشامى" في نهائيات المونديال، وكانت المباراة الافتتاحية ليهم قدام منتخب النمسا، وسط أجواء حماسية وفخر وطني هز المدرجات كلها.
وظهور الثنائي الملكي المحبوب وسط الناس وبكل عفوية، أضاف فرحة وطاقة إيجابية مش طبيعية لكل الحاضرين والمتابعين في كل مكان.
تعالوا بقى نركز سوا وندخل في كل تفاصيل شياكة وأناقة الأميرة رجوة، اللي أثبتت كالعادة إنها بتعرف تختار اللوك المناسب بذكاء شديد، وتجمع بين البساطة الملكية والروح الرياضية.
الأميرة اختارت إطلالة مريحة وعصرية جداً عشان تناسب حركة وتشجيع المدرجات، وظهرت لابسه تي-شيرت المنتخب الأردني الرسمي باللون الأبيض الناصع من علامة "كيلمي" الشهيرة، واللي بيحمل شعار الفريق، ونسقته بكل ذكاء مع بنطلون جينز أزرق بقصة شبابية مريحة جداً وعملية.
لكن اللمسة العبقرية اللي أبهرت قلوب الأردنيين والعرب، وكانت مليانة رمزية وانتماء شديد، هي الكوفية الأردنية باللونين الأحمر والأبيض اللي أسدلتها وحطتها بكل رقي ونعومة فوق كتافها، عشان تحول اللوك الرياضي لرسالة فخر واعتزاز حقيقية بالهوية الوطنية والتراث الأردني وسط المحفل العالمي ده.
وعشان تكمل اللمسة الأنثوية الراقية والفخمة اللي متعودين عليها منها، نسقت الإطلالة دي مع حقيبة يد حمراء صغيرة وفاخرة من دار "ديور" العالمية، فعملت تباين ألوان يجنن ومتناسق جداً مع ألوان العلم الأردني.
أما من الناحية الجمالية، فالأميرة رجوة دايماً بتراهن على جمالها الطبيعي وبتكسب؛ اعتمدت تسريحة شعر مموجة "ويفي" منسدلة بنعومة وحرية على كتافها، مع مكياج ناعم وهاديء جداً ركز على إبراز نضارة وإشراق بشرتها، فظهرت في قمة الأناقة والشياكة بدون أي تكلف أو مبالغة، والجمهور علق إن دي مش أول مرة تبهرنا بأسلوبها الراقي والداعم للنشامى في كل المناسبات.
وظهر الأمير الحسين بن عبدالله الثاني بإطلالة متناغمة ومكملة جداً لزوجته، واختار لوك كاجوال وعملي باللون الأسود بالكامل.
ارتدى تي-شيرت أسود مميز ومكتوب عليه شعار "قدها النشامى" بالخط العربي، في رسالة دعم قوية ومباشرة للاعبي المنتخب عشان يحفزهم في الملعب، وللجمهور الأردني اللي ملى المدرجات.
الأمير الحسين كالعادة حافظ على أسلوبه البسيط القريب من الشباب ومن الشارع الأردني، وظهر هو والأميرة رجوة ومعاهم الأمير هاشم بن عبدالله الثاني في صورة دافية ومليانة عفوية وتواضع شديد وهم بيشجعوا ويهتفوا من قلبهم مع كل هجمة.
منصات السوشيال ميديا اتملت بآلاف التعليقات والمنشورات اللي بتعبر عن الإعجاب الشديد بتناغم الثنائي الملكي، وحرصهم الدائم والمستمر على مشاركة أبناء الشعب الأردني في كل اللحظات الوطنية والتاريخية، وتقديم أحلى وأجمل صورة للدعم والروح الرياضية في أكبر بطولة كروية على مستوى العالم.

17/06/2026

الخلاف بين المطرب مسلم وطليقته ميكا البغدادي رجع يتصدر "التريند" من تاني، والموضوع المرة دي وصل لطريق مسدود وعلني جداً قدام الناس كلها على السوشيال ميديا.
الحكاية بدأت لما ميكا نزلت مجموعة "ستوريز" على حسابها في إنستجرام وهي متغاظة جدا ومش مستوعبة تصرفات مسلم، وقررت تطلع وتكشف المستور وتقول اللي بيحصل ورا الكواليس.

ميكا بدأت كلامها بأنها فاض بيها الكيل من الكلام اللي مسلم بيقوله في الإعلام أو قدام الناس بأنه شايل مسئولية ابنه وبيدفع النفقة والمصاريف بانتظام.
طليقته أكدت إن الكلام ده ملوش أي أساس من الصحة، وإنها هي اللي شايلة حمل المصاريف كلها، وهو بيتهرب من التزاماته المادية تجاه ابنه.

أصعب جزء في الخلاف واللي قلب السوشيال ميديا، هو لما ميكا أخدت ابنها وراحت بيه لحد بيت مسلم.
ميكا قالت إنها عملت كده بحسن نية عشان ميطلعش يقول في الإعلام إنها حـ.ـرماه من ابنه أو مش بتخليه يشوفه.
لكن المفاجأة إن لما مسلم عرف إنهم واقفين على الباب رفض تماما يفتح لهم أو يستقبلهم.
ابنهم الصغير فضل واقف قدام باب شقة أبوه يعيط ويقول لأمه بابا مش عايز يفتح لي وهو مش مستوعب ليه أبوه رافض يشوفه.

ميكا وضحت إن مسلم فضل مستخبي جوه ومستني لغاية ما هما يمشيوا، كنوع من الهروب من المواجهة ومن المسؤولية.

الموضوع مكنش مجرد موقف الباب بس، ميكا تلميحاتها كانت واضحة بإن مسلم بيعيش نجومية زائفة قدام الجمهور، وبيحاول يظهر بمظهر الأب المثالي اللي بيصرف ومظلوم، لكن في الحقيقة هو عايش حياته ومقضيها ومطنش ابنه تماماً.
من ناحية تانية، دايما الخلافات دي بيكون فيها شد وجذب، ومسلم في مواقف تانية بيحاول يدافع عن نفسه ويقول إنه مش مقصر، لكن الاستوري الأخيرة دي حطته في موقف محرج جدا قدام المتابعين، خصوصا إنها اتكلمت بنبرة فيها غضب وحزن بعد ما شافت ابنها مكـ.ـسور قدام باب أبوه.

16/06/2026

ليلة من ليالي الفرح والبهجة، عاشها الفنان سيد رجب وهو بيحتفل بزفاف ابنه "زياد" في واحد من الفنادق الكبرى في القاهرة.
الفرحة ما كانتش عادية، والأجواء كانت مليانة حب ودفا، وسط حضور غالي من الأهل، الأصدقاء، ونجوم الفن اللي حرصوا يشاركونا اللحظة دي.
بدأ الحفل بأجواء مبهجة وتنظيم مميز جمع بين الفخامة والبساطة، وظهرت السعادة واضحة جداً على وش الفنان سيد رجب وهو بيستقبل ضيوفه ويرحب بكل اللي جم يشاركوه فرحته الكبيرة.
الحضور ما كانش مجرد معازيم، دول كانوا عيلة حقيقية اتجمعت عشان ترسم البسمة على وجوه العروسين في بداية حياتهم الجديدة. الورد كان في كل مكان، والدعوات بالتوفيق والحب كانت بتتردد من كل قلب حاضر.
ومن اللقطات اللي ولعت الفرح وخليته تريند، كانت فقرة النجم تامر حسني، اللي أحيا حفل الزفاف بطريقته الخاصة وأسلوبه اللي ملوش مثيل. تامر قدم باقة متنوعة من أشهر أغانيه الحمـ.ـاسية، والكل اتفاعل معاه، خصوصاً العروسين اللي رقصوا وفرحوا من قلبهم، وسط تشجيع وسعادة من سيد رجب وكل الحاضرين اللي عاشوا ليلة مش هتتنسي.
الفرح كمان شهد حضور مميز جداً لعدد كبير من نجوم الفن والمشاهير، وفي مقدمتهم النجمة ليلى علوي، اللي لفتت الأنظار بوجودها ودعمها لزميلها وأخوها سيد رجب في ليلته الخاصة.
الصور اللي انتشرت من الحفل عكست بوضوح كمية الحب والبهجة واللمة الحلوة اللي ميزت الليلة دي، وأكدت إن الحب الصادق هو اللي دايماً بيجمع الناس في أحلى لحظات العمر. مبروك للفنان القدير سيد رجب، وألف مبروك للعروسين حياة جديدة مليانة سعادة وتوفيق

16/06/2026

في الوقت اللي كان بيحتفل فيه كريم محمود عبدالعزيز بتخرج بنته خديجة من المدرسة البريطانية الدولية في القاهرة، حصل حاجة مش متوقعة أبدأ مع طليقته آن الرفاعي.. تعالوا نعرف سوا الكواليس ورد فعلها لما شافت كريم.
هو إحنا بنكبر ولا الوقت هو اللي بيجري أسرع من الخيال؟ السؤال ده أكيد جه في بال الفنان كريم محمود عبد العزيز وهو واقف فخور وبيرمّش عينيه عشان يستوعب إن بنته "خديجة" كبرت وبقت بتتخرج من المدرسة.
في لقطة دافية ومليانة مشاعر حقيقية، شارك كريم مع جمهوره على إنستجرام صورتين مع بناته "كندة وخديجة" في يوم تخرج خديجة، وكتب كلمات تلمس قلب أي أب.
كريم قال إن اليوم ده يوم مهم جداً، وإنها بتتنقل من مرحلة مهمة لمرحلة أهم في حياتها، وعبر عن دهشته من سرعة الأيام بجملة "الوقت مش بيجري، الوقت أسرع من الخيال".
كريم ما كتقاش بكلمات الفخر لبناته ووعده ليهم إنه هيفضل طول عمره فخور بيهم، لكنه كمان شارك دعوة طالعة من القلب لكل الناس، ودعا ربنا يرزق كل مشتاق بالذرية الصالحة اللي تقر بيها العين، ويجبر خواطر الكل جبر يتعجب له أهل السماء والأرض.
البوست ده قلب السوشيال ميديا وتفاعل معاه الجمهور والفنانين بشكل كبير، والكل بارك لخديجة وكريم، ودعوا لهم بزيادة الفرح والنجاح في الخطوات الجاية.
المفاجأة بقا إن آن الرفاعي تجاهلت كريم تماماً وحتى مسلمتش عليه واكتفت ببعض الصور التذكارية مع بناتها وخصوصا خديجة اللي كانت فرحانة جداً ومنقسمة بين مامتها وبين والدها لإنهم كانوا بعاد عن بعض.
اللحظات دي بتفكرنا دايماً إن وسط الشغل والأضواء، العيلة والنجاح الحقيقي لأولادنا هو السند والبهجة الحقيقية اللي بتدوم.
آن الرفاعي بعد انفصالها عن كريم محمود عبد العزيز، قررت تاخد حياتها في اتجاه تاني تمامًا.
من وقتها وهي مركزة على نفسها، بتعتني بمظهرها وبتنشر صور جديدة على السوشيال ميديا وهي في قمة الأناقة والشياكة، لدرجة إن الناس بدأت تتكلم عن تحولها الكبير بعد الطلاق.
الغريب إن آن قبل كدا مكنتش بتحب تشارك تفاصيل حياتها الشخصية أبدًا، لكن دلوقتي واضح إنها عايزة تعيش حياتها بعيد عن الدراما والضغوط. ناس كتير لاحظت إنها فعلاً قدرت تتخطى أزمة الطلاق، وبدأت تبني حياتها من جديد بطريقة مستقلة وهادية.
على النقيض، كريم محمود عبد العزيز مختفي تمامًا ومحدش يعرف عنه أي حاجة، ومش واضح موقفه من كل اللي حصل، خصوصًا بعد تضامن المتابعين مع آن بعد إعلان الطلاق المفاجئ في استوري من غير مقدمات.. دا غير إنه انسحب ومشي وساب البيت، من غير أي خلافات واضحة، وده خلى كل التركيز على آن وحياتها الجديدة.
آن دلوقتي مركزة في شغلها وحياتها وبناتها، وبتظهر من وقت للتاني في البرامج تتكلم عن البراند الخاص بيها اللي حقق نجاح كبير.. وتقريباً كدا كل النجوم في الوسط الفني بقوا بيشتروا منها وحققت شهرة كبيرة في وقت صغير..
وأكدت إن بناتها هما اللي بيساعدوها في مشروعها وبيجهزوا الطلبات للناس وواقفين جنبها في كل أزمة بتمر بيها.

16/06/2026

رغم إن آثار الحكيم كانت واحدة من أهم فنانات جيلها وأكثرهم انتشاراً في الأعمال الفنية، إلا إنها خدت قرار مفاجيء باعتزال التمثيل للأبد ومحدش كان عارف السبب وكمان هي كانت بترفض تظهر في أى قناة فضائية أو حتى على السوشيال ميديا.. تعالوا أقولكوا سبب اعتزال آثار الحكيم التمثيل ورأيها إيه في التمثيل.. تابعونا للنهاية
آثار الحكيم قررت في قمة مجدها وشغها إنها تختار طريق تاني خالص، طريق العيلة والأمومة والتضحية. لكن يا ترى بعد السنين دي كلها من الاستقرار والنجاح، إيه اللي يخلي نجمة بالحجم ده تواجه أزمات وانفصالات ومحاكم وتهديدات ورا الكواليس؟
الفنانة آثار الحكيم فاجأت الكل بظهورها وتصريحاتها اللي قالت فيها إنها اعتزلت الفن من حوالي 15 سنة، وقالت كمان إن السنين بتجري، بس من فضل الله هي لسه على تواصل مع الناس وبتشوف رسائل جميلة من الجمهور على فيسبوك.
آثار أكدت إنها اعتزلت تماماً وهي في قمة شغلها وعملها ونجاحها، وردت على التفكير التقليدي للناس اللي بتقول إنها اعتزلت بسبب مشاكل في الوسط الفني أو إنها تابت، وقالت مفيش حاجة اسمها كده، الفن مش حـ.ـرام نهائياً وهي بس تشبعت منه.
ووضحت إن الإنسان لازم يدرك حقيقة الحياة، وإن أول عدو لينا هو الجهل، والدنيا دي في الآخر أقصر رحلة، حتى لو عشنا 100 سنة هتحس إنها ساعة، ولازم نفهم إحنا جايين ليه ورايحين فين.
بالرغم من النجاح الكبير اللي حققته آثار الحكيم في مشوارها الفني، حياتها الشخصية كانت عكس كده خالص ومليانة بالوجع والصدمات.
ولو رجعنا لورا هنلاقيها رغم شطارتها في الفن إلا إن حظها في الجواز كان صعب جداً
آثار اتجوزت في بداية حياتها سنة 1987 من رجل من خارج الوسط الفني اسمه محمود مجدي جودت، وأنجبت منه 3 أولاد هم عمرو وعلي وعبد الرحمن.
آثار كانت فاكرة إنها بتبني بيت مستقر، لكن في شهر مارس سنة 1999، اتفاجأت بأن جوزها طلقها غيابي بدون أي مقدمات ولا أي أسباب، بعد زواج استمر لأكتر من 10 سنين.
الصدمة ما وقفتش هنا، طليقها ماكتفاش بالطلاق الغيابي، لأ ده كمان حـ.ـرمها من ولادها التلاتة بعد ما قدر ياخد حضانتهم، ومنعها حتى من إنها تشوفهم.
آثار الحكيم ما سكتتش ورفعت قضية عشان تسترد ولادها، وفعلاً المحكمة حكمت ليها بالحضانة بعد فترة كبيرة، خاصة بعد ما أولادها وقفوا في المحكمة وقالوا إنهم عايزين يعيشوا معاها هي، بعد ما أبوهم اتجوز واحدة تانية.
وبالرغم من إن آثار هي اللي تولت كل مصاريف أولادها، طليقها فضل يضايقها ويهددها بنقل الأولاد من مدرستهم الدولية لمدرسة أقل في المستوى عشان يكـ.ـسرها.
بس محامي آثار قدم بلاغ اتهام ضد طليقها لأنه بيتعرض لها وبيهدد نفسية الأولاد، ووضح إنها هي اللي بتدفع المصاريف بالكامل، وفعلاً ماقدرش ينفذ تهديده وقتها.
سنة 2006، قررت آثار تبدأ صفحة جديدة واتجوزت من الإعلامي ياسر خليل، واللي كان صديق كويس جداً لأولادها وحبوه وعاشوا مع بعض حياة سعيدة.
لكن طليقها أول ما عرف بالجوازة دي، استغل الثغرة القانونية وطالب بحضانة الأولاد تاني، وفعلاً قدر ياخدهم ونقلهم لمدرسة أقل في المستوى زي ما كان عايز، بالرغم من إن آثار عرضت تدفع مصاريف مدرستهم القديمة بس هو أصر عنداً فيها.
الأولاد نفسيتهم تعبت تماماً، وإدارة المدرسة بلغت آثار إن أولادها بقوا عنفاء وتحصيلهم الدراسي ضاع، والنتيجة كانت إن واحد منهم سقط والاتنين التانيين خرجوا بملاحق.
آثار ما استحملتش تشوف ولادها بيضيعوا، ورفعت دعوى مستعجلة تطلب عودتهم لمدرستهم القديمة لإنقاذ مستقبلهم، وفعلاً الحكم طلع لصالحها ورجعوا.
طول السنين دي، آثار الحكيم عاشت محـ.ـرومة من رؤية أولادها في المناسبات أو حتى في المدرسة، وسط قضايا ومحاكم ومطالبات بمصاريف المدارس، لحد ما المحكمة حكمت في النهاية بإنهم يتقاسموا المصاريف والحضانة مع بعض.
رحلة طويلة من التضحية والصبر، أثبتت فيها آثار الحكيم إن غريزة الأمومة أقوى من أي بريق وشهرة في الدنيا.
شاركونا في النهاية برأيكم هل فعلا آثار الحكيم كانت محقة باعتزالها الفن ؟

15/06/2026

تخيلوا إن الدنيا مقلوبة في اليابان بسبب اللي حصل مع الغوريلا كيوماسا مع زوجته.. الموضوع مش بس فكاهي وطريف دا كمان عمل قلبان لإنها طردته من بيته.. تعالوا نعرف تفاصيل مشكلة كيوماسا وزوجته وليه اتصدروا الترند ومين فيهم عنده حق.. تابعونا للنهاية
حكاية الغوريلا "كيوماسا"، اللي عاش حياته في حديقة حيوان "هيجاشياما" باليابان كأنه ملك متوج، ضحى بهدوءه عشان عيلته، وفي الآخر واجه الانفصال والوحدة ومش بس كده ده كمان اتطرد من بيته.
كيوماسا، الغوريلا اللي عنده 13 سنة وعايش في حديقة الحيوانات في اليابان، انتشر له مؤخرًا فيديو مكـ.ـسر الدنيا وعلى نطاق واسع جدًا، بعد ما حصلت لحظة مثيرة بينه وبين زوجته جوة قفصه.
الفيديو بيوثق خنـ.ـاقة ومشادة كلامية حادة جدًا حصلت بينه وبين واحدة من إناث الغوريلا في مجموعته، واللي هي رفيقته وشريكة حياته.
الخنـ.ـاقة مكنتش مجرد زعل عابر، دي وصلت لدرجة إن الأنثى قامت بكل عصبية وطردته برة منطقتها ودفعته برة القفص تمامًا قدام الزوار والحراس اللي كانوا واقفين مذهولين من حجم الغضب وقوة الهجوم.
وبعد الشجار العنيف ده مع رفيقته، كيوماسا كان جالس لوحده تمامًا في هدوء تام وقاعد في حالة شرود بيفكر هيعمل إيه، وعلامات الوجوم على وشه، وكأنه قاعد بيراجع نفسه وبيُعيد التفكير في قراراته وفي كل اللي حصل معاه بعد ما اتطرد من بيته وعيلته.
اللقطات دي اتصورت بعد وقت قصير جدًا من الخنـ.ـاقة، والتفصيلة دي بالذات فتحت باب الخيال واسع للمتابعين، ورد فعل الغوريلا الشبيه بالبشر وطريقته وهو زعلان ومكسور الخاطر أثارت إعجاب كل الناس على السوشيال ميديا.
ورغم إن القصة دي بتتحكي دايمًا بطريقة فكاهية وبتضحك وكأنها بتشبه قصص ومشاكل البشر المتجوزين، إلا إن النوع ده من التوتر والانفصال بيعتبر في الحقيقة جزء طبيعي جدًا من حياة الغوريلا الاجتماعية، لأن العلاقات والتسلسل الهرمي جوة المجموعة ممكن يتغير بسرعة وبشكل مفاجئ.
طيب مين هي كيوماسا ؟
كيوماسا مش مجرد حيوان ضخم، ده كان رمز للقوة والذكاء، وقدر يبني علاقة فريدة مع الجمهور اللي كان بيسافر مخصوص عشان يشوف "نظرة عينيه"
بس كيوماسا كان غوريلا من نوع السهول الغربية، وكان معروف بملامحه الحادة وجسمه الرياضي اللي يخلي أي بطل كمال أجسام يغير منه.
الناس كانت بتنبهر بطريقة حركته وهدوءه الغريب، كان بيتعامل بوقار الملوك وسط مملكته الصغيرة.
الغريب في حكاية كيوماسا إنه رغم قوته الغاشمة، كان بيظهر جانب حنين جدًا وهادي في تعاملاته اليومية، وده اللي خلاه يتحول لأسطورة في حكايات الحراس والزوار.
كيوماسا كان "براند" لدرجة إن صوره كانت بتملأ المجلات والبوسترات، والناس كانت بتشوف فيه شموخ المحـ.ـاربين القدامى.
قصة كيوماسا بتعلمنا إن الهيبة مش بس بالعضلات والصوت العالي، لكنها حضور وكاريزما بتفرض نفسها على المكان.

Elkholy fans

19/06/2026

19/06/2026

19/06/2026

18/06/2026

18/06/2026

17/06/2026

16/06/2026

16/06/2026

16/06/2026

15/06/2026

Address

Website

Alerts

Shortcuts

Share

Category

Listing takedown request