سيمو حامد مصور عرفناه كلنا في برنامج المشروع و اتعرفنا اكتر عليه و علي احلامه و طموحاته و عرفنا حبه الكبير للتصوير اللي شايف انه اهم حاجة في حياته...
الموهبة هي شيء اساسي في اي مهنة بس ساعات بيبقي جوه الواحد موهبة و مش حاسس بيها و بيكتشفها في الوقت المناسب و ده بالضبط اللي حصل مع سيمو اللي كان بيشتغل شغل روتيني و لانه مش روتيني و بيحب الابداع قرر انه يشوف بيحب ايه و حاسس بيه و يعمله و بدأ مشواره
مع التصوير و الكاميرا اللي شايف انها الوسيلة الرئيسية اللي بتنقل الحقيقة للناس.
برنامج المشروع كان نقطة تحول كبيرة في حياته .
سيمو له رؤية و فكر معين و لما قرر ان يبقي مدير تصوير اختار انه يعمل حاجة مختلفة و يقدم صورة كمان مختلفة، و لانه بييحب المزيكا كان هو من اول الناس اللي بتصور حفلات غنائية باسلوب محترف و بكاميرات متخصصة مع فريق عمل كبير بيساعده ..
سيمو صور اغلب حفلات غالية بنعلي في مصر ،حفل لينا شاماميان و كمان حفلات ريم بنا في القاهرة و الاسكندرية..كمان شارك في تصويرا اكثر من فيديو كليب لفنانين كتير و شارك السنة دي في مسلسل سرايا عابدين اللي يعتبر من اهم المسلسلات السنة دي .
حلم سيمو انه يبقي من افضل مديرين التصوير و يقدم صورة جديده و مختلفة و مش بس كده بيحلم كمان ان الحقيقة دايما توصل للناس و عشان كده الكاميرا هي العنصر الاساسي اللي دايما معاه عشان يوصل الحقيقة و الصورة زي ما هي من غير تزييف و لا حتي edit ....
