19/07/2026
🛑 كل ما تريد معرفته عن اختبارات القدرات للكليات س و ج
🛑 معلش ممكن تعرفنى يعنى قدرات ؟
👈 بص يا سيدى، فى بعض الكليات شرط أساسى علشان تدخلها إنك تجيب مجموعها، وثانيًا لازم تجتاز اختبار القدرات.
يعنى لازم الشرطين يتحققوا.
👈 امتحان القدرات ده بيختلف من كلية للتانية، وهقولك تفاصيل اختبار كل كلية.
بص يا سيدى.. دى الكليات اللى لازم تجيب مجموعها وكمان تجتاز اختبار القدرات علشان تقدر تدخلها.
🛑 يعنى إيه اختبارات قدرات؟
👈 هى امتحانات بتتعمل قبل التقديم على الكلية، ولازم الطالب ينجح فيها علشان يُقبل.
مش كل الكليات بتطلب الاختبار ده، بس الكليات اللى بتحتاج مهارات خاصة زى الرسم أو الأداء الحركى لازم تعمل الاختبار الأول.
🛑 إيه هى الكليات اللى بتحتاج اختبارات قدرات؟
1️⃣ كليات الفنون الجميلة (قسم فنون – قسم عمارة).
2️⃣ كليات الفنون التطبيقية (جامعات العاصمة – دمياط – بنها – بنى سويف – طنطا – دمنهور).
3️⃣ كلية التربية الموسيقية بالزمالك – جامعة العاصمة.
4️⃣ كلية التربية الفنية بالزمالك – جامعة العاصمة، وكلية التربية الفنية جامعة المنيا.
5️⃣ كليات علوم الرياضة.
🛑 الكليات اللى اتلغى فيها امتحانات القدرات وأصبح القبول فيها معتمد على المجموع والتنسيق فقط:
👈 الإعلام.
👈 التربية النوعية.
👈 طب باقى الكليات شرط واحد فقط... المجموع وبس.
🛑 طيب أنا دلوقتى عرفت الكليات.. ينفع أقدم اختبار قدرات لأكتر من كلية؟
👈 أيوه، من حقك تقدم فى كل الاختبارات أو اتنين أو تلاتة زى ما أنت عايز.
🛑 طيب فى ناس بتقولى قدم بعد ما النتيجة تظهر علشان تشوف مجموعك جايب الكلية ولا لأ، وبالتالى لو مجبتش المجموع هتوفر رسوم الاختبار؟
الحجز والفلوس (أول خطوة)
بكام؟: رسوم الامتحان الواحد هي 800 جنيه.
إزاي؟: الدفع إلكتروني بس عن طريق موقع التنسيق (بفيزا، أو ميزة، أو فوري)، وممنوع أي وسيلة تانية.
الخطوات: ادخلي على موقع التنسيق الإلكتروني، سجلي برقم الجلوس والرقم القومي، اختاري الكلية، ادفعي، واطبعي الإيصال اللي فيه الموعد والمكان. "بلاش تأجيل عشان السيستم بيقفل في مواعيد محددة".
2️⃣ مين يدخل إيه؟ (علمي وأدبي)
علمي رياضة: "دول الملوك"؛ ليهم الحق يدخلوا كل كليات الفنون (تطبيقية، فنون جميلة "فنون وعمارة").
علمي علوم: ليهم (فنون تطبيقية، فنون جميلة "فنون"، تربية فنية).
أدبي: ليهم (فنون جميلة "قسم فنون" فقط، تربية فنية، تربية نوعية).
ملحوظة: الفنون التطبيقية وعمارة مش لأدبي.
👈 ينفع عادى، لكن الأفضل متتأخرش.
لأن بعد ظهور النتيجة هيتم ترشيح الطلاب اللى مجموعهم يسمح واللى اجتازوا اختبار القدرات.
فكل ما تخلص بدرى يبقى أفضل.
👈 أيوه ينفع.
فى فيديوهات على اليوتيوب بتشرح نظام الامتحان وإزاى ترسم وكل حاجة.
وفى ناس بتفضل الكورس لأنه بيكون فيه تدريب عملى ومتابعة.
🛑 طيب ممكن تقولى على مكان كويس أخد فيه كورس؟
👈 Berna art academy بتقدملك الكورس حضور في بورسعيد
📍اشلاق السوحل
📍اونلاين
🛑 طيب أنا أخدت الكورس وعايز أقدم إلكترونى علشان أعرف ميعاد الاختبار.. أعمل إيه؟
👈 بص يا سيدى.. دى خطوات التسجيل:
1️⃣ ادخل على موقع التنسيق الإلكترونى.
2️⃣ سجل باستخدام الرقم القومى ورقم الجلوس.
3️⃣ راجع بياناتك الشخصية كويس.
4️⃣ اختار نوع اختبار القدرات والكلية.
5️⃣ سدد رسوم الاختبار إلكترونيًا.
6️⃣ اطبع إيصال التسجيل اللى فيه موعد ومكان الاختبار.
7️⃣ روح فى الموعد المحدد لأداء الاختبار.
🛑 طيب أنا دلوقتى عرفت هسجل إزاى.. بس معرفش إمتى؟
📅 يبدأ التسجيل الإلكترونى:
الجمعة 17 يوليو 2026
📅 آخر موعد للتسجيل:
الخميس 6 أغسطس 2026
📅 وتبدأ اختبارات القدرات بالكليات:
الأحد 19 يوليو 2026
🛑 طيب لما أسجل وكله تمام هيطلع لى معاد.. ده معاد الاختبار؟
👈 أيوه، ده الموعد اللى هتروح فيه الكلية علشان تؤدى اختبار القدرات، فلازم تلتزم بالميعاد الموجود فى إيصال التسجيل.
🛑 طب إيه هو الورق المطلوب؟
1️⃣ إيصال التسجيل من موقع التنسيق الإلكترونى.
2️⃣ رقم جلوس الثانوية العامة وصورة منه.
3️⃣ عدد (1) صورة شخصية لكل اختبار.
4️⃣ بالنسبة لاختبارات علوم الرياضة يلزم عدد (2) صورة شخصية.
✅ ملاحظات مهمة:
👈 التسجيل إلكترونى فقط.
👈 لا يتم تأكيد الحجز إلا بعد سداد الرسوم.
👈 الاختبار بيتعمل مرة واحدة فقط، ولو رسبت مش هينفع تعيده.
👈 النتائج المعتمدة هى النتائج اللى بتدخل على موقع التنسيق الإلكترونى فقط.
👈 لو عندك تعارض بين أكتر من اختبار، تقدر تطلب تأجيل من الكلية خلال الفترة المحددة.
💙 يارب أكون قدرت أوضح كل التفاصيل بشكل بسيط.
ولو عندك أى استفسار عن اختبارات القدرات أو التنسيق، اكتب سؤالك فى تعليق، او ابعتلنا علي الخاص وباذن ربنا هجاوب عليها
🙏 ولو شايف إن البوست هيفيد غيرك، متبخلش عليه بشير.. يمكن تكون سبب فى إفادة طالب محتاج المعلومة.
بالتوفيق والنجاح للجميع. 🌹
