04/05/2026
مسألة الكلب العقور دي مش محتاجة شرح من حد ، عقور معناها كثير العقر ، وعقر يعني عض ،يبقي الكلب الي بيعض الرابح والي جاي بدون سبب ، وزمان يا عزيزي مكنوش لسه عرفوا مرض السعار ولا أسبابه ولا تحصيناته إذن الكلب الي قاعد بعض في الناس وبالتالي فيه خطورة محتملة وغير مفهومة علي حياة الناس فهنا و هنا فقط احل لكم درء الخطر لكن كل الكلاب طبيعتها أنها بتهوهو وأنها بتدهوس عالزرع وأنها بتاكل وأنها بتعمل زي ما احنا كمان بنعمل وأنها ممكن تعضك لو اتعاملت معاها غلط وساعتها يبقي كلب عض مرة لسبب ما يبقاش برضه كلب عقور ،
ما هو يا ناخد الحديث صح يا متستشهدش بيه وابعد عن الدين خالص عشان مفيش دين مش أساسة الإنسانية و السلام مع الأرواح ولو رجعنا فمع الحديث إقرار ضمني للتعايش مع ما دون ذلك فالكلاب كانت موجودة بينهم بين الخيام والعديد من الأحاديث التي تحث علي الرحمة وتقديم المساعدة ولو بشربة ماء وترسم مع القران صورة ضمنيه من التعايش السلمي وحتي الوصف الاسمي لفتية أمنوا بربهم وزدناهم هدي ومن صفاتهم أنهم اعتبروا الكلب فردا وعضوا في العائلة له من الأهمية والحقوق ما لهم ولم يتركوه رغم أنه عبأ علي الطريق ملوش لزمة بس ميتسابش .
طب الناس دي والي قبلهم والي بعدهم والي موجودين دلوقتي بيتعايشوا إزاي ؟! ازاي عايشين والناس ماشية والكلاب مش بتعملهم حاجة؟! يا تري هل سهل اني ا وامشي عادي وميعملوليش حاجه أنا كمان ؟ الحقيقة الموضوع سهل جدا اسهل من انك تعدي الشارع وسط العربيات واكيد اكيد اسهل من انك تتعامل مع بني أدم متعرفش دماغه فيها ايه هو صريح مش هيخمك وفعليا مش عاوز منك حاجه عشان يخمك الموضوع كله يبدأ من أن تصفي قلبك ؛ صحيح هو انت لو عرفت تعدي وفهمت وبقت الكلاب في منطقتك أكثر ألفة وأكثر أمانا مع أطفالك وبالتالي هيحموهم من هجمات كلاب دخيلة أو غريبة قد تكون أكثر شراسة وأقل خبرة بالبشر ؛ هل ستستمر في تحليل الإفساد وسفك الدماء؟!
ولا انت اصلا شبح وبتعدي من اي حاجه واي حد بعون الله بس هما قالقين منام حضرتك ومعفرتينك حتي لو قاعدين في حالهم ويبقي احنا الي المفروض ناخد بالنا ومنضايقش حضرتك خالص يا فندم عشان ميبقاش فيه حاجة معكرة مزاجك وتمثل خطر علينا بالتالي
