Gogo Land

Gogo Land Contact information, map and directions, contact form, opening hours, services, ratings, photos, videos and announcements from Gogo Land, Arts and entertainment, Al Qaaed, Cairo.

نسعي لتوفير تمويل بديل عن التبرعات لخدمة الحيوانات الشاردة ❤
يمكنكم متابعتنا في بث مباشر يوميا علي تيك توك :

https://www.tiktok.com/?_t=ZS-8wC48r8acJW&_r=1

حابب اشكركم جميعا علي فيض الحب والثقة الي غمرتونا بيه في طلبات انضمامكم للنسخة القادمة من سلسلة (فوج مطروح ٢٢/٩) وبنعت...
03/09/2026

حابب اشكركم جميعا علي فيض الحب والثقة الي غمرتونا بيه في طلبات انضمامكم للنسخة القادمة من سلسلة
(فوج مطروح ٢٢/٩) وبنعتذر للناس الي كلمتنا وعملت حسابها أنها تحجز اول تسعة ، الاماكن خلصت والرحلة أصبحت كامل العدد ونظرا لضغط الاتصالات في الوقت الضائع قررنا عمل قائمة انتظار تمهيدية (ويتنج ليست) الي بحجزك مكان فيها بيكون ليك الأولوية في حالة اعتذار أحد المشاركين أو في حالة رغبتك في ذلك تحول لحجز مكانك في فوج ٦/١٠ وحتي ١٠/١٠ (خمس ايام اربع ليالي ) بنفس التفاصيل والمكان الحالي ،
مطروح ، خليج الغرام , منتجع سي عمر.

جديد من Gogo Land بالتعاون مع منتجع سي عمر هيتم توفير خيم للتخييم داخل المجتمع ايام المعسكر فلو عاوز تلحقنا وتخفض التكاليف فعليا في نفس الوقت بادر بالاتصال ومعرفة التفاصيل أما لو عاوز رفاهية اكتر الحق مكانك في االويتنج ليست التمهيدية الفوج القادم من ٦ والي ١٠ اكتوبر إن شاء الله ،

13/08/2026

هي أكيد مكانتش سامعة المزيكا ، بس ياتري هي سامعة أية ومين دي اصلا ؟ يا تري حد عارفها ؟!

06/08/2026

الحق يا دكتور ، "كلب واقع في البلاعة وقاعد يصوت من بدري" أنا سمعت الكلمة مش هكدب واقول جريت اشوف ايه الي حصل لا الاول عيني لفت يمين وشمال وقلبي بيقولي عياااالي
مرجوشي اهو ، جبلاوي حنكوشة ، سوسو ،لوز وفلان وفلان لا كاملين ،،، خدت نفسي وقلت شكله ايه الكلب ده ؟! قالوا ابيض ،لا سلطان وتكتوك اهم ، تعالي نشوف مين الي هناك ورحت معاهم لقيت كام واحد من الشباب واقفين وقالو دا من بدري ومش عارفين نعمل ايه المنطقه فيها شغل بس مفيش عمال النهاردة . بصيت لقيت الكلب خلاص مستكين لقدرة وواضح أنه استنشق كمية غازات كبيرة وخلاص بيشطب ، البير غويط والدنيا ضلمه والحبل الموجود متهالك لو شال الكلب مش هيشيلني ولقيت مخي شغال يكبر في مخاطر النزول وبيدور علي حل أمن مش لاقي لحد ما حد قال يعني لو كلب من الكلاب التانيه مكنتش هتنزل ؟! هنا عقلي خد صدمة في طريقة تفكيره لا طبعا لو حد اعرفه كنت ممكن انط من فوق والي يحصل يحصل أو علي الاقل لما يقولوا فيه واحد وقع في البلاعة هيهتموا اكتر ويجوا يطلعونا احنا الاتنين ، متستغربش مني انا مش بوشين احنا كلنا عندنا المفارقة دي في التفكير , انت لو معدي علي حادث وفيه بني أدم واقع مخك هيبدا يحسب حسابات كتير والمشاكل المحتمله لوقوفك من اول أنه يطلع حادث وهمي ويصطادوك لسين وجيم وهتأخر علي مواعيدي وحواجز نفسيه كتيره هتتكسر لو انك تعرف هذا البني ادم وعقلك هيفصلك تماما وهتتصل بالناس كلها وتفضل جمبه وانت مدي الموقف الاولويه القصوي في الحياة
المهم حد قال عنده حبل اتخن شويه زي الي بيستخدمه العمال قلتله هاته وانا هروح اغير في خمس دقائق واجي وهنزل أنا خلاص يقوم ربنا (اصل ربنا ده كبير برضه ميسبكش في سعي هو الي باعتك فيه) باعت الطمأنينه من عنده وفي اللحظة الي انا رايح اغير لقيت ونش معدي شاورتله وقلتله فيه كلب وقع في البلاعة من بدري وعاوزين تطلعه قالي اقول للريس ، حكيتله قالي أنا معايا الونش بس معنديش حد ينزل قلتله أنا هنزل وكنت كده كده رايح اغير واتشعبط في حبل فكده فل اوي والحمد الله 🤲

اشمعنا مطروح ؟ مفيش حاجه تانيه اقرب السخنه مثلا او الساحل ؟ أنا مبحبش مطروح ، دي بعيده اوي 🙄تعالي بقي وركز معايا واحده و...
30/07/2026

اشمعنا مطروح ؟ مفيش حاجه تانيه اقرب السخنه مثلا او الساحل ؟ أنا مبحبش مطروح ، دي بعيده اوي 🙄

تعالي بقي وركز معايا واحده واحده. ..... السخنه والساحل فرقهم عن أي مكان مصيفي اخر في الأساس أنهم مش بلد يعني مش اسكندريه ولا السويس ولا مطروح يعني مش مكان زحمه بتاخد فيه شقه حتي لو في احسن حته وتنزل بقي تشتري اكل وتطبخ وتعجن ويطلع عينك وتفضل تلف علي البلاجات ودخول وكراسي وشماسي وليله كبيره صحيح ليها مريديها الي بيحبوا يفتكروا المصيف العائلي وزمن الخير والبركة،
بس ده من الاخر مينفعش في رحله انت طالعها بالكلاب ، يبقي انا كمنظم بدور ليك علي واحة تفصل فيها وفي نفس الوقت فيها كل ما تشتهيه الأنفس من خدمات بحيث انك تبقي مش مضطر تخرج ، لكن ممكن برضه لو حبيت تنزل البلد تشتري هداياك أو تزور معالم الطبيعة الخلابة أو تعمل رحله بحريه أو بتحب تغامر وتطلع سفاري فكل ده متاح علي رغبتك
المعادله الصعبه دي هي الي قدرنا نحققهالكم بتعاقدنا واحد من اشيك المنتجعات وأكثرها خصوصية بمجموعه صغيرة من الشاليهات الفندقية بشاطئ خاص من امتع شواطئ مطروح وأكثرها أمانا خصوصا لحبايبنا الحلوين الي السحب والموج بيضايقهم وممكن يبقي خطر عليهم.
يفضل عندنا المسافة كمشكلة اخيرة ممكن تعرضنا لفقد يوم رايح ويوم راجع غير تعب الطريق ودي قدرنا نتغلب عليها بل وتحويلها إلي ميزة فإحنا بنسافر الساعه 2 من فجر اول يوم عشان نوصل بدري يمكن قبل ما الي طالع مكان قريب ما يتحرك من القاهرة ،
بنعمل رستات كتير عشان راحة حبايبنا وراحتنا والرست بينزلوا ويجروا ويتعرفوا واحنا كمان فتبقي سهرة لطيفة مع عيالنا عشان علي ما نوصل بالسلامة نكون بقينا عيله واحده كبيرة تتعايش بسلام وسعاده مع الجميع ودي اهم مميزات معسكراتنا الي بنسعي فيها لنشر ثقافة التعايش السلمي مع مخلوقات ربنا 💝

"اسعارهم اوفر اوي" ده كان تعليق أحد الاشخاص تعقيبا علي ترشيح Marwa Saad El Din لينا في بوست لحد بيدور علي مكان يصيف فيه...
23/07/2026

"اسعارهم اوفر اوي" ده كان تعليق أحد الاشخاص تعقيبا علي ترشيح Marwa Saad El Din لينا في بوست لحد بيدور علي مكان يصيف فيه يكون بيقبل الكلاب ،

اولا احب اكرر شكري للصديقة والاخت الغاليه التي شرفتنا بالإنصمام فردا جديدا في العائلة الصغيرة التي تكبر بكم وذلك من خلال مشاركتها معنا في النسخة الاخيرة من

نيجي بقي لمعسكراتنا إلي مستحيل تلاقي قيمة مقابل سعر اكثر توفيرا لما نقدمة، مبدأيا كده حضرتك اكيد منزلتيش في المكان لأن لو رحتي او حتي سألتيهم هتبقي متأكدة أن الإقامة داخل فترة المعسكر بسعر أقل من المعتاد وبكتير ،
ده بالإضافة لوجودي فوق البيعة معاكم وده بيخلي معاك اشراف دائم من خلال خبرتي في تدريب الكلاب وطبي كصيدلي هقدر اكون معاك في أي طارئ لا سمح الله علي الاقل بالتوجيه اللازم و علاقات عامة لحل اي مشكله خلال الرحلة ونرحب بيكم اعضاء واخوات شاركتونا لحظات من القلب
ولو بتتكلمي علي مكان تاني نزلتي فيه فبرضة اتحدي أنه يكون ولو بنص مستوي مكان معسكرنا أو إمكاناته.

الموقع :
المكان علي خليج الغرام وهو مكان مناسب جدا ولا يتأثر بالنوات وارتفاع الأمواج والسحب والكلام ، انت في السخنه حرفيا ،
الخدمات :
يكفي وجود شاطئ خاص حضرتك مش مضطر تلف ولا تدفع دخول وكراسي ولا غفر السواحل هيقوموك علي المغرب ، لا براحتك اتفرج عالشروق بس فيه برضه كافيتريا ومطعم وخدمة غرف
الشاليهات :
سيبك من أنها شيك كده وفرشها حلو ومكيفه , كفايه بس أن فيها ميه حلوه صالحة للاستهلاك الادمي وضغطها حلو يعني تستحمي وتدلع براحتك ودي ميزة جامده في معظم المصايف وفي مطروح بالذات.
الامان :
المكان محندق ومحاط بالاسوار (ما عدا البحر) مما يقلل من احتمال تسلل الاطفال أو الكلاب للخارج والتعرض للخطر ،
بالاضافه لإستاف العاملين بكرم ضيافتهم وحسن استقبالهم .

دلوقتي بقي دورك انت تقولي لو الشاليه ده لتلت أفراد لمده ٥ ايام اربع ليالي من ٢٢/٩ داخل معسكرنا مع ضمان حريتك وحرية كلبك هتبقي الليله بكام للفرد ؟

أنا بعمل رحلات من ايام الجامعة واي حد بيعمل رحلات هيبقي عارف ان من أهم عناصر الرحلة هي الباص ، اول حاجه عيونكم بتشوفها ...
16/07/2026

أنا بعمل رحلات من ايام الجامعة واي حد بيعمل رحلات هيبقي عارف ان من أهم عناصر الرحلة هي الباص ، اول حاجه عيونكم بتشوفها ، هو الي بيوصلكم ويحافظ علي راحتكم يطمنكم ويبدأ معاكم اوقات من السعادة وهو برضه الي اي هكا ولا هكا قادر علي أنه يقفل مود اي حد حتي لو ختم بمكان حلو يكفي انكم تبقوا قلقانين من الرجوع عشان الرحلة تبوظ تماما.
واذا كان ده مهم لاي رحلة فما بالك يا صديقي برحلة طالعين فيها بكلابنا فكر معايا كده من الاول لو الباص اتأخر واحنا بنسافر في أول لحظات اليوم بعد نص الليل عشان نستفيد بكل دقيقة من ايام الرحلة هنعمل ايه وهنقف ازاي في الشارع بكل الكلاب دي ، لو لا قدر الله حصل حاجه في السكه هنتصرف ازاي ، السواقين وحركات السواقين طبعا فيهم ناس محترمة وأخواتنا وفوق الرأس من فوق بس هل هو محترف وتعامله معاك انت وبس ومع شركته ومتعاون مع الناس ولا الشركة بتاعته ضاغطه عليه وبالتالي يعمل في بيئة عمل غير مريحة وده ممكن يكهرب الرحلة حرفيا وعشان كده انا مش هبقي بس بحكيلك عن تجربتنا معاهم لا أنا هقولك انا ببقي متطمن ليه ؛ بس خليني احكيلك من البداية واكيد حضرتك متخيل صعوبة التنفيذ مين بقي هيبقي عنده ايمان بالفكرة وممكن يخوض معانا التجربه ويأمن علي راس ماله من فرضية الاتلاف أو لا قدر الله حسب ما هو متوارث في الأذهان افرض الكلب عمل افرض الكلب سوي افرض الكلاب مسكت في بعض وتسببوا في تشتيت السائق وغيرها من الفرضيات الي انا كمنظم باخدها في الحسبان طبعا بس كنت محتاج شريك سياحي عنده وعي وعندة ثقة في تنظيمنا وترتيبنا وقدرتنا علي تحمل المسؤولية والحمد الله ربنا وفقنا في البداية شركة جنوة تورز شركة معروفة وليها اسمها وعندها أسطول من السيارات والباصات بأحجام مختلفة الي بتخليني ابقي ضامن اني هلاقي الاختيار المناسب للعدد الي معايا ، الباصات سياحية ممتازة والسائقين علي مستوي عالي من الاحترام والالتزام ، متعاونين وقمة في الأخلاق وده ناتج طبعا من إدارة متميزة وعندهم من الإمكانيات والقدرة الفعليه علي تدارك اي طارئ علي الطريق. أنا بعمل رحلات من ايام الجامعة واي حد بيعمل رحلات هيبقي عارف ان من أهم عناصر الرحلة هي الباص ، اول حاجه عيونكم بتشوفها ، هو الي بيوصلكم ويحافظ علي راحتكم يطمنكم ويبدأ معاكم اوقات من السعادة وهو برضه الي اي هكا ولا هكا قادر علي أنه يقفل مود اي حد حتي لو ختم بمكان حلو يكفي انكم تبقوا قلقانين من الرجوع عشان الرحلة تبوظ تماما.
واذا كان ده مهم لاي رحلة فما بالك يا صديقي برحلة طالعين فيها بكلابنا فكر معايا كده من الاول لو الباص اتأخر واحنا بنسافر في أول لحظات اليوم بعد نص الليل عشان نستفيد بكل دقيقة من ايام الرحلة هنعمل ايه وهنقف ازاي في الشارع بكل الكلاب دي ، لو لا قدر الله حصل حاجه في السكه هنتصرف ازاي ، السواقين وحركات السواقين طبعا فيهم ناس محترمة وأخواتنا وفوق الرأس من فوق بس هل هو محترف وتعامله معاك انت وبس ومع شركته ومتعاون مع الناس ولا الشركة بتاعته ضاغطه عليه وبالتالي يعمل في بيئة عمل غير مريحة وده ممكن يكهرب الرحلة حرفيا وعشان كده انا مش هبقي بس بحكيلك عن تجربتنا معاهم لا أنا هقولك انا ببقي متطمن ليه ؛ بس خليني احكيلك من البداية واكيد حضرتك متخيل صعوبة التنفيذ مين بقي هيبقي عنده ايمان بالفكرة وممكن يخوض معانا التجربه ويأمن علي راس ماله من فرضية الاتلاف أو لا قدر الله حسب ما هو متوارث في الأذهان افرض الكلب عمل افرض الكلب سوي افرض الكلاب مسكت في بعض وتسببوا في تشتيت السائق وغيرها من الفرضيات الي انا كمنظم باخدها في الحسبان طبعا بس كنت محتاج شريك سياحي عنده وعي وعندة ثقة في تنظيمنا وترتيبنا وقدرتنا علي تحمل المسؤولية والحمد الله ربنا وفقنا في البداية لشركة جنوة تورز Genoa tours بقيادة مستر أحمد الشحات القائد الواثق والجرئ الذي ابدي اعجابه بالفكرة وكونها تسعي لتوفير ونشر الوعي و التعايش السلمي واحترم التنظيم ووضعنا علي أول الطريق بإمكانات الشركة اللامتناهيه من الباصات والسائقين ومن خلفهم المتابعة وخدمة العملاء ولا أستطيع أن اوفيهم حقهم فقد كان السبب الرئيسي للانطلاق والاستمرار حتي الآن فيكفي أن أقول إني عميل شركة جنوة ( في حال عدم وجود ضغط في الافواج السياحية فهم من صفوة النقل السياحي في المقام الأول )حتي تفتح الأبواب المغلقة ويتحول المستحيل ممكنا
https://www.facebook.com/share/1EXJEKsNsY/?mibextid=wwXIfr

وحين تأتي الصعوبة يظهر بجدارة دور الصديق الغالي وحلال المشاكل ورجل المهام الصعبه مستر احمد برضه 🫡 رئيس مجلس إدارة الدولية ترافيل Dawlea travel الذي لم يخذلني قط حتي لو حدث التغيير في اللحظات الأخيرة فهو دائما يجد الحل
شركة الدولية ترافيل شركة من شركات النقل السياحي الرائدة والتي تسعي لراحة العميل وتوفير الخيار الأمثل ليه بما يناسب إحتاجة و ميزانيته من خلال تعاقدها مع أسطول من السيارات والباصات الحديثة بأحجام وموديلات مختلفة الي بتخليني ابقي ضامن اني هلاقي الاختيار الأنسب للعدد الي معايا وطبعا سائقين علي مستوي عالي من الاحترام والالتزام والتعاون وده ناتج طبعا من إدارة متميزة عندها من الإمكانيات والقدرة الفعليه علي تدارك اي طارئ علي الطريق وبكدة يبقي أنت ضمنت وجود باصك الأمثل وسائق محترم وكتيبة كاملة تعمل لكي تصل إلي وجهتك في سعادة وسلام.

https://www.instagram.com/dawliacars?igsh=MWtwOXBtN2UzZXpqeQ==

09/07/2026

من المفارقات الغريبه الي ملهاش تفسير غير انهم خايفين لمجرد الخوف هو محبي القطط !!
الي بيتعامل مع القطط ويحبها ويلعب معاها ويعذرها علي خرابيشها وضربها وعلي قلبه زي العسل ، عاوز افهم ازاي يخاف من الكلاب ويؤيد الهجوم عليها والكلب استحاله يهرج التهريج التقبل بتاع القطة ده ، الكلب لو اطمنلك مش ممكن ابدا يتغاشم عليك من باب فرض السيطره زي القطط ما بتعمل ولو حصل اي حاجه هتبقي في نطاق الغلطه غير المقصودة ، فإيه بقي ، بجد فايتكم كتير ،

07/07/2026

أنا قلقان من ترند مطروح وجمال مطروح وبوابات مطروح ، مش بعد ما بقي عندنا الحتة الحلوة الي في حياتنا الي بنقدر نستمتع فيها بجو من النقاء والإستمتاع بالحرية والانطلاق وسط الحفاوة والترحيب وشياكة التعامل نبقي مهددين أن كل ده ينتهي ، فلو مطلعتش معانا قبل كده رحلة مع صديقك الاليف فعاوز اقولك أن موعدنا القادم ٢٢/٩ ولمدة خمس ايام اربع ليالي قد يكون اخر موسم قبل سحب المنطقة الشاطئية اللمميزة لخليج الغرام وطرحها لمستثمر رئيسي أو يمكن يخش علي المحافظة بحالها . المهم ملناش دعوة احنا يا موهيي وخلينا في السؤال المهم كلبك نوعه ايه وايه اكتر مكان زرته وانبسطت فيه معاه ؟!


اسباب ارتفاع حالات تطعيم السعار أو ما يسمي حالات العقر ترجع في الأساس لزيادة تربية الحيوانات المنزليه (قطط ، كلاب فئران ...
29/06/2026

اسباب ارتفاع حالات تطعيم السعار أو ما يسمي حالات العقر ترجع في الأساس لزيادة تربية الحيوانات المنزليه (قطط ، كلاب فئران هامستر حتي العروسه اقتربت فالبيت) وارتفاع معدلات الوعي والرحمه بين الناس وبالتالي بقي فيه تعامل اكتر مع الحيوانات دي سواء قطط أو كلاب فالشارع في السنوات الاخيره وبالتالي تعرضهم للخربشه والجروح اثناء التعامل مش عشان الكلاب جريت وراهم وعضتهم ، لا ننفي حالات الهجوم المباشر بس هو اقل بكتير من عشر الرقم المتداول وللاسف مفيش إحصاء واضح غير أنه تم صرف مليون وأربعمائة ألف تطعيم تحت مسمي حالة عقر ،ويتم تداول الرقم إعلاميا بجهل وتدليس متعمد علي أنه تعداد لحالات هجوم كلاب الشارع

28/06/2026

طب أنا مش هكتب حاجة وهستني اشوف الردود رايحة بينا علي فين يا مصر ، فيه ناس اكيد بتفهم وفيه ناس .... المهم كل إناء ينضح بما فيه وكل نفس بما فيها تفيض ، ففيضوا افاضكم الله وذادكم مما به تنعمون ،

Address

Al Qaaed
Cairo

Telephone

+201096216005

Website

Alerts

Be the first to know and let us send you an email when Gogo Land posts news and promotions. Your email address will not be used for any other purpose, and you can unsubscribe at any time.

Contact The Establishment

Send a message to Gogo Land:

Shortcuts

Share

Category