22/08/2026
بمناسبة الصور اللي نزلت من مسلسل من كم يوم وهو تعاون جديد بين المخرج كريم الشناوي والسيناريست مريم نعوم وبطولة منة شلبي، فده ملخص سريع لمسيرة كريم الشناوي
--------
كريم الشناوي قدم ٥ مسلسلات منهم ٣ مع مريم نعوم "خلي بالك من زيزي، الهرشة السابعة، لام شمسية" وكلهم كانوا بطولة أمينة خليل ... لكن البطل الحقيقي في المسلسلات دي غالباً بيبقى موضوعها المختلف عن إضطرابات ومشاكل نفسية واجتماعية بتأثر على حياة أبطال الحدوتة
مسلسل قابيل كان مختلف شوية وهو مسلسل غموض وإثارة، تأليف مصطفى صقر ومحمد عز الدين وكانت البطولة النسائية لأمينة خليل برضو 😅
كان في تجربة للشناوي مع نتفليكس لمسلسل كويتي من ٦ حلقات اسمه "الصفقة" لكن ماشوفتوش الحقيقة وأعتقد ناس كثير ماتعرفوش 🙂
بالنسبة لي أنا فمسلسل لام شمسية كان الأفضل والأنضج في مشواره 🙂
--------
على مستوى السينما كريم الشناوي قدم ٣ أفلام
- عيار ناري ٢٠١٨
- ضي ٢٠٢٥
- السادة الأفاضل ٢٠٢٥
يمكن يكون السادة الأفاضل هو الفيلم الأفضل له، لكن شايف إنه على مستوى السينما لسه عنده مساحة يقدم أعمال أفضل وإن تجربته في التلفزيون أكثر وضوحاً وجودة
--------
السؤال: ايه أفضل عمل لكريم الشناوي لحد دلوقتي سواء سينما أو تلفزيون؟! 🙂
#الحبكة
