17/08/2026
حبيابنا الحلوين
دلوقتي عاوز بس اوضح نقطة للمعظم دلوقتي حضراتكم شايفين موجة الغلاء ال احنا كلنا فيها صح وربنا يفرجها علي الكل طب تمام اللهم امين يارب العالمين طب دلوقتي عاوز تقنعني ازاي ازاي كدة كل حاجة بقت حرفيا ب أسعار نار ... اسعارنا مش هتكون زيادة طب ب العقل والمنطق كدة هو اوردر حضرتك دة مش بيتكلف خامات طب بلاش مش بيتكلف ورق خاص للرسم والورق دة مش مصنوع هنا طب بلاش هو مش الخامات دي والورق بنجيب ليها تابلوة خشب لة تمن والمورد بيتم زيادة التمن علية من مواد التصنيع او الاستيراد حسب اما هيجيبوا من مصنع محلي او جايبة مستورد .. طب بلاش دة هو مش فية بقي رسام اشتغل علي الاوردر دة ولة حق مجهود وتعب وسهر ف شغل حضرتك .... طب بلاش برضة هو كل دة مش بيتم ف مكان ولا بيتم الرسم علي السلم يعني في ايجار وكهربا ولا هو اوردر حضرتك بيترسم ع ضوء الشمعة ... طب اختصر عليك هو في حاجة بعد كل دة لو اعتبرت زيك ان دة منتج هو مش المنتج دة بعد كل التكاليف دة هو مش لازم يكون في هامش ربح ولا هو مش زي حضرتك دة شغلة وفي التزامات علية ولا حضرتك بتشتغل بدون م تقبض صح ولا غلط كلامي بلاش برضة طب هو ف النهاية حضرتك متعرفش ان في ضريبة بيتم دفعها ع الاعلان ال حضرتك بتشوفوا و الخامات كمان وانا مش بحملك الضريبة دي .... وفي الأخر تيجي تقولي يااااة اسعارك غالية لمجرد انك تقول بدون وعي مسبق انا مقولتش ان حضرتك لازم تكون خبير او فاهم المجال الفني اطلاقا بس حاجة زي كدة الواحد بيشوفها ب شكل عام انا مش بكلم حضرتك ف فنيات ياسيدي اعتبرة منتج ملابس دة حضرتك وانت ماشي ف الشارع وبتشوف بنطلون غالي ف مول انت لوحدك بتبقي خبير اقتصادي وبتقول اة طبعا طبعا علشان كهربا و مصاريف وايجار واستيراد غير الربح
الله الله طب مهو انت حللت اهو لوحدك ولا عندنا احنا معلش ياسيدي اصل انا مليش ف الفن ياسيدي انا هنا مش بكلمك ف فن انا بكلمك ف خامات وشغل وكل ماسبق ودة مش عاوز متخصص فنون .... اة نسيت علشان هتقولي امال صفحات نحمدو ارت وفسافيس ارت عندهم اسعار ب ١٠٠ وب ٥٠ وب ٢٠٠ طب منت بتشوف قنوات حبيشة ال عندهم الموبايل الايفون ب ٤٥٠٠ وانت بتقعد تتريق عليهم وعارف ال فيها دة اما ديجيتال فلتر ب ال ai ويعملك تأثير الرسم او واحد مدي الصور تأثير ال oil painting style digital وانت الله الله يفنان فظيع وينزل يجيب متر خشب اركت ٤ مللي وقطع ب الصاروخ وعلبة غراء واطبع علي فينيل والزق وفرح العميل وانت تدخل دخلة المنتصر ب الجملة الشهيرة معلش يافندم اصلي لاقيت عرض أقل شكرا طب ياسيدي مبروك عليك الهدية انا مش بلومك والله الرزق دة بتاع رب العالمين مش بتاعي ولا ب ايدك بس هو يقولك انة مش رسم لا حضرتك فجاءة بقيت عميد كلية فنون لا يافندم انا عارف دة رسم اومال سبحان الله دلوقتي فاهم الخامة وتعرف اذا كان مش رسم او رسم لا حضرتك عجبك السعر وشوفت ان احنا الساحر الشرير بس حضرتك عارف ان اي منتج ال كان ب ١٠٠ من شهرين النهاردة ب ٣٠٠ وحضرتك عارف دة لاكن حضرتك عاوز عندنا احنا التوقيت الزمني يقف تماما ..... مفيش حاجة اسمها كدة اعرف وافهم كلامي كويس ... لو عاوز فن بجد قدر التعب ال خلف الكواليس لو مش عاوز فن وهدية والسلام ف الرزق للجميع ممكن مكنش انا المكان المناسب ليك بس اتشرفت اني كلمت حضرتك دي لوحدها مكسب ....
تحياتي
