Jump Cut - Studio

05/07/2019

" Be a better actor with us :) "
" كن ممثلا أفضل مع ورشة تدريب الممثل التي نقدمها :) "

لمزيد من المعلومات برجاء الضغط على لينك الإيفنت التالي
https://www.facebook.com/events/474772146432377/

16/01/2019

" Be a better actor with us :) "
" كن ممثلا أفضل مع ورشة تدريب الممثل التي نقدمها :) "

لمزيد من المعلومات برجاء الضغط على لينك الإيفنت التالي :
https://www.facebook.com/events/784046885292437/

12/01/2019

06/12/2018

The Film directing techniques
تقنيات الإخراج السينمائي

- أكيد سمعت كثير عن إن السينما لغة، و أن الحكي البصري لغة، بس بالتأكيد الجمل اللي من النوع ده رغم صحتها بتكون أحيانا مبهمة أو مش مفهومة أوي، في الورشة دي حنوضح المفهوم ده و حنعرف يعني أيه لغة حكي بصري أو لغة سينمائية

سعر الورشة 3000 جنية مصري
الورشة حتكون لمدة 6 أسابيع (شهر و نص)
يومين في الأسبوع
12 محاضرة / 3 ساعات للمحاضرة / 36 ساعة للورشة بالكامل

المحاضرات تبدأ في السابعة مساء، أيام المحاضرات الأثنين و الخميس من كل أسبوع و هي أيام مبدئية (وارد تثبيتها أو تغييرها)

الورشة تبدأ عند إكتمال العدد، علشان كده لو حضرتك مهتم فالأفضل إنك تحجز بدري، الميعاد المبدئي لبداية الورشة حيكون في منتصف شهر يناير أو إكتمال العدد أيهما أقرب

لا توجد شروط للإنضمام غير أنه يكون السن 18 سنة و ما فوق

الإخراج السينمائي و التليفزيوني و هما بالمناسبة حاليا الفروق بينهم بسيطة جدا غير زمان، الحرفة اللي هي موضوع ورشتنا هي اللغة اللي لازم تعرف تتكلمها الأول و بعد كده مع التدريب تقدر تكتب شعر زي ما أنت عاوز، علشان كده إحنا في ورشتنا حنهتم بالأساس بالحرفة / اللغة.

المدرب : أحمد مصطفى رضوان، مخرج سينمائي و مدرب تمثيل و كاستينج ديريكتور
لمزيد من المعلومات عن المدرب و الأستوديو، برجاء الضغط على اللينك التالي

https://www.facebook.com/pg/Jump-Cut-Studio-1662947990394302/about/?ref=page_internal

الورشة حتديني أيه ؟

حتتعلم في الورشة حرفة الإخراج السينمائي و التليفزيوني بمعظم تنويعاتها الممكنة اللي ممكن تواجهك على أرض الواقع من طرق تقطيع المشاهد في الثبات أو الحركة

حنتعلم أيه في الورشة ؟

تعالوا نتكلم بشكل عام عن المنهج اللي حندرسه

أولا : مش حينفع تتكلم لغة من غير مانعرف الحروف، علشان كده لازم نتطرق للأساسيات، زي أحجام اللقطات و زوايا الكاميرا و أنواع المشاهد المختلفة، أنواع اللقطات المختلفة، أساسيات التكوين البصري و العدسات، أيه هي طبيعة عمل المخرج و يعني أيه تقطيع مشاهد أو ما يعرف بأسم الديكوباج، حنعرف الفرق بين المشهد و اللقطة و التتابع و ما الى ذلك من أساسيات الحرفة السينمائية / التليفزيونية

ثانيا : حنتعلم أهم مفهوم في الحرفة السينمائية و اللي أي مخرج في العالم لازم يكون بيجيد التعامل معاه و يتقنه كويس لأنه ده الأساس في سلاسة الحكي السينمائي و ماتخليش حد يضحك عليك و يفهمك إن الموضوع ده موضة قديمة،، الموضوع ده هو ما يسمى بالخط الوهمي أو قاعدة الـ 180 درجة ،، حنتعلم برضه إزاي نقدر نتعامل مع القاعدة دي في كل وقت سواء في حركة أو ثبات و حنتعلم إزاي نقدر نكسرها و نتلاعب بيها زي ما أحنا عاوزين

ثالثا : حنتعلم إزاي نخرج مشاهد الحوار الثابتة بين أثنين ممثلين أو أكثر بكل التنويعات اللي ممكن تواجهك كمخرج

رابعا : حنتعلم الأسلوبين المتبعين في الإخراج، حنتعلم الإخراج بأسلوب التغطية الكاملة للمشهد و أسلوب تقطيع اللقطات لإخراج المشهد دون الإعتماد على التغطية و مميزات و عيوب كل أسلوب منهم.

خامسا : حنتعلم أساسيات حركة الممثل و قواعد الدخول و الخروج من الكادر و أوضاع الجسم المختلفة و تنويعات القطع على الجلوس و الوقوف و ما الى ذلك من حركات يمكن أن يؤديها الممثل

سادسا : حنتعلم طبيعة الحركة السينمائية ،، طبيعة حركة الكاميرا و أنواعها المختلفة و مسمياتها و قواعد حركة الكاميرا و كيفية الدمج بين الحركة و الثبات

سابعا : حنتعلم يعني أيه وان شوت أو مشهد لقطة و أيه التنويعات اللي ممكن نستخدمها و إزاي نستخدمها علشان نطلع أفضل نتيجة ممكنه.

ثامنا : بعد ما عرفنا أيه هي حروف اللغة و بقى عندنا كلمات و جمل نقدر نكونها، حنتعلم إزاي نقدر نقدر نستخدم اللغة دي للتعبير عن الدراما اللي إحنا بنتناولها في أفلامنا

ملحوظة هامة : نظرا لأن منهج الورشة مضغوط و فيه معلومات كثير فلازم تعرف إن الجزء العملي حيحتاج منك مجهود، في التدريب و التطبيق و بعد كل محاضرة حنخصص ساعة في المحاضرة التالية علشان نتفرج على التطبيقات دي و نصحح أخطائنا.

ملحوظة هامة أخرى : في النهاية كل طالب حيختار مشروع ينفذه، ممكن يكون مشهد و ممكن يكون فيلم على حسب رغبته و حنحدد يوم نهائي للأنتهاء من مشاريع التخرج دي و بعد كده حنتجمع في يوم مع المدرب و نتفرج على المشاريع دي و نقيمها في أيفنت حيكون تكلفته بالكامل على الأستوديو.

لو عند حضرتك أسئلة أكثر تفصيلا حضرتك ممكن تشرفنا بالتواصل معانا

أعمل أيه علشان أنضم للورشة ؟

علشان تنضم للورشة محتاج تتواصل معانا علشان تعرف خطوات الإشتراك و سياسة الحجز و إسترجاع النقود و ما الى ذلك

06/12/2018

Acting workshop - Preparing your roles
ورشة تدريب ممثل – عن كيفية تحضير الأدوار

الورشة كما هو واضح من أسمها ستعتمد على التعلم و التدريب على آليات محددة وواضحة لمساعدة الممثل في التحضير لأي دور يعمل عليه كممثل سينمائي أو تليفزيوني.

الورشة تكلفتها 2500 جنية مصري
4 أسابيع
محاضرتين أسوعيا
بإجمالي 8 محاضرات / 3 ساعات للمحاضرة / 24 ساعة بالكامل

الحد الأدنى لعدد الحضور 5 مشتركين
الحد الأقصى لعدد الحضور 12 مشترك

المحاضرات تبدأ في السابعة مساء، أيام المحاضرات السبت و الثلاثاء من كل أسبوع و هي أيام مبدئية (وارد تثبيتها أو تغييرها)

الورشة تبدأ عند إكتمال العدد، علشان كده لو حضرتك مهتم فالأفضل إنك تحجز بسرعة، الميعاد المبدئي لبداية الورشة حيكون في منتصف شهر يناير أو عند إكتمال العدد أيهما أقرب

الورشة حتديني أيه ؟

الورشة حتعلمك و تدربك على أدوات و آليات محددة و بالخطوات تقدر تستخدمها لتحضير أدوارك علشان تقدر تحول شخصياتك من مجرد حبر على ورق لشخصية عايشة و بتتنفس و بتتصرف من خلالك، و الخطوات دي بتتمتع بالمرونة و حتكون مرشد ليك وقت التحضير لو عاوز تغير حاجة فيها أو تستغنى عن بعضها تقدر تعمل كده إحنا في النهاية بنتعلم فن مش رياضيات الورشة حتعتمد في شرح هذه الآليات على مناهج مختلفة في التمثيل من ستانسلافسكي الى مايزنر مرورا بآخرين.

المدرب : أحمد مصطفى رضوان، مخرج سينمائي و مدرب تمثيل و كاستينج ديريكتور
لمزيد من المعلومات عن المدرب و الأستوديو، برجاء الضغط على اللينك التالي

https://www.facebook.com/pg/Jump-Cut-Studio-1662947990394302/about/?ref=page_internal

ممكن برضه يكون مفيد لحضرتك لو حابب تبص على تقييمات الناس للورش اللي سبق و قدمناها في الأستوديو عن طريق اللينك التالي

https://www.facebook.com/pg/Jumpcutegypt/reviews/?ref=page_internal

تنوية هاااااام جدااااااا قبل الدخول في تفاصيل الورشة

الورشة ليها هدف محدد و هو التعليم .. في ناس بتدفع فلوس في ورش تعليمية علشان تضمن شغل أو ترشيحات في الأعمال الفنية و خصوصا لما يكون منظم الورشة أو اللي بيدرسها أصلا بيشتغل كاستينج ديريكتور.. فلو حضرتك حتسجل في الورشة علشان تضمن ترشيح عن طريقي في أحد الأعمال الفنية فحضرتك مش مضطر خالص تدفع فلوس في الورشة .. حضرتك بس محتاج تبعت الداتا بتاعتك على الصفحة و إذا توفرت فرصة مناسبة لحضرتك بالتأكيد حتاخدها .. في مسألة الترشيحات دي الناس كلها حتحصل على فرص متساوية سواء في الورشة أو مش فيها .. نعتذر للأطالة و لكن وجب التنوية

حنتعلم أيه في الورشة ؟

ملحوظة هامة قبل ما تقرأ : كل النقاط التالية مش حنتعلمها في الفراغ، لكن، حنتدرب على تمارينها و نفهم المقصود من كل نقطة و من كل تمرين و كمان حنجرب نفسنا كممثلين في مشاهد تمثيلية قدام الكاميرا لأن التمثيل قدام الكاميرا هو هدفنا الأساسي في كل الورش اللي بنقدمها و كمان علشان نقدر نتابع تطورنا كممثلين

حناخد فكرة عامة عن مناهج التمثيل و الفرق بينها و بين بعضها، و حناخد فكرة عن الإسترخاء و التركيز كجزء مهم و لا غنى عنه لعمل الممثل

حنتعلم التواصل من خلال مايسنر تكنيك أو تقنية مايسنر، إزاي نسمع الممثل اللي قدامنا كويس و إزاي نتفاعل مع اللي بيقوله و و ننشئ تواصل حقيقي بينا و بينه في المشهد.

حنتعلم إزاي نخلق شخصياتنا علشان نحولها زي ما قلنا من مجرد حبر على ورق لشخصية عايشة و بتتنفس جواك و بتتصرف من خلالك، و دي عملية مش سهلة و بتنقسم لأكثر من مرحلة.

حنتكلم عن الأفعال اللي من غيرها حتكون فقير و قليل الحيلة قدام الكاميرا و بوجودها حتكون قدام خيارات لانهائية للأداء الصادق، الأفعال دي أهم أدواتك

في الورشة دي مش حنشتغل على الفعل بس، حنشتغل على الفعل و مبرراته و الظروف التخيلية المحيطة بيه و ده حيتطلب مننا نحرك خيالنا طبعا و هو شئ أساسي و مهم لأي ممثل

الورشة دي تتطلب من اللي حيحضرها أيه ؟

الورشة لا تتطلب أي مؤهلات خاصة، فقط يكون سنك 18 سنة و ما فوق، و تكون حابب تخوض التجربة و عندك رغبة في بذل الجهد

الورشة دي بتستهدف مين ؟
الورشة دي بتستهدف كل ممثل أيا كانت خبرته طالما محتاج يطور من أدواته في نقطة أو أكثر من النقاط السابقة الذكر في منهج الورشة.

أعمل أيه علشان أنضم للورشة ؟

علشان تنضم للورشة محتاج تتواصل معانا إن بوكس علشان تعرف خطوات الإشتراك و سياسة الحجز و إسترجاع النقود و ما الى ذلك

21/11/2018

" لا تفكر لمجرد لحظة إنني أشبه فعلا أي شخصية من الأدوار التي قمت بتأديتها، الحقيقة أني لست كذلك، لذلك يسمى هذا تمثيلا "

ليوناردو ويليام دي كابريو (مواليد 11 نوفمبر، 1974)، ممثلٌ سينمائي أمريكيٌّ، فائز بجائزة الأوسكار عن دوره في فيلم العائد (The Revenant) عام 2016 ورُشّح خمس مرات أخرى لنفس الجائزة، فاز بجائزة البافتا البريطانية عن دوره في نفس الفيلم. ورُشّح أيضا لإحدى عشرة جائزة من جوائز غولدن غلوب فاز بثلاثة منها

15/11/2018

" أنا دائما أقول الحقيقة، حتى عندما أكذب"

آلفريدو جيمس باتشينو (ولد في 25 أبريل 1940) هو ممثل أمريكي صاحب مشوار مهني ممتد لأكثر من خمسة عقود ، وخلال تلك الفترة حصل على العديد من الجوائز والأوسمة ومن بينها جائزة الأوسكار، يعد آل باتشينو من أشهر الممثلين الذين يتبعون " المنهج " أو ما يعرف بالـ Method acting، و هو من أعظم ممثلي جيله و من أعظم الممثلين بشكل عام في تاريخ مهنة التمثيل

10/11/2018

بداية ورشة تقنية التمثيل للكاميرا Acting For The Camera-November 2018

09/11/2018

2,739 followers