Big Yikes

26/03/2024

27/02/2024

كنت اعرف شخص بيعمل حاجات غلط كتير جدا جدا في حياته ، كان ابوه ديما يقوله انت ناقص بس تقتل وتسرق وتاخد رشوه وتبقي قفلت لعبه الغلط و الحرام كلها...

قبل رمضان اللي فات بيومين بالظبط ، كان بيجهز نفسه لرمضان زي اي حد ف الدنيا.

بيبطل اللي بيبطله و بيركز ف اللي المفروض يركز فيه ، وهكذا (شئ عادي جدا لاي شخص) ، و هو اصلا كان كل رمضان بيعمل كده ، واول ما يجي العيد بيرجع اسوء من قبل رمضان...

بس اللي كان مختلف في رمضان الاخير ده ، انه لقي نفسه في اللي بيعمله في رمضان...

حب اللي بيعمله ، حب يفهمه اكتر ، حب يذاكر اكتر
ختم القران مرتين !!!

والغريب انه مكنش بيقرا وخلاص ، ده كان حابب يفهم و يتدبر كل حاجه فيه علي قدر استطاعته.

كان بتجيله الايات تهزه و تخوفه من اللي هو بيعمله غلط. و تجيله الايات اللي تطمنه و تفتحله باب جديد..

ومكنش بيصلي وخلاص ، كان بيصلي الفرض والسنه والتراويح والقيام و الوتر (بحب جدا)..

اللي حصل كان حاجه غريبه غير متوقعة بالمره ، ولا تتناسب مع الشخص نفسه من الاساس !!

المهم خلص رمضان ، وجه العيد......
هو كمل زي ما هو..
خلص العيد و هو زي ما هو !!!

ولا هو فاهم ايه اللي حصل ، ولا اللي حوليه مصدقين انه هيكمل كده...

المهم دلوقتي احنا داخلين علي رمضان اللي بعده كمان كام يوم...

وبسم الله ماشاء الله ، اللهم بارك ، الشخص ده مكمل زي ما هو داخل ف سنه... (توفيق ورحمه ورضا من ربنا).

ووقف كل حاجه حرام و غلط كان بيعملها ، عن حب واقتناع رهيب.

استشيخوا يا جماعة في رمضان عل وعسي ربنا يهدينا وفجأة نفهم الهدف من ده كله صح..

و اوعوا نيأس من رحمه ربنا ، وجددوا النيه حتي لو كل مره بنرجع

وادعو له ولانفسكم بالهداية والثبات ❤️

رمضان كريم
كل سنة وانتوا طيبين ❤️

17/12/2023

متي يصبح الوقت مرعب ؟

ماتش البلايستيشن علشان تلعبه مدته تقريبا ١٥ دقيقة
السيجاره علشان تشربها مدتها تقريبا ٥ دقايق
الماتش في التلفزيون علشان تشوفه مدته ١٠٥ دقيقه
مكالمه الديلفري علشان تطلب اكل مدتها ٥ دقايق
وجبة الغدا علشان تاكلها مدتها ١٥ دقيقه
الدش الجميل علشان تخلصه مدته ١٥ دقيقه
فنجان القهوه علشان تعمله بتقف ٥ دقايق

مليون حاجه بنعملها علشان نخلصها بنحتاج مليون دقيقة

وبنفس المنطق ده....
الصلاه( ٥ ) فروض في اليوم ، علشان تخلصهم كلهم ٢٥ دقيقة متوزيعين ع اليوم كله..

فكره مرعبه انك تكون عارف ان مطلوب منك تقف قدام ربنا كل يوم ٢٥ دقيقه ( بس ) ، ومع ذلك ( تقيله ع قلبك !)

والاكثر رعبا انك تكون بتضيع دقايق اكتر بكتير ف حاجات تانيه اقل اهمية ، ومكسل تخلص صلواتك اللي مدتها ٢٥ دقيقه.. ومع ذلك قلبك مش بيوجعك من الرعب بسبب كسلك

( رَبِّ اجْعَلْنِي مُقِيمَ الصَّلَاةِ وَمِن ذُرِّيَّتِي ۚ رَبَّنَا وَتَقَبَّلْ دُعَاءِ )

فقد جاء في الحديث عن أبي هريرة عن النبي صلى الله عليه وسلم قال: إن أول ما يحاسب الناس به يوم القيامة من أعمالهم الصلاة، قال: يقول ربنا عز وجل لملائكته، وهو أعلم: انظروا في صلاة عبدي أتمها أم نقصها، فإن كانت تامة، كتبت له تامة، وإن كان انتقص منها شيئًا، قال: انظروا، هل لعبدي من تطوع؟ فإن كان له تطوع، قال: أتموا لعبدي فريضته من تطوعه، ثم تؤخذ الأعمال على ذاكم. أخرجه أحمد، وأبو دواد، والنسائي، وصححه الحاكم، والذهبي..

20/10/2023

قناة France24 بتتكلم عن ال "احا" المصرية !
Big Yikes

18/10/2023

بدات احس ان حكام العرب عارفين انهم يقدروا ، بس مش عايزين يهزموا اسرائيل علشان المسيخ الدجال ميطلعش !

18/10/2023

هو حكام العرب ممسوك عليهم ذله ولا ايه !
امريكا بعتت لاسرائيل ٢ حاملات طائرات.
و ٢٠٠٠ جندي من مشاه البحريه متخصصين.
وصواريخ وطيارات و تدعيم للقبه الحديدية.
وذخيره ومعلومات ودعم كامل.
وفلوس واكل وادويه و و و و.
وانجلترا بتبعت طائرات للاستطلاع و و و و و.

واحنا مش عارفين ندخل ادويه واكفان !
القرار سهل بس احنا اللي حكامنا ربنا يحاسبهم....

فيها ايه لو العرب خدوا قرار واحد بدخول المساعدات واللي هيضرب هنضرب.

فيها ايه لو العرب خدوا قرار واحد بمقاطعه اسرائيل لحين وقف المجزره.

فيها ايه لو العرب قرروا ان الحرب ده نصره لله ولدين الله ،
وان ده فلسطين ، والقدس .

فيها ايه لو كلنا قررنا وامنا وصدقنا ان القدس هترجع زي ما الله وعد المسلمين واليهود ، بس نعمل اللي علينا وننصر الله يا نااااااااس

16/10/2023

مفيش اعتراف اكبر من كده !

16/10/2023

Big Yikes

16/10/2023

Big Yikes 👇🏻