23/04/2026
من كام يوم لقيت مبلغ 27 الف جنيه فى المنيب
المبلغ مكون من فئتين
20 ألف جنيه فئة 200 جنيه
7 آلاف جنيه فئة 100 جنيه
ونزلت منشور فى جروبات المنيب على القيسبوك انى لقيت مبلغ
واللى يقول عليه بالظبط ياخده وكتبت رقم موبايلي
المهم طبعا الاتصالات اشتغلت
واحد اتصل عليا بيقولى كام الفلوس اللى انت لقيتها يا ريس
بقوله اشمعنى يعنى بتسأل
قالى علشان لو حد سأل عليها
سمعته احلى كلام وقفلت
التانى بيتصل بيقولى سلاموووووو عليكووووو يا زعاااااامه
مع اخوك محمد البشتيلى ساكن فى المنيب عند الفرن كدا
مكانك فين يا زعاااااامه علشان اجى اخد الأمانة
قولتله أمانة ايه ؟
قالى الفلوس اللى معاك يا رياااااسه
قولتله كام الفلوس دى
قالى وربنا خدتهم من جوز اختى بقفلتهم كدا
قولتله طيب اتصل علي جوز اختك واعرف منه الفلوس كام
قالى ما هو تليفونه ضايع ورحمة امى
قولتله اتصل على اختك وخليها تعرف من جوزها
قالى ماشى يا ريااااااسه بس اوعى تتصرف فيهم
شويه كمان واتصلت واحده بتعيط
وبتقولى الحمد لله أنهم وقعوا معاك انت
بقولها كام يا حاجه
قالت مبعدش الفلوس علشان بركتها بتقل
روحت سمعتها كلمتين هتفضل تحلم بيهم لحد م تتوفي
بعد كدا اتصل واحد بيقولى خد منهم حلالك ١٠٪ وانا اجيلك اخد الباقى
قولتله ال١٠٪ دول كان يعنى
قالى زى ما يطلعوا بقى انت ورزقك
قولتله يعنى الفلوس كام علشان اشوف هاخد كام
قالى هما ببركة ربنا كدا فوق العشرين ألف
خد نصيبة وقفل
لحد ما اتصل عليا شاب محترم جدا جدا جدا جدا جدا
وبكل ذوق بيقولى من فضلك
حضرتك لقيت مبلغ
وانا ضايع منى مبلغ ٢٧ الف جنيه
مواصفاتهم كذا وكذا
قولتله مظبوط
قابلنى وخد فلوسه وجابلى كرتونة بلح هدية
دخلت اصلى وانا معايا كرتونة البلح
خلصت صلاة ملقيتش الكرتونه
لو سمحتم اللي لقى كرتونه بلح في الجامع يرجعها
