21/04/2026
عارف الناس اللي هما يبانوا عبط دول ، اللي أول ما بيزعلوا بيبان علي شكلهم جداً . اللي تشوفهم تحس إنهم أطفال بس علي هيئة ناس كبار ، الناس اللي من تاني مره تقابلك ممكن تلاقيهم بيعاملوك كانكوا صحاب و لما بيقفلوا منك ميعرفوش يرتاحولك تاني . الناس اللي ممكن تبقي قاعد معاهم قبلها بيوم و اما يشوفوك تاني يوم ياخدوك حضن مطارات و تحس انهم بيحضنوا بجد مش بيجاملوك ف جوازة أختك الناس اللي تحس إنهم علي طول مش مفهومين بيتعصبوا بسرعه و من أقل حاجه و ساعات تلاقيهم أعقل خلق الله تاخد منهم حلول لمشاكلك رغم إنهم ف مشاكلهم مبيعرفوش يعملوا ربع ده مع نفسهم ، الناس دي محتاجين معامله خاصه لو مش هتعرف تتعامل معاهم من غير ما تحاول تغيرهم يبقي إبعد أحسن
