14/10/2023
خلي فرامل مشاعرك في ايدك
بلاش العشم الزيادة ولا الاطمئنان الزيادة
غير لما تتأكد ان الناس الجديدة دي
مش :
استغلاليين
مؤذيين
انانيين
بتوع مصلحتهم
بيوقعوا الدنيا في بعضها
متعبين
بيشيلوك الهم بس ولما يتبسطوا مش بيقولوا
مش بيتكلموا عليك من ورا ضهرك
مش بيتنططوا عليك
مش بيفتعلوا مشاكل او بيقوّلوك كلام مقلتوش
مش ماديين وبيحكموا بالمظاهر
وغيرها وغيرها من الصفات
المتعبة والغير مريحة في العلاقات
نصيحة لما تتعرف على حد جديد
بلاش تطمن زيادة
ولا تتعشم
ولا تتعلق
ولاتآمن زيادة
ولا تطمن وتثق وتطلع اسرارك واسرار بيتك (ودي لا اصلا مهما اطمنت🙏🏻🙏🏻)
الا لما تدرس طباع الناس دي الاول وتفهم كويس ابعاد تصرفاتهم
وتشوفهم في مواقف مختلفة
وبعدين تشوف
هتدخلهم في اي دايره في حياتك
هترتاح معاهم
هتطلع لقدام ولا هيرجعوك ل ورا
العلاقات عاملة زي التوابل يا اما تدي حياتك طعم
يا اما تتعبك وتضايقك جدا
المهم
نوع الناس
وحجم ومدي علاقتك بيهم
