09/05/2026
أفلام كان نفسي تتعمل #1
-
90% Ai
10% Photoshop
-
بما إن ناس كتير سألتني عالوورك فلو اللي بشتغل بيها وانا بجرب النوعية دي من التحديات.
شرح الموضوع هيبقى بسيط جداً لأي حد Already بيشتغل ب Ai من فترة طويلة
-
لخصتها ف هيئة نقاط كده يارب تكون مفيدة ولو فيه استفسارات لأي جزء فهستناه ف الComments
1- انا محتاج اعمل ايه؟ ده بيتحدد بناء على عوامل كتيرة بس هنا انا كنت محتاج اعمل بوستر فيلم تخيلي كده من عالم إبراهيم الأبيض عشان كنت بحبه فشخ وكنت بحب شخصية عَشري جداً وف نفس الوقت التحدي كان ما استخدمش فوتوشوب الا للشديد القوي " وحصل فعلاً "
2- الAi يعرف يساعدني ازاي؟ الAi هنا ساعدني ف كل حاجة تقريباً بداية من الصور الReferences اللي عملتها مخصوص عشان يقدر يفهمها ويترجمها ف التكوين اللي وصفتهوله بالظبط لحد شكل الشعار المايل عشان يظبط التكوين مع العربية الخ الخ
3- حاجة من الحاجات المهمة اللي بشوف ان الناس بتهملها جداً .. كل موديل شاطر ف ايه؟ gpt 2 هنا كان شاطر جداً ف انه يفهم تكوين البوسترات عامل ازاي وببعض الكلمات المفتاحية زي " Emulate a master of cinematic poster design, with international film-poster quality. "
4- همشي بأنهي style؟ وبأنهي color palette ده كمان الAi ساعدني فيه لما وصفتله واديتله سياق بالظبط انا محتاج اعمل ايه وايه الفكرة العامة بتاعتي عن Creation زي ده
5- لو طلعلي كل حاجة انا عايزها مظبوطة الا حاجتين تلاتة مثلاً؟ هنا بيجي دور الفوتوشوب اني بفكك العناصر دي وابتدي اعدل عليها بشكل منفصل واحتفظ بنفس الستايل واشغل الMasking بقى
6- لما أي موديل جديد بينزل انا بخش اشوف فيديوز واقرأ الdocumentation بتاعه واشوف الuse cases بتاعته وطريقة استخدامها وايه الlanguage اللي ممكن لما اكلمه بيها يفهمني او عالاقل يديني الbase اللي هبني عليه بعد كده
7- استكمالاً للنقطة اللي فاتت من اهم مميزات gpt 2 انه conversational يعني تقدر تفضل تكلمه وف كل مرة تطلب تعديل حاجة معينة وتفضل محتفظ بآخر حاجة كانت طالعة مظبوط وهكذا " عكس nano banana 2 كل مرة بتطلب تعديل بيبوظ الكواليتي للاسف " مفيش حل للموضوع ده ماتدورش "
8- لو انا عايز استفيد من الAi ف شغلي الطبيعي اعمل ايه؟ فكك من الكورسات والتوتوريالز واقرا وافهم الاول كل موديل بيعمل ايه والuse cases بتاعته ايه عشان تقدر تعمل الكومبو اللي بتدور عليه - ماحدش هيخترعلك ووركفلو انت اللي بتحدد الووركفلو حسب ستايل شغلك
شكراً
سلامات
