07/01/2025
بقالي ٣ شهور تقريبا موقفه شغل من ساعت ما ولدت 🥲
شوفت البوست ده إمبارح وسرحت شويه فيه بقالي ٥ سنين ف المجال ده عملت براند ليا الحمدلله وشغلي بيطلب بالاسم 🥹
٥ سنين بطور من نفسي وشغلي اتعلمت حاجات كتير واتعرفت علي ناس جميله آوي هفضل فكراهم وممتنه ليهم إنهم وثقو فيا ♥️
مش سهل عليا أوقف شغل خالص لأنه كان كل حياتي حرفيا لو يوم ماشتغلتش أحس إني محبطه ومليش قيمه 😢
بس ربنا رزقني ب احلي ولد ف الدنيا بقيت عايشه عشانه هو وبس وقتي وتفكيري وصحتي ونفسي بقو تحت أمره والله هو أولي بكل ثانيه ف حياتي ♥️
مش زعلانه إني مبقتش إشتغل بالعكس حاسه إن حياتي ليها معني بوجود إبني ربنا يحفظه ليا ويبارك فيه ويجعله ذريه صالحه وينفع بيه الناس يارب ♥️
بعتذر لأي حد طلب أو هيطلب مني اوردرات تآني الفتره دي 🥹
الاوردرات متوقفه لحد مالصغنن يكبر ويشد حيله شويه 🤍
