20/05/2026
بستغرب قوى لما ألاقي ناس لا تأمن (بعلم الطاقات) مره كنت بتكلم مع حد عن اهميه المكان عندى واد ايه بيفرق معايا مكان فاظه او برواز او بوكيه ورد عن مكان آخر ، هكذا الأماكن المرتبه ، النظيفه ، التى ترتاح اليها عينك مؤكد تبعث طاقه ارتياح ونشاط يتجدد بدون ادرك …… دا بالنسبه لطاقه المكان
هناك ايضاً طاقه البشر :~ هناك أشخاص تجلس معهم او حتى بمجرد الحديث معهم مهما كان قصير او مختصر تشعر بطاقه حلوه ٠٠٠ ارتياح وكأن هذا الشخص أضاف إليك شعور جميل وسلب منك كل الطاقات السلبيه او حتى الهموم بدون التحدث عنها وفى ناس اول ماتشوفها بس او حتى تيجى سيرتها تلاقى كميه طاقه اتصدرت ليك غير مريحه وكأن هذا الشخص سلب منك حاجه مش عارف ايه هى وبعد شويه تحس انك مضايق ومخنوق وكسلان ومع تكرار المواقف تبتدى تعرف ان الشعور دا مرتبط بالشخص دا وهكذا العكس
ف ازاى بقى فى ناس مش بتأمن بعلم الطاقات🤔🤔
من خلال قرأتى لهذا العلم عرفت حاجه مهمه جدا ….. حلوه قوى ووحشه ف نفس الوقت😞
الحلو :_ ان الناس اللى بتحس بطاقه المكان وطاقه البشر بيبقوا ناس مرهفين الإحساس يعنى قرون الاستشعار عندهم عاليه جدا🤩 وعندهم قوه ملاحظه وعينهم زى الردار اى شئ غريب او غير مألوف للعين تلقطه قبل الآخرين
الوحش بقى :_ ان البشر اللى مش بيأمنوا ولا بيعتقدوا ف علم الطاقه دول مرتاحين🤣🤣وتاعبين اللى حواليهم
عارفين يعنى ايه بنى ءادم مش فارق معاه شكل المزهريه ولا لونها ولا المكان مرتب او مش مرتب ، نظيف او غير نظيف وبيمارس حياته ونشاطاته اليوميه بمنتهى الثبات والاريحيه🤭
لو فى حد ف حياتكم مش بيأمن بعلم الطاقات قولوله يا بختك😊
دا ايه علاقته بالهاند ميد :_ علاقه قويه لما تتخنق من مكان ما ومن ناس ما … لازم يبقالك ملاذك الخاص بيك هوايه معينه ، روتين يومى ، عمل خيرى ثابت ، قرأءاتك المفضله، دا بعد طبعا الاستعانه بالله فى كل أمور حياتك
وانا الكروشيه دا هو ملاذى الأمن والأوحد
هو اللى بينتشلنى من همومى ، هو اللى بيعيد ترتتيبىً من جديد
ادخل اليه مشتته اخرج منه كأننى عاءده للحياه من جديد♥️
مع شويه ناس حلوين ف حياتى ربنا رزقنى بيهم من غير مقابلات ومن غير احاديث طويله ولكن طاقاتهم الحلوه واصلانى🌹
