12/05/2026
توضيح مهم.. "الأمانة والتقدير هما أساس استمرارنا" ✋
حابين نشارككم موقف حصل مؤخراً، عشان إحنا بنعتبركم شركاء نجاحنا والشفافية هي اللي مخلية "Handmade Corner" مكمل بقاله أكتر من 6 سنين.
زي ما واضح في الصور (وطبعاً مسحنا الأسماء حفاظاً على الخصوصية) هي اللي طلبت الناس تحكم و ده. طبعا حقها :
قبل ما الأوردر يتحرك: دي صورة القطعة وهي طالعة من عندنا، سليمة 100% ومتراجعة كويس جداً، وده السيستم اللي ماشيين بيه مع كل أوردر (التوثيق قبل الشحن).
وقت الاستلام: للأسف الأوردر وصل للعميلة وفيه "قطع" واضح، وده غالباً نتيجة سوء تعامل من شركة الشحن أثناء الطريق.
رد فعلنا: رغم إن الخطأ مش من عندنا، لكن بمجرد ما شُفنا المشكلة وفي نفس اللحظة، حوّلنا كامل المبلغ للعميلة (زي ما باين في سكرين التحويل)، لأننا مانرضاش أبداً إن حد يوصله حاجة مش مظبوطة من طرفنا.
لكن للأسف.. رغم استجابتنا الفورية وتحمُّلنا للخسارة المادية كاملة بدون أي نقاش، واجهنا أسلوب في الكلام "غريب" وغير لائق بالمرة.
كلمة أخيرة لكل عملائنا اللي بنحبهم:
إحنا بنشيل مسؤولية شغلنا لآخر ثانية، وحقكم بيرجع لكم قبل ما تطلبوه لو فيه أي تقصير.
لكن في المقابل، إحنا لا نقبل الإساءة أو الأسلوب غير المحترم في التعامل نهائياً.
الاحترام المتبادل هو اللي بيخلينا نطلع أحسن ما عندنا، ومن حقنا نعتذر عن التعامل مع أي حد ما بيقدرش قيمة التعب والأمانة اللي بنقدمها.
شكراً ليكم ولدعمكم اللي دايماً بيخلينا مستمرين ونقدم الأفضل 💙
