حميد الحطاب

حميد الحطاب أحياناً نكتب للجميع ليقرأ
شخص واحد ..💜👌🏻

25/02/2024

مش راكب لونهم مع لونك .
وقريباً ظنك هيخونك .
بكلامهم لو خدعوا ودانك .
جرب تسمعهم بعيونك ..🖤✨

02/12/2023

أيه السر ..؟
كله بيمشي ،
عقرب ساعتك ، أيام عُمرك ،
والأحداث ، والناس ، إلا انتَ .
واقف لسه محلك سر ..!🖤

أيه السر ..؟

01/12/2023

الناس معاك مش فارقه أخبارهم .
بيفضفضولك ، بس دا قرارهم .
كان هما دورهم يحكوا أسرارهم .
أما انتَ تسمع ، أنتَ تسمع بس ..

حملك كبير ، لاكن منزلِتوش .
سرك في بير ، ضِلك مبيخشوش .
أصل الندم يا اللي متعرفهوش .
إحساس رهيب بعد الثقة بيتحَس ..
علشان كده ،
قررت تسمع بس ..
تسمعلهم ، بعدين تطمنهم .
تضحكلهم ، وتخاف تأمنهم .
قضيت حياتك تشتري منهم .
تدفع سكوتك للجميع عربون .

كل البشر تُجار كلام وانتَ .
اخترت تفّضل للنهاية زبون ..♥️👌🏻

28/11/2023

الليل طويل والهمس .
سارحين في ملكوته .
بعدين يا ضي
الشمس ..
في الليل وجبروته .
نورك بيتبخر .
والساعة تتآخر ،
وبيبتدي يقدم .
للسهرانين عرضو .
سينما الحنين تفتح .
بيبانها فوق أرضو .
ويعيد في كام ذكرىٰ ..
في هدومه خباها .
بالقسوه يتباهىٰ .
وبطولو وبعرضو .
حتىٰ القمر برضو .
خان و اتفق وياه .
على خلق شافوا الويل ..
من فضلك اوعدهم .
من بين إيدين الليل .
والذكرىٰ تنجدنهم ..
على فكره معظمهم .
على نار بيستناك .
واللي انت شايفه هناك .
واقف بيضحكلك .
صدقني مبيضحكش ..

جرب في يوم تلبس .
" نضارة متغشكش "..

هتشوف دموع بتسيل .
وآنين في هيئة همس ..
عارف ياضي الشمس ..
الشمس عارفه بكده !
واثقه ، ومتأكده ..
طرطق ودانك كده .
هتلاقي ياما قلوب .
تشخيصها بالمقلوب .
تصرخ بعلو الصوت .
من غير ما تعمل صوت .
مش لاقيه ولا مَهرب .
ولا حتىٰ سِكة فوّت .

واقف بتتفرج ..!
مستني أيه ، أو مين ؟

حيل اللي سهرانين .
بين الحياة والموت ..🖤

02/11/2023

و رد وقال :-
أنا إنسان بسيط جدا ،
مفيش فى حياته أى جديد ..
معندوش ميزه أو يمكن ..
تكون ميزته الوحيده وحيد ..
بيعشق لمة الأعياد ..
وبيشوف إبتسامتِك " عيد "
براقبِك من بعيد لبعيد ..
ومعجب بيكي من مده ..
وطارح فى الفؤاد الورد ..
أنا بحكي لسمح الله ،
مبفرضش المشاعر فرض ..
و لو إحساسنا متبادل ..
هكون أنا أسعد اهل الأرض ..
وكل الكون ماهيساعني ..

وانا آسف عشان يعني ..
" بكتر فى الكلام وبعُك "
بدون تفكير عملتي " بلوك " 🙂

30/10/2023

تمل الشعر والمغنىٰ ..
مفيش ليهم بديل عندك ..
فـ تتنازل ..
وتستغنىٰ ..
عن الوحده وعن عندك ..
فـ بتصاحب + وبتسلم + وتتكلم = فـ تتآلم .
وتحكي ..
ثم ..
تتعلم متحكيش كل شيء عندك ..💔🤐

27/10/2023

صباح الخير 👋
على الناس اللي لسه بخير ..
مدرسوش طب في الجامعة ..
لكن بيكونوا في الشدة ..
دكاتره في جبر خاطر الغير ..

ومُتفاهمين ،
ومُتفائلين ..
وبيقابلوا الإساءة بـ لين ..
بيصحوا الصبح متكلين ..
على الرزاق تُكال الطير ..

صباح الفل والياسمين ..
على الناس اللي رغم الحزن ..
وسوء الوضع مبتسمين ..
وعلى ناس مؤمنه بتبني ..
في سور الود وتعلي ..
بيحمدوا ربنا تملي ..
ولسه بحبله مُعتصمين ..

وبنصبح كمان برضو ..
على الناس اللي طول الوقت !
بيتخانقوا ويعترضوا ..
صباح الحقد عـ الحاقدين ..
وعلى ناس باصه للواحد في ماله ، وبيته ، ‏وفي أرضو ..

وبس يشموا ريحة القرش ..
يقولوا السمع والطاعة ..
صباح الطين على دماغكم ..
صباح الزفت يا جماعة ..💔😁

24/10/2023

رسالة مختصرة لأحدهم ..

قُلالات الأصل ..
هما اللي تملي بيتباهوا ..
بحكاية الأصل ..

أنا جدي فلان ،
وأبويا فلان ..
وفي أول موقف تختبره ،
يتخلا وقلت أصله تبان ..

لو كنت خسيس يعني يا خينا ..
مين قال الأصل هيشفعلك ..
أتباهىٰ بفعلك أجدادنا ،
قالولنا زمان أصلك فعلك ..

وان كان عـ البنت اللي آذيتها ..
والقلب اللي كسرته بإيدك ..
هيمر الوقت وتتعافى ..
وتنساك وهتاخد سيد سيدك ..

وهتندم ياعديم الإحساس ..
ومسيرك تشرب نفس الكاس ..
لو كان فيه فرق مابين الناس ..
الفرق مكانش جاه ولا مال ..
ولا سُلطة و سيط ولا كان قوه ..
الفرق ما بينا بيقى جمال ..
الروح ، وبياض قلبنا جوا ..

إنما في الأول وفي الآخر ..
كلنا أولاد آدم وحوا ..🍁

27/08/2023

فين الغلاء 😢

يا بتاعت الورد يا وردايه ..أنا قلبي جنايني مفيش بعده ..اطمني لو كنتي معايا ..لو وعدك مش هيخون وعده ..وأديني بخاطر واكتبل...
27/05/2023

يا بتاعت الورد يا وردايه ..
أنا قلبي جنايني مفيش بعده ..
اطمني لو كنتي معايا ..
لو وعدك مش هيخون وعده ..

وأديني بخاطر واكتبلك ..
وبلمّح ، أعمل أيه تاني ..؟
يا بتاعت الورد انا بوهبلك ..
الروح والقلب وبستاني ..

ازرعي فيه حلمك وطموحك ..
والحب وكل اللي يفيدك ..
واسقيه كل شويه بروحك ..
وهتجني دا كله انتي بإيدك ..

غير حبي وشوقي اللي مخبيه ..
أنا حابب اضيفلِك ملحوظة ..
الشعر كمان لو بتحبيه ..
ياهناكي يابنت المحظوظة ..

مش بيخيب سهمي ولو ملي ..
في الشعر وقالوا عليه صايد ..
هكتبلك حد اما تملي ..
في الرايحة وفي الجاية قصايد ..

باب قلبي عشانك متوارب ..
وانا رهن إشارتك مستني ..
أنا أصلي مليش اي تجارب ..
حتى اتأكدي واسألي عني ..♥️

الحب حب قلوب ..يا أفندي ويا أبلة .. الحب مش دبدوب ..ولا عمره كان دبلة ..ولا غِيره بغباوه ..!أو شك عمياني ..ولا كان جماله...
25/05/2023

الحب حب قلوب ..
يا أفندي ويا أبلة ..
الحب مش دبدوب ..
ولا عمره كان دبلة ..

ولا غِيره بغباوه ..!
أو شك عمياني ..
ولا كان جماله في مين ..
يتقل على التاني ..

لو كان صحيح حبيت ..
هتصونها وتصونك ..
هتشوفها أهل وبيت ..
وتشيلها في عيونك ..

تدفع حنانك مهر ..
هتحل ألغازك ..
تبقالها كتف وضهر ..
تلقاها عكازك ..

هتعيشوا عزوه وأهل ..
طعم الحياه مظبوط ..
الحب اصلا سهل ..
وملهوش أي شروط ..

في ناس كتير بتحن ..
وتحب في السبعين ..
الحب مش بالسن ..
ولا حكر عـ العشرين ..
ولا مرتبط مثلاً ..
بسماع أغاني شرين ..
اذا كنتوا مفتكرين ..
ياشباب بإن الحب ..

كان إختيار و قرار ..
أو فرض أديتوا ..

وكتمتوا في الأسرار ..
على بعض خبيتوا ..!
يبقى انتوا لسه بُعاد ..
بينكم وبينه بلاد ..
مين قالكم يا ولاد .. إن انتوا حبيتوا ..؟💔

23/05/2023

" الليل غدار "
يستفرد بياا اكمنه معاه ..
مفتاح باب قلبي ، وباب الدار ..
" الليل غدار "
وابن لذينة ..
رغاي وبيفضل يحكيلي ..
كل دقيقتين قصة حزينة ..
يحكيلي ويرفض يسمعني ..
ويدوس على جرح بيوجعني ..
بيصمم يجمع كام ذكرى ..
أنا عشتها مع شخص خدعني .. ببساطة ولف عليا ودار .
" الليل غدار "
وعديم احساس ..
بيدوسلي على الوتر الحساس ..
بيغيب بيغيب ويجيب لي في ناس
أنا كنت بشيلهاا في نن العين ..
واختارت عمداً تخسرني ..

ابن المؤذية يفكرني ..

بـ مراكب رحلت بحبايب ..
حلفت ما هترجع مرساها ..
بـ صور ، ومشاهد ، ومواقف ..
أقنعني القلب انه نساها ..
بـ سنين مع ناس
خاينين ضاعت ..
ويجيب لي في سيرت
ناس باعت ..
وبيضحك كل ما اقول أقدار .

الليل علطول مصتقصدني ..
أنا واللي كمان شبهي اتغشوا ..
بيصر يفكرنا بعالم ..
في دروب الروح ياما اتمشوا ..
سبناهم يتغدوا معانا ..
وفي آخر الليل بينا اتعشوا ..💔

Address

ادفو
Aswan

Website

Alerts

Be the first to know and let us send you an email when حميد الحطاب posts news and promotions. Your email address will not be used for any other purpose, and you can unsubscribe at any time.

Shortcuts

Share

Category