08/07/2016
انا طارق الدسوقى شاعر وملحن عندى ٢٧ سنة
اتجوزت من شهرين كدا وربنا كتبلى الانسانة الى بحبها رغم ان اهلى كانوا رافضين الموضوع لان هيا من القاهرة وانا من المنوفية
المهم فضلت اقنع فيهم لحد ما وافقوا وروحنااتقدمنا وخطبتها واتجوزنا ودا كله فى وقت قياسى وجات والدتى توفت قبل جوازى بشهر ووصتنى لعمل فرحى فى ميعاده وفعلا نفذت الوصية بس معملتش فرح وروحت جيبت العروسة من بيتها على شقتى وفضلت ورا حلمى لحد ما جيبتا رغم الصعوبات الى قابلتنى كتير الحاجة النانية ان انا بحارب وسط المجال الفنى بقالى اكتر من ١٠سنين علشان ابقا شاعر وملحن موجود ع الساحة وكنت كل ما اعمل عمل يطلع للنور تطلع حاجة توقفه نسيت كل دا بعدت عن الشعر فترة لقيت نفسيتى فى النازل وتعبت نفسيا لكن رجعت تانى وبقوة عن الاول علشان كان عندى حلم ولازم اوصله صحيح ضعفت لكن مقبلتش حاجة تكسرنى والحمد لله انا على تانى سلمه دلوقتى وبقا ليا اسمى فى المجال بس بردو انا طمعان فى حلمى يكبر وهفضل وراه
