Aegyptus Team

Aegyptus Team Aegyptus team

سادس معلومة | السبع ارواح 👻🐈🖤- قلباااي 😂♥️= اخوياااع ♥️😂- قولي بقا ليه دايما الناس بتقول ان القطط ب سبعة ارواح = بص يا س...
30/04/2020

سادس معلومة | السبع ارواح 👻🐈🖤

- قلباااي 😂♥️
= اخوياااع ♥️😂
- قولي بقا ليه دايما الناس بتقول ان القطط ب سبعة ارواح
= بص يا سيدي الاسطورة بتقول ..
- ان خلص الفول انا مش مسئول صح 🙂😂
= يبني هو انت رايح تتسحر ،، متتعبنيش بقا 🙂🙂🙂😂
- انا اسف 🙂
= الاسطورة دي موجودة من زمن كبير جدا يوصل ل حوالي 7000 سنة كده ايام اجدادك الفراعنة كانوا بيقدسوا القطط جدا وجعلوها اله ليهم عشان كانوا شايفنها عندها قوة روحية وخارقة وحجات تانيه وهنتكلم على الموضوع ده في بوست لوحده
- حلو المهم بقا هاا كمل
= الناس بيقولوا ان القطط ب سبعة ارواح ليه بقا .. لان القطط عندها مرونة عالية جدا وبتقدر تنجي من حوادث كتير اوي بسبب مرونتها دي وخفة وزنها يعني مثلا في قطط بتقع من الدور التاني والتالت واحيانا ممكن اعلى من كده وتلاقيها نازلة عايشة ومفيهاش كسور ولا اي حاجه ده لانها لو اترمت من اي زاوية تقدر تلف جسمها وتنزل ع رجليها الاربعة عادي جدا طبعا انت لو رميت اي حيوان تاني من المكان ده هينزل وهتلاقيه مكسور او ميت
- اها عشان كده لو حد عمل حادثة ونجا منها يقولولوا انت زي القطط بسبع ارواح
= اها صح وبخصوص رقم سبعة بقا احنا هنا في البلاد العربية يقولك سبع ارواح
- اها
= بس لو روحت الصين مثلا او اليابان والمناطق المجاورة ليها هتلاقي يقولك ب تسع ارواح وبرضو لو روحت اسبانيا او المكسيك هيقولك ب ست ارواح
- طب ليه كده
= لان كل بلد بتستخدم رقم الحظ بتاعها
- اها فهمت بس حلوة دي 😂♥️
= عجبتك
- اه الله ينور 😂😂♥️ وقت السؤال بقا 😂

= السؤال هو
= ليه الهدهد كائن مميز وسط الطيور 🤔

خامس معلومة | تاريخ الكنافة 🧆🖤🌙- بقولك هي الكنافة دي ليه اتشهرت اوي كده ولازم ناكلها في رمضان لزوم إلاحتفال بشهر رمضان ي...
29/04/2020

خامس معلومة | تاريخ الكنافة 🧆🖤🌙

- بقولك هي الكنافة دي ليه اتشهرت اوي كده ولازم ناكلها في رمضان لزوم إلاحتفال بشهر رمضان يعني
= هقولك ...
- قولي
= هتكلم اهو هتكلم 😂
= نشأه الكنافة اصلا ارجع معايا كده كام الف سنة لدرجة انك هتلاقيها جزء من التراث العربي .. لدرجة انها اتقدمت في الاول للملوك والامراء وبعدين راحت مع مرور الوقت لكل فئة في المجتمع لغاية م بقت موجودة على سفرة الغني والفقير
- ياه انا قشعرت 😂
= اهدا شوي ها عشان هجيب حد غيرك اتكلم معاه في البوست 😏😂
- بص انا مش بتكلم اصلا انا اسف 🙂🙂🙂
= المهم في روايات كتير وقصص كتير عن اول ظهور للكنافة في مصر
- اي هما بقا
= اول رواية ترجع للشام بيقولوا ان هما الاختراعوها و ابتكروها واول من اتقدمت له وكان معروف يعني ل "معاوية بن ابي سفيان" وهو كان اول خلفاء الدولة الاموية وفي فترة ولايته للشام كان معاوية عنده مشكلة مع الصيام كان بيجوع جامد لان طبعا زمان دول كانوا في صحراء و صخر و شمس وليلة كبيرة ف المهم معاوية قال للحكيم ان هو محتاج حاجه عشان يتحمل الجوع شويه ف الحكيم نصحه ان ياكل كنافة ك سحور تساعده شويه على الصيام مش اكتر ويقال ان معاوية حب الكنافة جدا لدرجة انه كان بيصنعها وسموها ب كنافة معاوية في وقتها
- طب والرواية التانية بقا 🤔
= في الرواية التانية بيقولوا ان الكنافة اتعملت مخصوص ل "سليمان بن عبد الملك الاموي" وبيقولوا بقا ان المماليك هما اللي صنعوا الكنافة في الفترة اللي حكموا مصر فيها 1250 - 1517 م لحد الدولة الفاطمية
- خلاص كده ولا فيه تاني
= بص بقا فيه اكتر واحدة الاقرب للصح واللي اتفق عليها ناس كتير
- واللي هي 😂🤔
= بص بقا بيقولك ان تاريخ الكنافة يرجع للعصر الفاطمي اللي امتد من " 969 - 1172 م" او " 358 - 567 هـ" وقد شملت بلاد حكمهم مصر و المغرب و بلاد الشام كمان وان اهل مصر عرفوها قبل الشام بفترة وده وقت دخول الخليفة المعز لدين الله الفاطمي القاهرة وكان وقتها شهر ...
- شهر رمضان واهالي القاهرة خرجوا لاستقباله بالفوانيس والزينة و كان معاهم هدايا كمان وكانوا في الصحراء
= الله اكبر الله اكبر
- في اي يعم انت هتفجر نفسك ولا اي يلهوتاااااي 🙂🙂
= لا لا اصدي اي الحلاوه دي بس
- معلوماتكم دي يا تيم ايجيبتوس بيه 😉😉😉🥁♥️
= تمام خلاص هخليك مش همشيك 😂
- 💃🏻💃🏻💃🏻💃🏻😂♥️
= المهم ان كان من ضمن الهدايا دي هي الكنافة ومن ساعتها بقا انتقلت عن الطريق التجار لحد موصلت للشام
- طب وهما كنافتهم كانت زي كنافتنا كده
= لا عزيزي كنافتنا احلى 😂😂😉♥️
- لا مقولكش بقا كنافة الحجة عاملة ازاي 😂
= بتعملها ازاي بقا بالمانجا ولا ب اي
- لا دي بتعملها ب ....
= ولااا اتعدل الااا عايزين نخلص 😂😤
= المهم كل بلد بدعت في طريقتها بقا زي مثلا اهل الشام عملوها بالقشطة ،، واهل مكة عملوها بالجبنة من غير ملح ،، واهل نابلس عملوها بالجبنة العادية بقا واتشهرت اوي وسموها الكنافة النابلسية ،،ولكن اهل الشام بقا ابدعوا ف افكارها شويه ف عملوا المبرومة و المفروكة و البلورية .
= الله حلو اوي انا جوعت 🙂😂🤤
- بس وفضلت الكنافة هي الاطعم وقتها واتشهرت جدا في العصر الفاطمي واللي مش بياكلها في الايام العادية بياكلها في ايام شهر رمضان بس كده ♥️

- السؤال يااا
= اه السؤال هو
= سالت نفسك ليه بيقولوا ان القطط ب سبع ارواح 🤔

#ΑΙΓΥΠΤΘΣ

رابع معلومة | ريشة ماعت - فهمني بقا ايه المثل لما حد يقول حاجه ف نقوله وانت على راسك ريشة يعني ليه بنقول كده وايه اصلها ...
27/04/2020

رابع معلومة | ريشة ماعت

- فهمني بقا ايه المثل لما حد يقول حاجه ف نقوله وانت على راسك ريشة يعني ليه بنقول كده وايه اصلها اصلا
= بص هحكيلك بس متستغربش لاننا بنتكلم عن اسطورة تمام
- عن محمد رمضان هو عنده ريشة فين 🙂😂
= هقولك بس بعد البوست اصبر بس 🙂👍🏼
- لا دلوقتي
= ياض متبقاش غلس بقا 😂
= المهم كان ايام الخلافه العثمانيه كان السلطان بيحط ريشه على راسه كانت بتديله هيبه و وقار و من هنا جه المثل
- بس كده ايه ده !!
= لسه الحدوتة طويلة المهم بس يا حدق لو ترجع بالزمن شويه هتلاقي أن كان في اله عند قدماء المصريين اله اسمه الإله ماعت ابنه الإله رع دي بقى يا سيدي كانت اله العدل و الحق و السلام و هي دي اللي كانت على راسها ريشة و بالأخص ريشة النعام
- اشمعنا ريشه النعام يعني؟؟
= ما انا جيلك في الكلام اهو 😂
= بص يا سيدي النعام ريشه بيبقى متساوي من الجنبين و مفيش عداله منغير ما يكون في تساوي وأن ريشه ماعت كانت بتستخدم في حساب الموتى أن الريشه كان بتتحط علي كفه و قلب الإنسان علي كفه تانيه و لو القلب اخف من الريشه فكدا الإنسان كان صالح والعكس صحيح
- طب جامد ده
= استناني دي و كمان كانت تقدر تتحكم في حركه النجوم و فصول السنه حسب اعتقاد المصرين القدماء و كلمه ماعت كانت بتتكتب بأكتر من خمس اشكال مختلفه و كان أهم الاشكال دي شكل الريشه ..
= الإله ماعت كان ليها قانون كان في 42 مبدئ كانت مكتوب بصيغه الاعترافات المنفيه و هما:-

01) أنا لم أرتكب خطيئة
02) أنا لم أسلب الآخرين ممتلكاتهم بالاكراه
03) أنا لم أسرق
04) أنا لم أقتل
05) أنا لم أسرق الطعام
06) أنا لم اختلس القرابين
07) أنا لم أسرق ممتلكات المعبد
08) أنا لم أكذب
09) أنا لم أخطف الطعام
10) أنا لم ألعن "اشتم"
11) أنا لم أغلق أذناى عن سماع كلمات الحق
12) أنا لم أزنى
13) أنا لم أتسبب فى بكاء الآخرين
14) أنا لم أنتحب "أحزن" بدون سبب
15) أنا لم أعتدى على أحد
16) أنا لم أغش أحد
17) أنا لم أغتصب أرض أحد
18) أنا لم أتنصت "أتجسس" على أحد
19) أنا لم ألفق تهمة لأحد
20) أنا لم أغضب بدون سبب
21) أنا لم أغوى زوجة أحد
22) أنا لم أدنس"ألوث" جسدى
23) أنا لم أقم بارهاب أحد
24) أنا لم أخالف القانون
25) أنا لم أتمادى فى الغضب
26) أنا لم ألعن "أشتم" النترو "تماثيل الآلهة"
27) أنا لم أستخدم العنف ضد أحد
28) أنا لم أهدد السلام
29) أنا لم أتصرف بغوغائية "بدون تفكير"
30) أنا لم أتدخل فيما لا يعنينى
31) أنا لم أتحدث بالمبالغة "النميمة"
32) أنا لم أفعل الشر
33) أنا لم يصدر منى أفكار/كلمات/أفعال شريرة
34) أنا لم ألوث ماء النيل
35) أنا لم أتحدث بغضب أو استعلاء
36) أنا لم ألعن أحد بكلمة أو فعل
37) أنا لم أضع نفسى موضع شبهات
38) أنا لم أسرق ما يخص النترو"تماثيل الآلهة"
39) أنا لم أنبش القبور و لم أسئ الى الموتى
40) أنا لم أخطف لقمة من فم طفل
41) أنا لم أتصرف بكبر و غطرسه
42) أنا لم أخرب المبانى الدينية "المعابد"

= ومن هنا جت كلمة على راسك ريشة عشان انت لو بتعدل او بتظلم حد على حسابك ف انت مش على راسك ريشة
- حلو اوي 😂♥️
= والسؤال هو

= ايه هو تاريخ الكنافه🤔



#ΑΙΓΥΠΤΘΣ

ثالث معلومة | اساس القهوة في مصر ☕🖤- بص يا سيدي بقا دلوقتي القهوة دي بدأت ازاي ك مكان بنقعد عليه او ك مشروب بنشربه عايز ...
26/04/2020

ثالث معلومة | اساس القهوة في مصر ☕🖤

- بص يا سيدي بقا دلوقتي القهوة دي بدأت ازاي ك مكان بنقعد عليه او ك مشروب بنشربه عايز اعرف بدأت ازاي في مصر
= ركز معايا يعزيزي بقا وهاتلك كوباية قهوة كده عشان تصحصح معايا كده وتركز
- من عيني انت تؤمر يا برنس 😂♥️
= بص بقا في زمن العثمانين و اواخر العصر المملوكي يعني من حدود 500 سنة كده ظهر مشروب جديد في مصر وتحديداً ظهر في فئة الطلبة المغتربين يعني اللي جايين من الامارات من سوريا او اي بلد غيرهم ف كان مبينهم طلبة من اليمن وقاعدين في الازهر الطلبة اليمنين دول كانوا بيشربوا مشروب لونه اسود وريحته غريبة شوية ف بالتالي ادى لتفوقهم الدراسي بسبب عدد الساعات اللي كانوا بيسهروها غير الطلبة العاديين ف ده خلى صحاب الازهر يسألوهم ف واحد قاله : ايه ده قاله : قهوة ف قاله : بتعمل اي قاله : بتساعدني ع التركيز و الاستيعاب والسهر ولا تذهب العقل واحدة واحدة انتشر بين طلبة الازهر وخرج من دايرة الازهر للعوام اللي في الشارع وبقى مشروب دارج وسط الناس
- دارج عن القانون هاوهاوهاااااو 🙂
= عزيزي احنا ف رمضان عيب كده عيب 😂😂
= ركز معايا شويه متعصبنيش 😤🙂
- حاضر يعم حاضر ربنا يكسر نفسكوا اجدعع 🙂😢
= المهم واصبح ليه كمان اماكن مخصصة لتقديمه سموها مقاهي او قهوة لانها مكنتش بتقدم حاجه غير القهوة وكون القهوة مشروب بيؤثر على العقل بالسلب او بالايجاب ف كان المشروب غريب حبتين ساعتها وتحديدا رجال الدين اللي اختلفوا ف امره جدا ف كل رجال الدين والمتشددين ساعتها عارضوا القهوة بل ورفضوها رفضاً تاماً في الحجاز والشام والقاهرة لدرجة وصلت لتكفير حاملها وساقيها وشاربها زيها زي الخمر بالظبط
- طب ليه كده
= استنى بسس كل ده والدنيا كانت الي حد ما تمام ما بين معارض ومؤيد للمشروب الجديد الذي يدعى القهوة لحد ما بدأت المشكلة لما واحد راح ياخد فتوى من مفتي الدار المصرية بإتاحة القهوة او تحريمها وبلا نقاش اصدر قرار بتحريمها تماما وان تعامل معاملة الخمر طبعاً حصل انقسام كبير بين صفوف الشعب بين رجال الدين المعارضين ليها ومؤيدين ليها زي تجار البن وشاربيها وبعدها بفترة صغيرة طلع خطيب في صلاة الجمعة وشعللها اكتر وان ازاي لسه في ناس بتشرب قهوة لحد دلوقتي طبعا الناس هاجت والدم غلى في عروقها وخرجوا من الصلاة بمظاهرة وشالوا الشيخ على كتفهم ومشيوا بيه في الشوارع والميادين والحواري وهووووووبب
- ايي ايي في حد يخض حد كده
= دخلوا على القهاوي وبيوت التجار ومحلاتهم ومخازنهم واديلو ضرب و تكسير في البضاعة تجار القهوة سكتوا ومرضوش يتكلموا الموضوع يتنسي لا ميتنسيش وقال الشيخ احمد واصدر قرار تاني بتحريمها وعقوبة من يشربها التجار اتضايقوه قاله طيب دي بتفيد مش بتضر المهم احنا هنبيع واللي عندك اعملوه قام الشيخ احمد قال لرجال الازهر الشريف والشرطة وقرروا ينزلوا المظاهرة بنفسهم كنوع من انواع الجهاد ودارت عاركة كبيرة اوي عددها وصل للالاف في وسط الحوار ده جه واحد يبلغ الشيخ احمد وقاله في واحد من القهواجية مات واهله جايين يخدوا التار منك انت .. عمك الشيخ احمد قلق قام لابس القفطان واخد القبقاب و نفخ على اول جامع جه في وشه وقفل على نفسه من جوا المهم حد من القهوجية لمحوه ف حاصروا المسجد وطبعا عشان حرمة المسجد مرضوش يدخلوا يجيبوه من جوا وفي نفس الوقت جالهم خبر ان اتنين من المصابين اتوفي واعلنوا العصيان المدني ومعلومة تانية كده "ده كان اول عصيان مدني يحصل في مصر الحديثة عشان قهوة" المهم عاملوه صوان كبير
- وعلى كده عملوا غلط ولا صوان هاوهااووو 🙂😂😂
= ......
- بص بص انا هسكت خلاص اسف 🙂🙂🙂
= ربنا يسامحك على اللي بتعملوه ده 🙂😂
= المهم يعني عملوه عشان ياخدوا فيه عزا الشباب اللي ماتت والتجار عاملوا قهوة سادة مجاناً لكل اللي جاي العزا ك شئ يدل على مرارة وقسوة الحياه وبفراق الشباب اللي ماتت وساعتها اخدوا قرار قصاد السلطان العثماني اننا هنشرب قهوة غصب عن الطخين و"هو ده سبب ارتباط القهوة السادة بالميتم او الحزن" لحد انهارده المهم يسيدي استمر الحصار ده ل 3 ايام كده المهم السلطان قرر يفض حالة الفوضى دي وعزل المفتي الشيخ "احمد عبدالحق السنباطي" عن لجنة الفتاوي وقرر بتعين واحد جديد واول م اتعين اصدر قرار بأن القهوة مش حرام واللي عايز يشرب يشرب وساعتها القهوهجية فرحوا جدا ووزعوا قهوة سرياقوسي او زيادة كدليل على الفرحة ومن ساعتها يا سيدي انتشر في كل انحاء محافظات مصر ان القهوة السرياقوسي دليل على الفرحة القهوة السادة دليل على الحزن وشكرا لحسن قريتك ♥️😂
- تصدق انتوا تيم جامد 😂🖤👏🏻
= حبيبي يابا احلى مية مسا عليك 😂♥️

= و السؤال هو
= ليه الناس بتقول ده على راسه ريشة ؟🤔


#ΑΙΓΥΠΤΘΣ

تاني معلومة | النرجسية 😎😏🚬- بص يا سيدي دلوقتي احنا بنسمع مصطلح النرجسية يقولك الراجل ده نرجسي مثلا ده يعني ايه بقا و جه ...
25/04/2020

تاني معلومة | النرجسية 😎😏🚬

- بص يا سيدي دلوقتي احنا بنسمع مصطلح النرجسية يقولك الراجل ده نرجسي مثلا ده يعني ايه بقا و جه ازاي اصلا ؟
= بص يسطا
- يسطا ؟!
= ايوة خد وادي معايا ف الكلام كده
- اشطاا يا ابو الصحاب
= لا فوق إنت هتنسا نفسك ولا اي 😂
- انتو مش جدعان خلي بالكوا 🙂🙂🙂
= خلاص متعيطتش مفيش رجالة بتعيط 🙂😂

= المهم عزيزي القارئ الاساطير اليونانية القديمة بتحكي عن شاب جميل وسيم شبهي كده ههه 🤥😂 كان اسمه نارسيسس = Narcissus طبعا كان مدوب البنات كلها وراه كان احمد عز فى نفسه كده المهم رغم جمالهم كان بيرفضهم دايما لدرجة ان حورية الغابة حبته وهو رفض برضو ف بالتالي غضب اله الانتقام و صبت عليه لعنتهاا

- تلاقيها بتحرق اوي هه
= هزر كمان هزر قولنا متنساش نفسك بقاا 😏😂
- لامؤخذه يابا 🙂

= ايوة كده .. المهم راح ف يوم يشرب من البحيرة ف شاف انعكاسه على المياه ف فضل قاعد قدام المياه بالايام وكل يوم حبه يزيد لنفسه وشكله في الانعكاس لحد موصل للجنون ونط في البحيرة عشان يمسك نفسه ومعرفش طبعا وغرق ومات
- يلا كله رايح
= ونعم بالله عزيزي متتعبنيش بقاا
المهم طلعت مكانه زهرة قرروا يسموها النرجس جايه من نرسيس كده
- عظيم جدا وبعدين

= بس ف النرجسية مرض نفسي وصاحبها دايما مش شايف انه نرجسي ويمكن بيشوف اللي حواليه هما اللي مرضى والمفاجآه بقا ان كلنا مرضى بس بدرجات مختلفة ف مثلا العالم فرويد كتب مقالة سنة 1914 بعنوان مقدمة عن النرجسية:-
On Narcissism An Introduction
قال فيها ان النرجسية واحدة من مراحل نمو الانسان وكلنا بنمر بالتجربة دي فالانسان عشان يحب الناس لازم يحب نفسه ويثق فيها كمان بس الثقة متزدش عن حدها عشان متوصلش للغرور ومتزيدش اكتر عشان متوصلش للنرجسية

- هو إيه مواصفات الشخص النرجسي بقا؟

= الشخص النرجسي بيحب نفسه زيادة عن اللزوم عنده حب امتلاك للاشياء والاشخاص بيستغل كل اللي حواليه عشان يوصل للي هو عايزه شايف انه فوق الكل ومبيغلطش لدرجة ان ممكن يقين شخص نرجسي يخليه قائد لمجرد إنه شايف إنه الاصلح دايما للقيادة زي الاسكندر الاكبر / نابليون بونابرت / ادولف هيتلر / دونالد ترامب وغيرهم كتير
فالنهاية دي كلها امراض الواحد مش متحكم فيها جينات و ورثها او بيئة اتربى فيها دي كلها اعراض للاضطراب نفسي هو بيعاني منه بس لازم نسأل نفسنا سؤال!

- ايه هو !؟
= ازاي نتعامل مع الشخص النرجسي ؟
هل نحتويه ولا نديلووو بالجزمةةة .. ده سؤال مهم جدا بس من رأى اننا نحاول نحتويه ونعدي الموقف وشكراً

- جه وقت الفزورة 👏🏻👏🏻💃🏻😂

= السؤال هو
ليه بنشرب قهوة سادة في العزا ؟🤔


#ΑΙΓΥΠΤΘΣ

اول معلومة | بداية الفانوس 🏮🖤🌙- هو يعني ايه فانوس اصلا لي سموه كده ؟= كلمة فانوس ترجع للغة الاغريقية و هي لغة اليونان زم...
24/04/2020

اول معلومة | بداية الفانوس 🏮🖤🌙

- هو يعني ايه فانوس اصلا لي سموه كده ؟

= كلمة فانوس ترجع للغة الاغريقية و هي لغة اليونان زمان ومعناها الاضاءة او المصباح وطبعا الفانوس في رمضان من اهم العادات والتقاليد اللي بتظهر البهجة والفرح في قلوبنا وهو كمان لون من اللوان الفن الفلكلوري المصري

- طب هو ظهر ازاي بقا لدرجة انه يكون موجود ف مصر بالشكل ده

= كان اول مرة نشوف فيها الفانوس كان عند وصول الخليفة المعز لدين الله الفاطمي للقاهرة وده كان يوم 5 من شهر رمضان سنة 358 هجرياً طبعا وقتها خرج الشعب المصري من سور القاهرة متجه للصحراء لاستقبال الخليفة وكان وقتها الليل كان حل ف اضاءوله الطريق بالفوانيس والزينة وكانوا فرحانين جدا بوصوله

- خليفة بقاا 😂

= بس اما بقا عن ارتباط الفانوس ب احتفالات رمضان ف كان الكلام ده في العصر الفاطمي بسبب ان الستات مكانش ينفع تنزل بليل لوحدها وفي رمضان

= ع عكس عصرناا يصديقي تماما دلوقتي تلاقي البنت داخله ع ابوها تقوله هاي دادي انا نازلة اتسحر مع صحابي تشاو ي دادي!! 😂😂

- وطبعا رمضان بيحب اللمة انت عارف 😂

= بس يا سيدي كان لازم يكون معاها صبي كده اتناشر تلاتاشر سنة شايلها فانوس عشان ينورلها الطريق و الرجالة تاخد بالها إن في ست معدية من هنا ويوسعولها الطريق بس ف واحد من الخلفاء الفاطميين امر اصحاب البيوت والدكاكين انهم يعلقوا الفوانيس طول شهر رمضان ومع الوقت بقا الفانوس هو الهدية الرسمية في رمضان

= بس ومهما اتغير شكل الفانوس وتعدد اللوانه هيفضل الفانوس الصفيح وفي قلبه الشمعة هو الاصل

- خلاص كده خلصتم 🖐🏼😂

= اومال انت فاكر ايه 😂

- الله اكبر عليكم د اي الحلاوة دي 😂♥️

= ودلوقتي جه وقت السؤال :
🤔ليه سموه النرجسية نرجسية وايه هي النرجسية🤔


#ΑΙΓΥΠΤΘΣ

كل سنة وانتوا طيبين ورمضان كريم عليكم يا شباب ♥️♥️- ها بقا قوللنا هتعملوا اي ؟! = بص بقا احنا قعدنا نفكر قولنا نفيد الن...
23/04/2020

كل سنة وانتوا طيبين ورمضان كريم عليكم يا شباب ♥️♥️
- ها بقا قوللنا هتعملوا اي ؟!
= بص بقا احنا قعدنا نفكر قولنا نفيد الناس ازاي واحنا كلنا في بيوتنا عن طريق online projects ونخلي الناس تستمتع بالقصة وتقراها ف وقت فراغكم بما ان احنا في الوباء ومفيش تجمعات طبعا ونحب نقولكم خليكوا ف البيت
- طب يا سيدي شكرا 😂
= بس يا صديقي ف كل يوم ف رمضان هنزل بوست الساعة 10 بليل عن قصة شخص او حدوتة حصلت في عصر معين بس مأثرة فينا لحد انهارده ومعلومات شبه كده
- واي كمااان 🤔 ؟
= وهيكون فيه مسابقة كل يوم ف اخر البوست اللي اتكلمنا عليه هيكون سؤال واكتر حد هيجاوب او يتفاعل معانا هيكون ليه هدية رمزية و هدية مادية .. يلا يعم ابسط 😂♥️
- لا ده انتوا تيم قمر اصلااا 😉🥁
= يجدع انت 😂
- طب والمعلومات دي او الاسئلة هتكون عن اي بالظبط
= بسيطة ......
"ايجيبتوس" 🙏🏼🖤




#ΑΙΓΥΠΤΘΣ

- هو ايه اسم البيدج ده انا شايف كلمة TEAM بس اي اللي قبليها دي= بص يا سيدي كلمة ΑΙΓΥΠΤΘΣ باليونانية القديمة هي "مصر" - ...
18/04/2020

- هو ايه اسم البيدج ده انا شايف كلمة TEAM بس اي اللي قبليها دي
= بص يا سيدي كلمة ΑΙΓΥΠΤΘΣ باليونانية القديمة هي "مصر"
- يا حول الله يارب لي بتعملوه كده متسموه اسم عادي
= هقولك لان الحضارة اليونانية في مصر كان قوية جدا واثرت في مصر بشكل كبير ولحد دلوقتي في طراز يوناني موجود في شوارع كتير في مصر وخصوصا اسكندرية وسبب كده ان كتير من مشاهير العصر اليوناني في مصر زي الاسكندر الاكبر و اقليدس و كليوباترا السابعة وغيرهم تطوروه من مصر بحضارتهم الراقية وبسبب كل الجمال ده احنا قررنا نسمي فريقنا بالاسم ده ♥️
- باين عليكم مهتمين بالتاريخ جدا !!
= وحجات كتير يا عزيزي زي التمثيل و الغناء و الشعر و الموسيقى وغيرهم كتير
- الله .. طب ولو في ناس عايزة تقدم مواهبها هل بتقبلوه المواهب الجديدة في فريقكم ؟!
= يوووه .. ده احنا هدفنا الاساسي اننا نعلم الناس وننميلهم مواهبهم ونثقفهم بمعلوماتنا ف التاريخ وغيره
- طب عظيم جدا والله والواحد يعمل ايه بقا عشان ينضم ؟
= أسألتك كترت يا عزيزي 😂😂 المهم انت بتدخل تبعتلنا Message واحنا بنتواصل معاك ف ال Chat وبنعرفك التفاصيل بقا
- طب معلش بس اخر سؤال انتوا بتقدموه شغلكم ازاي واحنا في وباء فيروس كورونا وكده
= هقولك احنا في العادي بنعمل Projects و Lectures بس طبعا الفترة دي مش عارفين .. بس ف هنقدم معلومات للناس من يوم للتاني وخصوصا بما ان رمضان داخل علينا هيكون فيه دورة معلومات هتكون كل يومين بتنزل قصة ل ملك او شخص في عصر معين من عصور ما قبل الميلاد لحد انهارده بداية من الإنسان البدائي وبعدين الفراعنة لحد عصرنا الحالي وصدقني انك هتستمتع جدا يا عزيزي 😉🖤😂
- شكرا جدا وبالتوفيق
= ♥️♥️




#ΑΙΓΥΠΤΘΣ

Address

Alexandria

Website

Alerts

Be the first to know and let us send you an email when Aegyptus Team posts news and promotions. Your email address will not be used for any other purpose, and you can unsubscribe at any time.

Shortcuts

Share

Category