Cultural Team - AFM

07/06/2026

🎬✨ من حكاية لحكاية، ومن شارع لشارع...

عشنا مع بعض جولة مختلفة بين تاريخ السينما وسحر الإسكندرية، واكتشفنا تفاصيل يمكن بنعدي جنبها كل يوم من غير ما نعرف قصتها ❤️

كانت الجولة بالتعاون مع مبادرة حدوتة و تمشية

مستنينكم في فعاليات وتمشيات جاية نحكي فيها حكايات أكتر ونكتشف مع بعض جوانب جديدة من مدينتنا ✨

04/06/2026

خروجة مختلفة مستنياكم الأسبوع ده 👀🎬

لو بتحب السينما، الحكايات القديمة، وتفاصيل إسكندرية اللي ممكن تعدي من جنبها كل يوم من غير ما تعرف قصتها... يبقى الجولة دي ليك ✨

بالتعاون مع مبادرة حدوتة و تمشية ،
هنبدأ رحلتنا من المدرج الروماني، ونلف مع بعض بين أماكن كانت في يوم من الايام من أهم معالم الفن والسينما في الإسكندرية، ونعرف حكايات عن دور العرض اللي صنعت جزء كبير من تاريخ الإسكندرية 🎭🎞️

رحلة خفيفة بين التاريخ والفن وذكريات مدينة عمرها ما بطلت تحكي ❤️

📍المسرح الروماني و عدد من دور التاريخية بالإسكندرية
📅 Sat, 6/6/2026
⏰ 5:30 PM → 8:00 PM
🎟️ For Free

ادخل الجروب دلوقتي عشان تعرف تفاصيل أكتر 👇
https://chat.whatsapp.com/D60UBC63x0XBMZlsXFkxjC

24/05/2026

يوم جميل وسط التاريخ وأماكن تحسسك إنك رجعت لزمن تاني 🏛🤍

اتفسحنا، عرفنا معلومات جديدة، واتصورنا صور حلوة جوا المتحف اليوناني الروماني ✨
شكرًا لكل الناس اللي كانت معانا وخليت اليوم ألطف بكتير 🤩

استنونا في خروجات وفعاليات أكتر مع اعرف إسكندرية 👀

19/05/2026

خروجة weekend علينا الأسبوع ده 👀

لو بتحب التاريخ، الحضارات القديمة، والقصص اللي مستخبية ورا كل تمثال وأثر… يبقى لازم تيجي معانا في جولة ثقافية داخل المتحف اليوناني الروماني 🏛✨

ضمن فعاليات اعرف إسكندرية، هنعيش تجربة مختلفة وسط واحد من أهم وأعرق متاحف المدينة 🤩

📍المتحف اليوناني الروماني
📅 Fri, 22/5/2026
⏰ 5:30 PM → 8:00 PM
🎟 For Free

ادخل الجروب دلوقتي عشان تعرف تفاصيل أكتر 👇
https://chat.whatsapp.com/LR3ya0EqQry0C2wAz3jhgG?utm_source=chatgpt.com

02/05/2026

أكيد اول ما دخلت طب، كل الحواليك شافوك عبقري، صح ولا مش اوي؟ 🫣

نحب نقدم مسابقة السنة دي بشكل مختلف:
العباقرة - بس مش قوي

فرصه ممتعه ليك و لزمايلك الممكن تشارك معاهم
طب لو معندكش فريق؟؟
احنا نوفرلك فريق 👀

بس متقلقش، مش لازم تكون عبقري عشان تشارك، اهم حاجه انك تتبسط و بالمره تختبر مهاراتك و تتعرف على ناس جديده. شاركوا معانا دلوقتي وسجلوا في الفورم ✅:
https://forms.gle/YLbnUVM48pL9BRGk8

05/02/2026

بعض اللقطات من رحلتنا لمعرض القاهرة الدولي للكتاب 🩵
📎 بتاريخ 31 يناير 2026
نلقاكم في رحلات أخرى 👀

20/01/2026

"من يتوقف عن القراءة ساعة، يتأخر قرونا"
- نجيب محفوظ

كل سنة القاهرة بتستضيف أكبر حدث ثقافي في مصر:
معرض القاهرة الدولي للكتاب 📚

وطبعًا الفرصة دي ماينفعش تفوتنا،
وعشان كده اتحاد طلاب طب الإسكندرية بينظم رحلة مجانية لمعرض الكتاب كل سنة ❤️

تفاصيل الرحلة:
📅 يوم 31 يناير 2026
🚌 التحرك الساعة 6:30 صباحًا من أمام البوابة الرئيسية للكلية

⏰ الرجوع لإسكندرية هيكون حوالي الساعة 12 منتصف الليل

تفاصيل الحجز:
الرحلة بدون أي تكلفة، وبالتالي الأماكن محدودة.
ومن باب العدالة – خصوصًا في فترة الامتحانات – كل سنة دراسية ليها عدد مقاعد محدد.

🗓 الحجز هيكون يوم: الأربعاء 21 يناير ـ الخميس 22 يناير
📍 في باكية الاتحاد
⏱ من 11:30 صباحًا لـ 1 ظهرًا

📌 هيتم تخصيص اعداد محدودة لكل يوم من أيام الحجز لإتاحة الفرص للجميع
📌 الحجز يتم بـ الكارنيه فقط (لازم يكون معاك)
📌 محدش ينفع يحجز لحد غيره

مستنيينكم تشاركونا اليوم ده ❤️

24/07/2025

بناءا على طلبكم , دلوقتي بقا عندنا ميدوتوبيا لايت! لأننا عايزين نفصل شوية عن المذاكرة ونعيش تجربة جديدة مع بعض، قررنا نقرأ كتب وقصص خفيفة ونناقشها!

وأول كتاب معانا هو ناقة صالحة . انضموا دلوقتي لجروب ميديوتوبيا Lite وشاركونا تحبوا يكون ايه الكتاب الي جي؟
📚

https://chat.whatsapp.com/CeEZRJtA1OmE27tx8WUa8t?mode=r_c

02/06/2025

يسرّنا أن نعلن عن توزيع العدد الثالث من جريدة الطب البشري، وذلك يومي غدٍ وبعد غدٍ أمام الباكيات.
حيث يُطلق أصحاب المعاطف البيضاء أقلامهم، ليسبحوا بأفكارهم وخيالهم في فضاءٍ من العلم، والأدب، والإبداع.

كونوا على الموعد، فبين السطور نبضٌ لا يُقرأ إلا بعيونٍ تنتمي.

22/05/2025