norann_27

norann_27 أثر الفراشة لايُرى ، أثر الفراشة لن يزول ..🦋💛

10/02/2025

بعد مرحلة لا بأس بها من السعي تم اكتشاف ان السعادة في الاستقرار انك تكون شاطر الشطارة العادية اللي هي بتنجح ف اللي بتعمله مش لازم تكون الأول ، انك تكون جميل الجمال العادي الطبيعي جسمك جسم طبيعي حياتك حياة طبيعيه مش شرط تكون مثالية مش لازم تجيب عشرة من عشرة في الحياة بتاعتك المهم تكون بتتعلم فيها وبتحس بيها وخليك عارف ان كل ما كانت حياتك بسيطة مستقرة كل ماعشت بجد

24/01/2025

مضى الكثير مُنذ أخر مره كتبت بها لا أدري لماذا توقفت يدي عن الكتابة ولا لماذا تصحرت أفكاري …؟
ولكنني وبعد مدى أكتشفت أن الكتابة تجعل منك شخص مرئي وانا في تلك الفترة كنت أحاول الاختباء بكل الطرق المُمكنه

04/11/2022

حاجه مُحزنه لما تلاقي الشخص اللي بتحب تشاركه نجاحك مش معترف لا بيه ولا بيك، قمة الحزن إن كل الناس تشوفك واللي أنت مستنيه يشوفك هو الوحيد اللي مش شايف، الكل بيسقفلك وهو ممتنع عن التسقيف ..!
في لحظه بتحس إن اللي وصلتله ولا حاجه فتحاول تبذل مجهود أكبر عشان بس تتشاف و تثبت للشخص دا إن أنا هنا أناا موجود، وفي النهايه اي بتوصل لنجاح اه بس نجاح باهت مش حاسس بقيمته لأنك رابط نجاحك بنظره او كلمه من شخص معين، ومع الأسف الشخص دا عمره ماهيشوف لقلة نظره 💛🦋

11/10/2022

أنت مش مطالب أنك تنسى المواقف الصعبة اللي عشتها ومش مطالب أنك تقف عندها و تفضل تعيشها كل يوم، عيش اللحظه ماتستناش الوقت المناسب ماتستناش تكون فاضي، عيش كل يوم كأن مافيش بكرا ، جرب كل حاجه امشي ورى أحساسك وصدق نفسك ماتخليش حد يحجم طاقتك ويقولك أنت تقدر تعمل اي وماتقدرش تعمل اي ، خليك عارف أنك هتوصل بس لأيه مش مهم المهم أنك توصل لمكان تكون مرتاح فيه ومهما كان المكان دا اي هتقدر تبدع فيه زي اللي قبله ، صدق نفسك ساعتها بس الناس هتصدق اللي أنت شايفه بعينيك ..💛🦋

01/10/2022

أكره تجمع الذكريات في رأسي لأنها تقيم حفلًا صاخبًا يرهقني فالجميع يرقص على أوتار مأساتي ..!
فأنت لا تعلم كم هو الأمر مرهق لأولئك المتأملين الصامتين ،
فكم من مره أراد فمك الكلام ولكن للحظة شعرت أن الكلام يهرب إلى جوفك ثانيتًا ..!؟؟
صخب داخلي واصواتًا مضطربة ألم يفتك بجميع الخلايا المُخيه ...
وكأنني أنا و العالم نقف أمام بعضنا البعض فهو كلما ازداد هدوءً أزدادت أنا صخبًا.
فتبًا لذلك العالم ...!

27/09/2022

المَمرُّ فارغ.! ولا وجود لبشري، وفجأة ومن حيث لا أدري أصابني سهم لا أعلم من أين أتى. حاولت النظر سريعًا لأعلم مصدره ولكن دون جدوى فالقناص ألقى بسهمه وهرب سريعًا ...

جلست أئن ألمًا أُحاول تقليل تدفق الدماء ولكن هيهات أن تتوقف.. شعرت لحظتها أن كل شيءٍ يسير خلالي، كل شيءٍ يتدفق مع تلك الدماء...
شخصًا ما رأني في تلك الزاوية اتخبط بدمائي فهرع إليّ وحاول مساعدتي،
ولما كل تلك المخاطرة.!؟ لما تحاول إنقاذي..!؟؟
لماذا لا تتركني أرحل في سلام ..!
جائني الرد انه هو من ألقى بسهمه ولكن لمَ أكن أنا المقصوده ولكن لحسن الحظ أنه أصابني ليخلصني من جميع الأشياء العالقة بي، فكل شيء انساب مع الدماء ولكن ماهي إلا لحظات حتى قررت أن أرحل فأنا لا أرغب بأن يعلق بي شئ آخر أرغب أن أحلق بعيدًا عن كل هذا الدمار .. 💛🦋

23/09/2022

دائماً كنت أسمع عن تلك المقولة وكنت اتجاهل الأمر فكيف يصل المرء إلى تلك المرحله ؟! كيف يهوى الإنعزال ويخشى أن يبقى وحيداً ..!
كان الأمر حينها مزحة بالنسبة لي لم أكن أعلم أنني قد أصل إلى تلك المرحلة يوماً ما ولكن حينما وصلت إليها وأصبحت أعيشها أدركت أنني لا أخشى أن ابقى وحيدة فقط إنني أخشى كل شيء واي شيء أخشى الذكريات أخشى الأشياء الجميلة أخشى الأشخاص أخشى الأماكن الأفكار و اي شيء يربطني بالواقع وكأن واقعي وأحلامي وطمواحاتي لاتتجاوز حدود سقف غرفتي ، أدركت حينها أنني هويت أقصى مراحل الإنعزال وخشيت الواقع بأكمله .🍃💛

16/09/2022

إكتشاف مُحزن شويه هو أن الواحد ممكن يقضي طول حياته فاكر أن عنده صحاب وناس بتحبه ولكن ف الحقيقه أنه ماعندوش حد ؛ تخيل تستثمر فلوسك في مشروع فاشل او أرض بور تفتكر المشروع دا هيطلعلك أرباح طب الأرض هتطرح ..؟!
المشروع وقع و افلست وأنت بالتالي وقعت طب والعمل ..!
أنت فاكر أن في حد هيجي يقولك تعال نعمل مشروع جديد أو خد قرض عشان تقوم تاني على رجلك ..!
مافيش حاجه من دي هتحصل عشان كدا استثمر فلوسك في كذا مشروع ممكن تلاته يقعوا اتنين يسندوا، واحد بس حتى، المهم تكون وزعت فلوسك على كذا شركة حتى لو خسرتهم كلهم هتكون كسبت شعبيه ومش هتكون خسرت كتير لأنك في الطبيعي ما ادتش كتير .

عزيزي القارئ مشاعرك ووقتك هي فلوسك وعلاقاتك هي إستثمار والقصد من إستثمار مش المصلحه الشخصيه خالص انما القصد هو إنك ماتستثمرش مشاعرك في علاقات انت عارف أنها واقعه .💛🦋

21/08/2022

مع كل خبر موت لحد أعرفه بيرن في ودني جُمله واحده بس " ماذا لو متنا قبل أن نقول كل شيء ماذا لو مات الذين نريد أن نقول لهم كل شيء "
ببص للحياة والناس وقتها بطريقه مختلفه ببص لصحابه، قرايبه، طب الناس اللي بيحبوه، كل دا مره واحده..!
طب مشاعر كل واحد ايه.!
طب الكل قال وعمل كل حاجه ولا كان مستني الوقت المناسب..!
بنضيع وقت كبير في العتاب والزعل طب ليه فيها أيه لو كل واحد اتعامل على أساس إن الشخص اللي قدامه مش هيشوفه تاني فيها ايه لو عشنا كل مشهد كأنه الأخير ..!؟

07/08/2022

اعتقد ان من أروع العلاقات هي العلاقات اللي بتحس فيها انك في بيتك ، الناس اللي وجودها سكينه وبتحس معاهم براحه مهما انشغلت ومهما بعدت بترجع ليهم من غير عتاب وبتلاقي مكانتك زي ما هي ومهما كان ومهما عدى بتعرف تحكي كل اللي عندك بأريحيه ، ف تحكى في يوم اللي شوفته في سنه فتلاقي حد بيسمع حد كتافه لسه شايله .. برغم انك ممكن تقعد برا البيت يوم ويومين وتنشغل وتشوف ناس وتقابل دا وتسيب دا وتضحك مع دا وفي النهايه بترجع للبيت وتنام من غير ما تفكر في اي حاجه ..،اهو احنا بقى محتاجين علاقات مريحه بتحمل سكينة البيوت ودفئها 💛🦋

17/07/2022

أكره النهايات إلا نهاية اليوم ؛ وكأن الشمس بعدما احترقت قررت الإنسحاب بهدوء ليعود السكون مجدداً .
جميعنا شمس في حياة شخصٍ ما ، جميعنا نحترق ، وجميعنا يجب أن يرحل بهدوء أيضاً ؛
فالماذا لا نتقبل فكرة رحيلهم ونرحب برحيل الشمس عند كل غروب ، هل لان الشمس تعود ... ؟! 💛🌻

13/07/2022

_ هل كانت ليلتك سيئه ؟!
لا بأس ...
يكفي أن تستيقظ الان وانت مرهق لتمارس روتين ممل لا خلاص منه ، ولكن لا شيء سيء لهذه الدرجه فالأشياء لابأس بها ولكن فقط حاول إدراك ذلك لأنك حتمًا ستتغير بعد إدراكها ..
إذًا صباح الخير لأنك تأمل ذلك فلا تستسلم لسلبيتهم وعش على أمالك أنه لا شيء سيء فالاشياء حتمًا لا بأس بها .. 💛

Address

Alexandria

Website

Alerts

Be the first to know and let us send you an email when norann_27 posts news and promotions. Your email address will not be used for any other purpose, and you can unsubscribe at any time.

Contact The Establishment

Send a message to norann_27:

Shortcuts

Share

Category