17/04/2026
📢 تنبيه هام لكل عشاق البلايستيشن ومتابعي أخبار الـ Jailbreak! 🎮
بخصوص الضجة اللي حاصلة على سوفت وير 13.50، والصورة المنتشرة للمطور Gezine.. فيه معلومتين لازم الكل يعرفهم عشان متتعبش نفسك في التدوير ورا إشاعات:
1️⃣ الثغرة حقيقية بس "اتباعت":
المطور (Gezine) فعلاً قدر يوصل لثغرة قاتلة في النواة (Kernel Exploit) بتخترق حماية الـ PS4 والـ PS5 لحد سوفت 13.50. لكن، وبشكل رسمي، المطور أبلغ شركة Sony بالثغرة دي من خلال برنامج المكافآت (Bug Bounty).
2️⃣ المقابل المادي والسرية:
سوني دفعت للمطور مبلّغ محترم (مكافأة مالية ضخمة) مقابل إنه يسلمهم تفاصيل الثغرة عشان يقفلوها في التحديثات الجاية. وبناءً عليه، المطور مضا على اتفاقية قانونية تمنعه من نشر الثغرة دي للعامة. يعني "مفيش جيلبريك" هينزل من طرف المطور ده نهائياً.
💡 الخلاصة لعملائنا الكرام:
لو جهازك على سوفت 13.50 أو أقل، اوعى تحت أي ظرف تحدث جهازك للسوفتات اللي هتنزل بعد كده (زي 14 مثلاً).
الهاكرز المحترفين بيبيعوا الثغرات للشركات عشان "الفلوس والأمان القانوني"، وإحنا كجمهور بنستنى مطور تاني يكتشف نفس الثغرة وينزلها مجاناً للناس (وده بياخد وقت).
مكملين معاكم في صيانة وتعديل أجهزتكم بأحدث المتاح، وأي جديد في عالم الـ Jailbreak هنبلغكم بيه فوراً! 🛠️
