01/09/2026
ملخص كامل لقرارات وزارة التعليم الصادرة اليوم 1 سبتمبر
*صدر قرار بتكليف معلمي الرياضيات بتدريس مادتي (المحاسبة - إدارة الأعمال) في مسار الأعمال (نظام البكالوريا).. وإتاحة الاستعانة بخريجي بكالوريوس التجارة تخصص محاسبة أو إدارة أعمال أو بكالوريوس تربية شعبة تجارة بشرط مؤهل تربوي من المقيدين أو المنتدبين بالمرحلة الثانوية.
*وزارة التعليم بلغت المدارس الثانوية باستمرار اختيار المسار وتعديل المسار لطلاب الصف الثاني بكالوريا.. حتى نهاية الأسبوع الأول من الفصل الدراسي الأول.. يعني لحد 17 سبتمبر.. لو عايز تغيّر مسارك أو تختار مسارك روح مدرستك واختار المسار اللي انت عايزة من دي الوقت لـ 17 سبتمبر.
*صدر تكليف لمعلمي مادة البرمجة بتدريس مادة الثقافة المالية لطلاب ٢ بكالوريا و٢ ثانوية عامة.. المادة عبارة عن نشاط ولا تضاف للمجموع ولا حتى فيها نجاح ورسوب.. ده نشاط باختصار: ازاي تعرف تستثمر فلوسك وازاي تاخد قرارات مالية صح وتصرف صح وتعمل فلوس ومشروع صح.. دي كل القصة.
*وزارة التعليم قالت: لم - ولن يتم فصل مادة العلوم المتكاملة إلى ٣ مواد (كيمياء فيزياء أحياء).. هتفضل مادة واحدة مقررة على أولى ثانوي عام/ أولى ثانوي بكالوريا.. بنفس منهج العام الماضي بدون تعديل أو تغيير.. لم يتغير الاسم/ ولم يتغير المحتوى/ ولم تنفصل المادة إلى ٣ مواد.. والمنهج موجود على موقع الوزارة.
*منهج الرياضيات لأولى ثانوي عام وأولى ثانوي بكالوريا.. موجود برضو على موقع الوزارة.. كل مناهج أولى ثانوي عام وأولى ثانوي بكالوريا موجودة على موقع الوزارة.
*وزارة التعليم بعتت للمدارس الثانوية (عام وبكالوريا) قالت لهم: الكل يلتزم بتسجيل غياب طلاب المرحلة الثانوية يوميًا وإبلاغ الوزارة بالغياب. وإخطار أولياء الأمور دوريا بحالات الغياب.. وده مرتبط بـالـ 60% مهام اللي مطلوب من طالب 2 بكالوريا يحققها علشان يدخل امتحان أول مرة.. واللي أهمها: الطالب يحضر في المدرسة.
*للتأكيد برضو: الوزارة قررت تدريس مناهج اللغة العربية والتاريخ للبكالوريا، على طلبة الشهادة الدولية كمناهج مواد الهوية المخصص لها ٢٠٪ من مجموع طلاب شهادة المدارس الدولية.. الكلام ده ينطبق على اللي داخل العام الدراسي الجديد الصف الحادي عشر أو Grade 11 فقط.
*لطلاب الثانوي والبكالوريا في مدارس اللغات (خاص لغات - تجريبي لغات - قومي لغات - أي لغات): التعريب مستمر في البكالوريا.. يعني لو طالب لغات عايز تجاوب الأسئلة المقالية بالعربي في الامتحانات.. جاوب بالعربي.. التعريب مستمر بكالوريا وثانوي عام.. طب ليه مفيش قرار رسمي بالكلام ده؟!.. لأن القرار القديم متلغاش علشان يطلع قرار جديد يأكد عليه.. وده كلام رسمي من مسئول رسمي.. اطمنوا.
دي أهم قرارات اليوم بتاريخ 1 / 9 / 2026
