16/08/2026
لما نعمل لحد صورة دم كاملة و نلاقي ارتفاع بكرات الدم الحمراء و الهيموجلوبين، دا تشخيص اسمه polycythemia.
ليس له علاقة بأخذ حديد وريد أو أقراص أو زيادة الحديد في الجسم اللي بيكون تشخيص آخر اسمه hemochromatosis.
اشهر سبب لزيادة كرات الدم الحمراء هو التدخين، ذلك إن معظم كرات الدم شايلة أول أكسيد الكربون اللي كرات الدم بتحبه أكتر من الأكسجين، فالجسم يفضل ينتج كرات دم حمراء جديدة.
في حد ما بيدخنش زيادة كرات الدم الحمراء ممكن يكون ثانوي بسبب نقص الأكسجين ( افتح قوس و حط كل مشاكل الرئة المزمنة ) أو ثانوي بسبب زيادة هرمون ال erythropoietin ، الهرمون اللي بيزيد بسبب أورام الكلي أو الأورام الليفية في الرحم بتفرزه.
لقينا ارتفاع كرات الدم الحمراء في راجل ،السونار علي البطن و الحوض طبيعي و مفيش دم بالبول و مفيش ورم علي الكلي و رئته سليمة، هنا السبب ورم بنخاع العظمprimary polycythemia بنؤكده بتحليل جيني Jak mutations.
الأسبرين علاج فقط لمنع الجلطات ، لكن لابد من تقليل كرات الدم الحمراء بالتبرع بالدم و المتابعة و اعطاء علاج كيميائي للورم.
بالمناسبة أعراض ال polycythemia هو هرش عند التعرض للماء ( الساخن ), ألم بعضلات الساقين بيزيد بالمشي و يتحسن بالراحة، هبات ساخنة flush.
صباحاً جميلاً ❤️
