Quel est le site Web ?

https://www.facebook.com/2007186079557442/

PayWise

Accueil
Algérie
Oran
PayWise

Appeler Itinéraire Contacter l'entreprise

PayWise
خدمات الكترونية احترافية
(5)

02/10/2026

🔴 في حدث انتظره الجزائريون.. بريدي موب يحصل أخيرًا على تحديث جديد 📱🇩🇿

بعد فترة من الانتظار، وصل تحديث جديد لتطبيق بريدي موب، وسط تفاعل واسع من المستخدمين، خاصة أن التطبيق لطالما واجه انتقادات بسبب بعض المشاكل التقنية والخدماتية.

📌 التحديث أعاد الأمل لدى المستخدمين في أن تكون هناك تحسينات حقيقية، خصوصًا مع الوعود السابقة بإطلاق نسخة أكثر تطورًا من التطبيق.

والآن يبقى السؤال: هل جاء التحديث فعلًا بحلول للمشاكل التي يعاني منها المستخدمون؟

🔴 هل حملتم التحديث؟ وماذا تغيّر عندكم؟ شاركونا تجربتكم في التعليقات.

#أ

29/09/2026

افضل نصيحة تقنية ممكن تسمعها في حياتك هي نقص من استعمال الهاتف لي راح بين يديك، وهنا ماشي لأن الهاتف شر، بصح لأن انتباهك ماشي مجاني. 🧠

دراسة باستعمال تصوير الدماغ قارنت أشخاص عندهم أعراض قوية مرتبطة بإدمان الهاتف مع مجموعة أخرى، ولقات اختلافات في مناطق مرتبطة بالانتباه، التحكم في السلوك ومعالجة المكافأة.

هذا ما يعنيش أن الهاتف وحدو هو السبب، والدراسة صغيرة وما تثبتش السببية.
بصح الرسالة لي تستاهل نفكرو فيها بسيطة،

كل مرة تفتح الهاتف بلا سبب، وكل إشعار يقطع عليك التركيز، راه ياخذ جزء من مورد محدود عندك: انتباهك.

استعمل هاتفك، بصح ما تخليهش هو لي يستعملك.

28/09/2026

كي تسمع كلمة Startup في الجزائر، أول حاجة تجيك في بالك؟ تطبيق توصيل؟ Taxi؟ ولا مشروع صغير دايرينو زوج صحاب؟ 😂 على وزن وصلي ، اشريلي .. الخ

بصح الحقيقة أنو الـStartup ecosystem في الجزائر راهو يكبر شوية بشوية، وراه كاين مشاريع وشركات ناشئة تخدم في مجالات مختلفة، من الـSaaS والـFinTech حتى للـAI والـLogistics والـCybersecurity 🇩🇿

وحسب بيانات جديدة من StartupBlink، الجزائر فيها 52 Startup مدرجة على المستوى العالمي ( طبعا كاين أكثر محليا )، ورانا في المرتبة 109 عالمياً وفي المرتبة الرابعة في شمال إفريقيا من ناحية منظومة الشركات الناشئة ✅

بصح الحاجة لي تلفت الانتباه هي المجالات لي راهي تدخلها التكنولوجيا. ما بقاش الـTech غير مواقع إلكترونية وتطبيقات توصيل !

كاين مشاريع تحاول تحل مشاكل في الفوترة، النقل، التجارة، الخدمات، اللوجستيك، وحتى القطاعات القانونية والإدارية.

وزيد على هذا، الجزائر راهي تحاول تدفع أكثر نحو الذكاء الاصطناعي والأمن السيبراني، حتى أنه في 2026 تم إطلاق أول Cluster مخصص لهاذ المجالين !

وهنا تجي الحاجة لي تهمنا كـDevelopers 👀

كل Startup جديدة معناها احتياج لـ:

✅ Developers
✅ Mobile Apps
✅ Web Platforms
✅ Cloud
✅ Databases
✅ AI
✅ Cybersecurity
✅ APIs

يعني إذا كنت Developer في الجزائر، ماشي لازم تستنى شركة أجنبية باش تلقى فرصة في الـTech.

كاين سوق محلي راهو يتشكل قدام عينينا، والمهم هو تعرف وش هي المشاكل لي تحتاج حلول تقنية حقيقية.

والسؤال لي يطرح روحو:

هل الجزائر تقدر تخرج Startup تكنولوجية عالمية من قلب السوق المحلي؟ 🇩🇿🚀

27/09/2026

إيطاليا Decree Dignity : قانون يمنع تماماً أي إعلانات لشركات القمار والمراهنات في جميع وسائل الإعلام، ورعاية الأندية الرياضية.

بلجيكا فرضت حظراً شبه كامل على تسويق وإعلانات القمار على منصات التواصل، التلفزيون، والوسائط الرقمية.

وماذا عنا نحن...

25/09/2026

حاول تخلي في أسبوعك نهار واحد ترتاح فيه من فوضى مواقع التواصل والهاتف بصفة عامة.

ومليح يكون هذا النهار هو الجمعة. ❤️

دير فيه شوية صلة رحم، اقعد مع الوالدة والوالد، شوف صحابك، ديروا خرجة خفيفة، بدلوا الجو، جربوا بلاصة جديدة واهدروا بعيد على الشاشات.

وفي آخر النهار، خلي شوية وقت لروحك.

راجع واش جاز في أسبوعك، واش ربحت، واش قصرت فيه، وواش هي الحوايج لي مازال راك تسعى توصللها.

نهار واحد فقط تخرج فيه من الضجيج، يقدر يرجعلك بزاف حاجات كنت ناسيهم.

وقولي تجربة ديالك، تقدر نهار كامل بلا مواقع التواصل؟ وإذا نعم، كيفاش تحب تجوز هذا النهار؟ ❤️

ربي يقدرنا أجمعين.

24/09/2026

مصالح الدرك الوطني بوهران فككت شبكة إجرامية متكونة من 16 شخصاً، كانت تستهدف المواطنين عبر عمليات نصب مرتبطة بتطبيق بريدي موب، إضافة إلى إنشاء صفحات وهمية تنتحل صفة وكالات معتمدة لبيع السيارات والدراجات النارية.

والقصة هنا تخلينا نعاودو نفكروكم بحاجة مهمة: ما تعطي حتى واحد كود التحقق، كلمة السر، ولا معلومات البطاقة الذهبية مهما قالك شكون هو. حتى لو جاك باسم شركة، وكالة، بريد الجزائر أو أي جهة رسمية.

إذا واحد قالك: مدلي الكود اللي وصلك في SMS باش نكملولك العملية، هنا توقف مباشرة. ادخل فيه بدماغ 😅الكود هذا يقدر يكون هو المفتاح اللي يحتاجو باش يكمل عملية السرقة هاذيك تسمى موراها قول باي باي 👋 لاموالك🥱

23/09/2026

أفضل تطبيق في العالم Pinterest راه يجرب ميزة جديدة اسمها Restyle، والهدف تاعها تخليك تشوف كيفاش تقدر تبدل ديكور غرفتك بالذكاء الاصطناعي.

تقدر تختار صورة لغرفتك، ومن بعد تزيد عليها أثاث، لوحات وإكسسوارات، وحتى منتجات لقيتها على Pinterest، وتشوف كيفاش راح يبان كل شيء داخل نفس المساحة قبل ما تشريه.الميزة راهي متوفرة حالياً كتجربة في أمريكا وكندا، ومن المنتظر تتوسع لمستخدمين أكثر خلال الشهر.

يعني قبل ما تتحمس وتبدل ديكور غرفتك خلي Pinterest يوريك النتيجة أولاً !

22/09/2026

ونتا سجلت؟ 🇩🇿📱
مليون جزائري سجّلوا في Dzair Digital Services في أقل من 3 أشهر، والبوابة تجاوزت 5 ملايين زيارة منذ إطلاقها في جويلية.
المنصة تجمع خدمات رقمية من عدة قطاعات، من بينها الضرائب وفضاء الأولياء والوثائق الإلكترونية، بهدف تقليل الطوابير والتنقل والملفات الورقية.
لكن التسجيل وحده ما يعنيش بالضرورة استعمال يومي؛ النتيجة الحقيقية تبان مع توسع الخدمات وتحسن جودتها.

22/09/2026

تحتاج حاجة تروح لغوغل هذا لي كبرنا عليه لسنوات.

لكن اليوم جيل Z راه يبدل العادة لعمرها أكثر من 20 سنة.

اليوم بزاف شباب كي يحوسو على مطعم، منتج، مكان للسفر ولا حتى طريقة يديرو بيها حاجة، يروحو مباشرة لـTikTok أو Instagram.

يلقاو فيديو قصير يوريهم المكان، السعر، التجربة والنتيجة في دقيقة.

حتى غوغل اعترفت من قبل أن قرابة 40% من الشباب بين 18 و24 سنة، في بحثهم عن مكان للأكل، كانوا يبداو من تيك توك أو انستغرام.

بصح هذا ما يعنيش أن غوغل راهي تختفي.

الأرقام تبين أن الشباب مازالو يرجعولها بقوة كي يحتاجو معلومة دقيقة، خدمة محلية أو منتج تقني.

ونتا كي تحوس على مطعم ولا منتج جديد… أول تطبيق تفتحو شكون؟

21/09/2026

الـ iPhone 18 Pro Max بدا يهبط سعره في الجزائر بسرعة. 😅📱

في أول أيام دخوله للسوق، بعض العروض وصلت حتى حوالي 60 مليون سنتيم.

اليوم نسخة 256GB راهي تظهر عند عدة محلات بين تقريبًا 46.5 و48 مليون سنتيم.

يعني في أيام قليلة فقط، الفرق وصل في بعض الحالات حتى 13.5 مليون سنتيم.

ببساطة الكميات بدات تدخل أكثر، والمنافسة بين التجار بدات تصحح أسعار أول الأيام.

كيما كل عام، لي يشري أول واحد آخر هم ليه هو السعر لانو ولات القضية مجرد تفاخر وخلاص. 😅

Adresse

Algerie
Oran
31000

Téléphone

+213779141457

Site Web

facebook.com

Notifications

Soyez le premier à savoir et laissez-nous vous envoyer un courriel lorsque PayWise publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.