IDesign

09/12/2021

05/06/2021

08/02/2021

04/06/2020

04/02/2020

بوست طويل شوية لكن مفيد

ايه الميزة انك تعمل تصميم 3d لبيتك قبل متبدأ فى التشطيب؟!!
ناس كتير بتسأل السؤال دا، وشايفة أنها حاجة ملهاش داعى، ومصاريف وتكلفة ع القاضى!!!
طيب قبل مهجاوبك على السؤال دا هسألك شوية أسئلة ومن خلالها انت هتعرف إجابة سؤالك تلقائياً.

س: كم مرة فى حياتك بتشطب بيت؟!
ج: مرة أو مرتين أو تلاتة بالكتير قوى

س: هل فى المرات اللى سبقت وشطبت بيت عمرك عملت حاجة ورجعت ندمت انك عملتها؟!
ج: أيوة كتير جدا

س: كم ثمن المنزل أو الشقة اللى حضرتك عايز تشطبها؟
ج: كتير جدا، غالبا بتبقى تحويشة العمر.

س: هل وانت بتشطب بيتك قبل كدة قابلت عمال أو صنايعية قالولك اراء ونصائح وبعد ما خدت برأيهم اكتشفت أنهم كانو غلطانين وأفسدو حاجات كتير؟
ج: أيوة كتير جدا، وحتى لما رأيهم بيطلع صح فى حاجات، رأيهم بيفسد حاجات فى شغل الصنايعية اللى بعدهم.

س: هل عمرك احترت فى الوان حوائط أو ارضيات أو اثاث أو ستائر أو سجاد؟
ج: أيوة طبعا بحتار فى كل الحاجات دى.

س: هل عمرك اخترت حاجات حلوة جدا وغالية جدا، زى موبيليا وسيراميك وستائر وسجاد ودهانات، وكانو حلوين جدا، ولما كلهم اتجمعوا مع بعض طلع المنظر العام وحش جدا؟
ج: أيوة كتير حصلت معايا، بتبقى الحاجات كل حاجة حلوة لوحدها، ولما بيتجمعوا مع بعض بيكونوش لايقين.

س: هل بعد مبنخلص تشطيب وطلع الشكل النهائي مش عاجبك، هل بتعيد الشغل من اول وجديد ولا بترضى بالأمر الواقع؟
ج: غالبا برضى بالأمر الواقع، لأنى بكون دفعت دم قلبى ومش هقدر اعيد تانى.

س: هل عمرك اتعاملت مع صنايعى أو فنى وحسيت أنه بيضحك عليك او بيخدعك لأنك مش فاهم شغله؟
ج: أيوة كتير منهم بيكونش عندهم ضمير وانا مش بكوت فاهم فى شغلهم، عشان كدة كتير اتخدعت من ناس منهم

اخر سؤال معلش
س: هل ممكن تجيب سباك يصلحلك عربيتك، أو ميكانيكى يصلحلك حنفية المياه؟
ج: لا طبعا، لازم فى كل شغلانة ندى العيش لخبازه.

خلاص تمام كدة.
طبعا من خلال الاجابات دى عرفنا ايه فائدة أن يكون معاك تصميم من البداية، بتبقى عارف الشكل النهائي لكل بيتك قبل متبدأ، عمرك مهتحتار، عمرك مهتنفذ بند وبعدها تندم عليه، ولو فيه حاجة مش عجباك فى التصميم بتغيرها عادى بدون تكلفة اضافية، وعشان انت مش كل يوم بتشطب بيت، يبقى لازم تشطبه صح،
وصدقنى التصميم مبقاش رفاهية، بقى أهم من بنود كتير، ومهما كانت تكلفة التصميم عمرها مهتساوى تكلفة تشطيب غرفة واحدة وطلع شكلها وحش وندمت عليها.

ودى كانت إجابة السؤال اللى طرحناه فى الاول

البيت للتصميمات الهندسية و الديكور
لعشاق الفخامة و التميز.


#تصميم

03/02/2020