23/06/2026
واحدة من الحوايج اللي تزعزع خاطري نص الليل هي الذهاب وحيدة لسوق بلعلى 🛍✨️
كلش كاين و كلش متوفر ... اللي تشوفيها في التيليفون كامل تلقايها ثما
مايد إن شاينا في الgood ولا الباد gamme , لوريجينال الغالي
وحتى البضاعة المحلية اللي نصها كاملوت خاصة في الصبابيط ( عمري مالقيت صباط صنع محلي شكلو مناسب للأرجل 🤦♀️)
تلقاي الپلاكيور الغالي والرخيس وحتى الخضر والفواكه
في بلعلى التوت وينحيوه من الشجر يبيعوه في علب كي يكون وقتو 🫐
المفيد ...رحت ؛ شفت هاذاك القماش الملون اللي داروه يهبل تحسي روحك في الهند 🇮🇳
حوست حوست على خمار مالقيتش وليت شريت خمار كيما اللي كنت لابساتو
لبستو في الحانوت وخبيت خماري القديم 😁
كنت نحوس على صباط وپوشات يجيو معاه ماعرفتش نشري وخفت نختار حاجة ماتعجبنيش بعد خمس دقائق كيما صرا للخمار بعد ماخرجت من الحانوت 🤕
جيت على pâtisserie Romaine (أحسن پاتيسري في العلمة 🍰 🍰) كليت تاغتولات سيتخون شربت jus بارد شارجيت السكر مليح وروحت .
الحاجة الوحيدة اللي عجبتني في سوقي هذا لكل ودخلت قلبي هي هاذ الكرة اللي شريتها تشعل بالضوء باه نلعب بيها مع القطوط 🐈⬛🐈
👈 نتوما ثاني تصرالكم . تعجبكم الحاجة اللي شريتوها في الحانوت وكي تخرجو تندمو عليها ؟
و
