05/04/2023
كان يا مكان جازو عوام و تغير الزمان😥😥😥 و شي ما بقى كيما كان أنا من جيل ماما مسعودة و حديدوان نشفى على التلفزيون بلا ألوان 😰 نشفى البرامج تبدأ بقسما و تنتهي بالقرآن نشفى على قناة واحدة نحكموها ب لونتال نشفى على ميكيات سالي و سنان 😰 نشفى على رياض و " كل شيء ممكن"الله يرحمو نشفى على بلا حدود ضحكونا في سنين لحزان نشفى على الويكاند في الخميس و الجمعة كان نشفى على التلفزيون ما يمسوه غير الوالدين نشفى على ركن التعارف في الجورنان نشفى على السيارات كانو قلال في الطرقات نشفى على سوق الفلاح كل شيء علي لاشان نشفى على الحكومة جابت من لوسطرالي الخرفان🐑 نشفى على الزبدة كانت بالميزان نشفى على القعدات الزينة و اللهمة في سهرات رمضان نشفى على الكاسيطة و الويلكمان نشفى كيف كنا نقادرو و نحترمو الجيران😥 نشفى على بالون الشكارة تاع حليبو الجورنال نشفى كي كنا نلعبو الغميضة وقت التراويح نشفى على الكوكون كانو يديروه رجال😥 و القردون يرقدو بيه النسوان نشفى و نشفى و الذاكرة نسات النسيان كان يا ما كان جازو لعوام و تغير الزمن و شيء ما بقى كيما كان كل شيء يفنى ما يبقى غير "وجه الرحمان ". كان احلى زمان
