26/05/2024
XhAMIA BUHARA ME NË KRYE IMAMIN E SAJ MR. AMET EF. MEMETI NË VIZITË XHEMATIT TË XHAMISË SË KADRIT NË MENGEN
Dje, 25.05.2024, patëm kënaqësinë të mirëpresim në vizitë një grup të xhematit të xhamisë Buhara në Sulgen të Zvicrës me në krye Imamin e Xhamisë Mr. Amet ef. Memeti dhe kryetarin e xhamisë H. Ajvas Ameti.
Delegacioni që na vizitoi solli me vete shumën e premtuar natën e Manifestimit të tubimit të mjeteve për ndërtimin e xhamisë, gjithsej 15.000,00 franga zvicerane, duke e shtuar edhe stoli ari që vinin nga një motër besimtare anëtare e xhamisë Buhara.
Mysafirët e nderuar i pritëm në hapësirat e xhamisë së Dijanetit në Bad Saulgau.
Kryetari i Xhamisë hoxhë Adnan Abdiu falënderoi mysafirët për respektin e treguar dhe ndihmën e madhe që në fillimet e kësaj nisme, i dha fjalën për një fjalim përshëndetës Imamit të Xhamisë Buhara Mr. Amet ef. Memeti i cili uroi nismëtarët për këtë punë të madhe që e ndërmarrin duke lutur All-llahun për mbarësi dhe suksese, me shpresë se vizita e rradhës do jetë në xhaminë e re.
Pastaj vizituam parcelën ku do ndërtohet xhamia e re me lejen e Zotit, për të vazhduar më pas me një darkë të përbashkët.
Vlen ta theksojmë se Xhamia Buhara ka qenë xhamia e parë që ka përkrahur nismën e blerjes së parcelës së ndërtimit të xhamisë dhe është xhamia e parë që na viziton si xhemat në formë të organizuar.
All-llahu i shpërbleftë me çdo të mirë e ua shtoftë sukseset Imamit, kryesisë dhe xhematit. Shumë Faleminderit.
Me respekt Kryesia dhe Xhemati i Xhamis së Kadrit Mengen