PlattHuus

Moin! Bei uns dreht sich alles um Plattdeutsch: Projekte des Instituts für niederdeutsche Sprache,

05/09/2026

Twüschen Sommer un Harvst 🌞🍂

25/08/2026

De meeste Böker de wi hebbt, sünd ut dat 20. Johrhunnert. Un vaken geiht dat denn um Seefohrt, de egen Kinnertiet oder de Alldag. Aver de Sellschop verännert s*k un natürlich ok de Technologien, de wi bruken köönt. Un düsse Technologien hebbt s*k Henning Lühr, Kristina Lemmer un Reinhard Goltz ankeken. Manfred Schlösser hett de Biller dorto maalt 🖼

Dat hier is kien Wöörbook, dat is en Lexikon! Hier warrt Wöör as "Dropbox", "Vlog" oder "Messenger" verkloort 💻 Jümmers toeerst op H***h un denn op Platt. De Schriever:schen willt "einen Impuls für die digitalpolitische Disskussion über diese Probleme geben."

Dat Book is düt Johr bi de Kellner-Verlag rutkamen un köst 18€. De Link to dat Book gifft dat in den Story un denn in't Highlight "Schmökern" 📚

15/08/2026

An'n 23.08.2026 is bannig wat los in'n Snoor! Bi us gifft dat natürlich Böker (keen bruukt noch en Wöörbook ut Sleswig-Holsteen? 😂), aver ok en paar Möbels as Stöhl un Dischen. Kiekt eenfach vörbi, wi sünd von Klock 11 bit Klock 3 dor ☺️

11/08/2026

[WERBUNG Rezensionsexemplar]
Hüüt mal en beten was anners, mit en schöne Geschicht ☺️

Vör en paar Maanden hebb ik en Bidrag över Elfriede Heitkamp ut Rhee sehn. Se hett över ehr Verbinnen to Plattdüütsch snackt un vun ehr Böker vertellt. Denn hebb ik sehn, dat wi de Böker gor nich bi us in de Bökeree hebbt. Un mit ehr in Kuntakt to kamen weer gor nich so licht 😂 aver nu sünd de Böker ok bi us to finnen. Dree Stück hett se bit nu schreven un dat is is dat darde ut 2026.

Ok wenn dor steiht, dat dat Book nich as Kookbook bruukt warrn kann, gifft dat hier Rezepten. Un Geschichten. Un Geschichten un Rezepten. Un Billers dorto vun Claudia Kruthoff. Dor mutt man doch mal rinkieken!

06/08/2026

[WERBUNG Rezensionsexemplar]

Is dat een vun de dickst Böker, dat wi nu hebbt? Villicht. Aver dor steiht ok bannig wat binnen 📚

Dat gifft 26 Kapitels in't Book. Dat geiht denn vun de Utspraak vun Vokalen, över Wöör, na ganze Sätz, de wi för de Kommunikatschoon bruukt.

Kiekt wi us mal dat Kapitel "Dat Wedder" an. Dor hebbt wi toeerst en paar Wöör, also "Regen", "Wulken", "Sünn" un so wieder. Denn bruukt wi natürlich ok Verben as "dröög", "kolt" un "natt". Un wenn wi dann ok sülvst snacken wüllt, köönt wi ganz eenfache Sätz maken: "Dat blifft dröög", "Hüüt hebbt wi vele Wulken" ☁️

Also hier finnt Ji woll allens, wat Ji för Kommunikatschoon bruukt. Dat is ok nich blots en Lehrbook, man en "Handbuch für den praktischen Gebrauch der plattdeutschen Sprache" (S.2). Dat Book vun Hannes Frahm un Olaf Wolkenhauer köönt Ji direkt bi de Quickborn-Verlag bestellen, dat köst 16,80€. Anners geiht dat ok över de Bookhannel mit de ISBN: 978-3-87651-526-7. De Lenk finnt Ji ok in de Story un later denn in't Highlight "Schmökern" (fröher Bökereck).

# #

01/08/2026

[WERBUNG Rezensionsexemplar]

Kennt Ji Okke, de Uul🦉? Ne? He hölpt Kinners bi't Plattlehren. Un mit "Okke un de sünnerbore Dreeangel" leert man ok noch Noorddütschland kennen.

Worüm geiht dat hier?

Uul Okke dööst en beten as em wat op den Kopp fallt. En Stück Holt. Aver dat hett de Form vun en Dreeangel. He weet nich wat dat is, aver he hett veel Frünnen, de he fragen kann. Dor is to'n Bispeel dat Peerd ut Veern oder de Seehund ut Cuxhoben. Finnt he rut wat "de sünnerbore Dreeangel" is un wat dat mit de Elv-Werser Region to doon hett? 🤔

Dat köönt JI rut finnen, wenn Ji in't Book kiekt 😄 Nele Ohlsen hett dat Book schreven un Nadine Wulf hett de Biller dorto maalt. Köpen köönt Ji dat Book över de Landschaftsverband Stood oder ok mit de ISBN: 978-3-931879-83-9 för 5.95€ bestellen. De Lenk finnt Ji ok in de Story un later in't Highlight "Bökereck".

# #

25/07/2026

Wat wi so in de Böker finnt 😄 Vun Postkoorten (vun 1963!) över Breven bit Bestellschiens is allens dorbi 😍

Sehn bi: Stadtbibliothek Chemnitz

#

21/07/2026

Wi hebbt wedder Besöök hatt!
Schölers un Schölerschen vun dat Kippenberg Gymnasium in Bremen hebbt s*k dat INS mal nauer ankeken. Tosamen mit de Mestersche Lena Sophie Kettler un de Mester Lias Jonathan Menge hebbt de Kinner en Föhren dörch de Bökeree kregen, en Rallye un denn noch bannig veel Fotos maakt. Ut düsse Fotos hebbt se denn noch düsse schönen Plakaten maakt.
Velen Dank för Jo Besöök! 👋🏻

Hebbt Ji ok mal Lust vörbitokieken? Egal ob Kinnergoorn, Grundschool oder VHS-Kurs: Bi us lehrt Ji wat över Plattdüütsch, us Arbeid un natürlich un de Bökeree kennen. Mellt Jo eenfach hier oder per Mail ([email protected]), denn maakt wi en Termin 😊

18/07/2026

De Winners vun de Plattdüütsch Filmpries 2025/26 sünd 🎬
1. Kategorie: Grundschool Karlshöfen mit de Film "School fröher"
2. Kategorie: Ludgerusschule Rheen mit de Film "Mit Platt up Patt"
3. Kategorie: Matteo Wolff mit de Film "Appelkokendroom".
Ut ganz Neddersassen hebbt Kinners un junge Lüüd 12 Films inschickt, de all so verscheden weren: Theaterstück, Animatschoon, Interview oder Reportage. Dat weer bannig swoor för de Jury, de Priesen to vergeven. Danke an all Gruppen un Lüüd de mitmaakt hebbt 🥳

De ganzen Films vun de Winners finnt Ji bi YouTube. Dat geiht över de Lenk in de Story un anners över us Websiet 💻

14/07/2026

Vör en paar Weken hett mi Agnes anschreven, dat se en vun mien Berichten leest hett. Un dat se wat för de Bökeree hett. Hier hebbt wi nu "Boboline liebt die Menschen" 😄

Kennt Ji Mufflons? In düt Book geiht dat um en bestimmt Mufflon, Boboline heet dat. Un dat leevt twüschen anner Schaap 🐑 Boboline aver, will lever bi de Minschen leven un lehrt bannig veel över dat Leven vun de Minschen. As Boboline wedder torüch na de anner Schapen kaamt, löppt dat allens nich so recht...

Ok wenn de Titel h***hdüütsch is, de Text is op jeedeen Siet platt un h***h. Dat maakt dat Book togänglich för all Lüüd, de villicht ok noch nich so fit sünd mit Platt. Un dat gifft bunte Biller, maalt vun Monika Quast. Achteran warrt noch verklaart, wo de Wull vun de Schaap to'n Bispeel en Pullover warrt un dor is ok noch en Översetter vun Platt op H***h.

Dat Book köönt Ji direkt bi Agnes bestellen unner [email protected], dat köst 9,50€ + Versand. Un natürlich köönt Ji ok al bi us in't Book rinkieken ☺️

Adresse

Schnoor 41-43
Bremen
28195

Telefon

+49421324535

Webseite

https://ins-bremen.de/

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von PlattHuus erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.