PlattHuus

Moin! Bei uns dreht sich alles um Plattdeutsch: Projekte des Instituts für niederdeutsche Sprache,

16/06/2026

Dat hier is nix för de Plattpolizei! Seggt tominnst de "Triggerwarnen för Klookschieters" direktemang op de eerste Sied 😄

un snackt över Fründschop. Woans se s*k kennenlehrt hebbt, ehr Sicht op Fründschop un wat för Fründschoppen dat so gifft. Dat vertellt se twüschendörch denn so as en Dialog. As ob de Twee vör us sitt un eenfach so snackt. Un dormit wi ok mal sülvst en beten över us Fründschoppen nadenkt, gifft dat en paar lütte Fragen oder Upgaven. To'n Bispeel: "Ik hebb vun mien Fründ*innen so veel lehrt" oder "Wat maakt Fründschop för Di ut in dree Wöör?" 🤔

Dat Book is 2025 bi de rutkamen un köst 13,80€. De ISBN is 978-3-87651-519-9. De Lenk to dat Book finnt Ji denn wedder in de Story un later in't Highlight "Bökereck".

#

07/06/2026

[WERBUNG Rezensionsexemplar]
Lütt Mariken kennt Ji doch oder? 2017 keem de Utgaav vun rut, nu gifft't Book ok in Brannenborch Platt 👧

Ji hebbt hier kakelbunte Biller mit de plattdüütschen Naams, sogor ut twee verscheden Regionen: ut Prignitz un de Uckemark. To'n Bispeel seggt man denn in Prignitz "gäl" un in de Uckermark "jäl" 💛 oder "Tüffel" un "Nudl" 🥔 Dat gifft ok korte Sätz oder Leder soas "Schloap, Kinnchen, schloap".

De Verein für Niederdeutsch im Land Brandenburg e.V. hett dar Book rutgeven, fördert hett dat dat
Kiekt ok geern mal bi .huebner vörbi, se is de Bottschopperin för Nedderdüütsch in Brannenborch ☺️

Dat Pappbook hett 24 Sieden. Ji köönt dat Book direkt bi Christamaria Ruch bi de Verein bestellen. De Lenk dorto finnt Ji in de Story un denn later in't Highlight "Bökereck".

02/06/2026

[WERBUNG-Rezensionsexemplare]
Hüüt gifft dat ganze Reeg Böker. Mit "Keno & Neele" geiht dat op Tour dör de -husen Öörd in Oostfreesland 🚲

Keno un Neele maakt Radtouren to'n Bispeel vun Löppersum na Canhusen oder dör Suurhusen. Dorbi kiekt se s*k tosamen mit ehr Familie Öörd an, wo ehr Familie arbeidt oder upwussen sünd 👪
De beiden hebbt en grote Familie un de warrt denn jümmers an'n Anfang vun't Book vörstellt. Ok wiest se denn wat för en Tour se maakt.

De Böker köönt Ji bi de Vereen "De Plattproters e.V." ut de Gemeende Hint bestellen. Dat Plattdüütskbüro vun de hett de Böker översett.

27/05/2026

Eenfach schöön bi us ☺️

16/05/2026

Ik hebb Besöök hatt! Lorne Brandt ut Kanada hett mi in'n April besöcht ☺️
He is mit Plautdietsch upwussen un hett mi denn anschreven, dat he hier in Düütschland Urlaub maakt. Un dor wull he geern us Bökeree besöken. Wi hebbt us denn mal ankeken wat för plautdietsche Literatur wi so hebbt un bannig veel funnen. Butendem hett he un sien Dochter mi denn wat över Plautdietsch in Kanada vertellt. Un Lorne is sülvst ok aktiv mit Plautdietsch in Kanada.

Velen Dank för Jo Besöök leve Familie Brandt, kiekt geern wedder rin! 😊

Wenn Ji mal mehr över Plautdietsch weten wüllt, denn gifft dat to'n Bispeel en Plautdietsch Facebook Grupp, de Websiet Plautdietsch-Freunde.de un natürlich bi us Literatur 📚

12/05/2026

Hüüt wedder mal wat op H***h un op Platt. .momsen hett wat to vertellen. Toeerst op H***h un denn, bi de meesten Geschichten ok op Platt. Un dat gifft ok QR Codes to de Geschichten, de köönt Ji denn nochmal anhören 🎧

In't Book gifft dat to'n Bispeel de Geschicht "Eichhörnchen"/"Eekkatten", wo Werner mit en ole Fro över nadenkt wo Deerten denn olt warrt. En intressant Fraag oder? Un wat maakt de Deerten beter as Wi? 🤔

Düsse un noch mehr Geschichten över de Evolutschoon finnt Ji in't Book "Momsen, Tiere, Sensationen!" op 96 Sieden. Rutkamen is dat Book bi de un dor köönt Ji dat ok för 8,80€ köpen. De Lenk finnt Ji in de Story un later in't Highlight "Bökereck".

06/05/2026

Wenn dat echt mal so gut weer 😂 Siet de Artikel över de Bökeree un mi, hebbt wi so veel ne'e Böker kregen. Also vöral vele ole Böker. Aver en paar sünd ok ut dat 21. Johrhunnert 😄 Nu kiek ik allens dörch un stell de Böker in de Regalen. Un an de Vörstand: dat deit mi bannig leed, aver ik glööv dat warrt graad mehr Böker un nich minner. Ik weet ja dat ik utsorteeren schall (wi wüllt ja de Hüüs verkopen), aver ik kann doch nich Nee to Böker seggen 🫣

28/04/2026

Hüüt vör 8 Johr is Gerhard Diekelmann storven. He hett en paar Publikatschonen, en dorvun is "Max un Moritz up Platt" vun Wilhelm Busch. 2025 hebb ik "Max un Moritz uff Badisch" bi .arnstein
sehn un wull dat eh mal vörstellen. Passt doch hüüt perfekt ☺️
Kennt ji noch: "Dieses war der erste Streich und der zweite folgt sogleich."? Op Platt seggt Gerhard Diekelmann:
"Dat wier nu dat irste Stück
Man dat tweite kommt uck gliek."
Max un Moritz hebbt Generatschonen mit ehr dumm Tüüch ünnerhollen. Un dat dat ok op Platt so is, dat wiest Diekelmann hier.

Dat gifft verscheden Utgaven vun't Book. Düsse Utgaav gifft dat woll nich mehr, aver de hett en ISBN. Un villicht köönt ji dat Book denn noch finnen. De ISBN is: 978-3-933541-03-4. Rutkamen is dat Book 1998.

24/04/2026

"Hör mal 'n beten to" fiert 70 Johr 🥳
Lornz Lorenzen (NDR, 2026*) seggt: "[...] Mehr als zweieinhalbtausend plattdeutsche Geschichten sind seitdem** über -zumeist- meinen Schreibtisch gewandert." Dat sünd jo Tahlen... 😲
De Geschichten kann man jümmers online anhören (de Lenk finnt Ji in de Story) un dat hifft ok en paar Böker. To'n Bispeel en Sammeln vun "Geschichten aus 60 Jahren". "Hör mal 'n beten to" is allens. Lustig, wat to'n Nadenken oder eenfach twüschendör en beten wat op Platt. Dor is för jeedeen wat dorbi.
Höört geern mal rin 😊

*https://www.ndr.de/kultur/norddeutsche_sprache/niederdeutsch/70-jahre-hoer-mal-n-beten-to-viel-mehr-als-doentjes,hoermal-536.html

** He is siet 10 Johr för de Rubrik tostännig.

18/04/2026

Happy Release to 🥳
Ehr Book "Die Krabbenfischerin" is nu rut. Aver worüm stellt wi hüüt en hoochdüütschen Titel för? En paar Dialogen sünd op Platt 😍

Runa wahnt mit ehr Söhn Finn in Hamborg, ehr Familie in Krummhörn. As ehr Broder Peer en Unfall hett, fohrt se na Huus hen. Ehr Familie verköfft Krabben un de Betrief schall natürlich wiederlopen. Runa, Vadder Hauke, Süster Milla un Broder Torge wüllt dat nu mehr oder minner tosamen maken. Dat is aver nich so eenfach, wieldat se s*k nich jümmers eens sünd un se ja ok noch sülvst arbeidt. Kriggt se dat as en Familie hen? Villicht ok mit Hülp vun de anner Lüüd ut de Gegend?
De Geschicht speelt in Krummhörn. Schöne Landschoppen, Öörd de Ji villicht al kennt un unbestännig Wedder. Tyypsch Noordsee! 🌊

Un wi kunnen Danela sogor en beten hülpen. Se hett us fraagt, ob wi mal över den plattdüütschen Deel kieken köönt un dat hebbt wi natürlich maakt 😊

Dat Book is bi düsse Week rutkamen un köst 13€. Stütt geern Jo Bookwinkel, wenn Ji dat Book köfft, de freut s*k bannig. De Lenk finnt Ji denn wedder in de Story un later in't Highlight "Bökereck".

Adresse

Schnoor 41-43
Bremen
28195

Telefon

+49421324535

Webseite

https://ins-bremen.de/

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von PlattHuus erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.