20/01/2026
20 di Janeru – Gritu di Heróis Nasional 🇨🇻🙌
20 di Janeru ka é só un dia.
É ferida y orgulhu musturadu na nós alma.
É dia ki nha povo para, respira fundu.
y lembra kes omi grandi ki muda mundu.
Amílcar Cabral, konsiensia di un povu sofridu,
pensamentu fundu, kurason decididu.
El ka pega só arma, el pega palavra,
Palavra ki korta más fundu ki bala.
El mori, mas ka kaladu,
vivi na luta, na tera y na sangui diramadu.
Pedro Pires, fidju di fogo y kontinuidadi,
Pasu firmi, rostu limpu, sempri ku verdadi.
Na djera, na dor, na indipendensia,
el karega peso di nos speransa.
Na pas, na lideransa, na nason ,na mão,
el prova ma luta ka finda ku libertason.
És dos nomi é gritu, é juramentu,
é forsa ki ka mori ku tempu.
Es é raiz, é txon, é indentidadi
é kabu berdi di pé, ku dignidadi.
20 di Janeru é dia di ri y labanta kabesa,
dia di prometi ka traí nós promessa.
Amílcar Cabral y Pedro Pires, luz di nós kaminhu,
Heróis eternu, pa sempri pá nos futuru. 🇨🇻🔥
