Qendra Kulturore Langnau im Emmental

28/08/2026

Mos e lër namazin për nesër…

E nesërmja nuk është e sigurt për askënd. Nëse sot ke mundësi të falesh, fale namazin sot. Nëse ke mundësi të pendohesh, pendohu sot. Nëse ke mundësi t’i afrohesh Allahut, mos e shty për nesër.

Ndoshta ajo që mendon se do ta bësh nesër, nuk do të të jepet mundësia ta bësh kurrë.

Shfrytëzoje të sotmen, fale namazin në kohë dhe afrohu te Allahu, sepse jeta është e shkurtër, ndërsa takimi me Të është i sigurt.

21/08/2026

14/08/2026

Këshilla me vlerë!

Llukmani i urtë i tha djalit të tij:

• Nëse je në namaz, ruaje zemrën tënde.
• Nëse je në kuvende njerëzish, ruaje gjuhën tënde.
• Nëse je në shtëpitë e njerëzve, ruaje shikimin tënd.
• Nëse je në sofër, ruaje stomakun tënd.

Dy gjëra mos i kujto kurrë:
• Te keqen që njerëzit të kanë bërë ty.
• Të mirën që ti u ke bërë njerëzve.

Dhe dy gjëra mos i harro kurrë:
• Allahun. • Botën tjetër (Ahiretin).

30/07/2026

Takimi Vjetor me Diasporën

Imami Lulzim Miftari, së bashku me përfaqësuesit e Xhamisë Langnau im Emmental, morën pjesë në Takimin Vjetor me Diasporën, të organizuar nga Bashkësia Islame e Kosovës, i cili u mbajt në ambientet e Medresesë së Mesme “Alauddin” në Prishtinë.

Në këtë takim morën pjesë Myftiu i Kosovës, Naim ef. Tërnava, ministri në detyrë për Punë të Jashtme dhe Diasporë, z. Glauk Konjufca, drejtori i Diasporës në Kryesinë e Bashkësisë Islame të Kosovës, Ekrem ef. Simnica, si dhe përfaqësues të xhamive, qendrave dhe unioneve islame shqiptare nga vende të ndryshme të Evropës dhe Shtetet e Bashkuara të Amerikës.

Takimi shërbeu si një mundësi e mirë për forcimin e bashkëpunimit, shkëmbimin e përvojave dhe diskutimin e sfidave në organizimin e jetës fetare në diasporë. Përfaqësuesit e komuniteteve islame shqiptare ndanë përvojat e tyre dhe vlerësuan rëndësinë e bashkëpunimit të vazhdueshëm me Bashkësinë Islame të Kosovës.

Lusim Allahun e Madhëruar ta begatojë këtë bashkëpunim, ta forcojë unitetin tonë dhe ta pranojë angazhimin e të gjithë atyre që shërbejnë për fenë dhe komunitetin. Amin.

03/07/2026

E Premtja – dita e mëshirës dhe pranimit të lutjeve

Dita e Xhuma është një dhuratë e veçantë nga Allahu. Në të gjendet një çast i bekuar në të cilin lutjet e besimtarit pranohen. Le ta shfrytëzojmë këtë ditë me namaz, dhikër, salavate mbi të Dërguarin ﷺ dhe dua të sinqerta.

I Dërguari i Allahut ﷺ ka thënë:
"Në ditën e Xhuma është një çast; nëse një rob musliman e arrin atë duke u falur dhe i kërkon Allahut diçka, Allahu do t'ia japë."

Allahu i pranoftë lutjet tona dhe na bëftë prej atyre që e shfrytëzojnë bereqetin e ditës së Xhuma. Amin.

26/06/2026

Kur zemra e kupton se çdo gjë është me caktimin e Allahut, shqetësimi zëvendësohet me qetësi.
Bëje shkakun, lutu me sinqeritet dhe mbështetu tek Allahu. Ajo që është shkruar për ty do të vijë në kohën më të mirë, sepse Allahu nuk vonon kurrë pa urtësi dhe nuk privon robin e Tij pa një të mirë më të madhe.
Ai është Më i Urti dhe Më i Mëshirshmi.

,,Dhe nuk ka asnjë gjallesë në tokē, që Allahu tẽ mos ia ketẽ garantuar furnizimin e saj." (Surah Hud, 11:6)

22/06/2026

Familja Rrahimi-Hyda kërkon ndihmë për kërkimin e Tian Rrahimit 5 vjeçar të zhdukur në Zvicër

Me dhimbje të madhe ju njoftojmë se familja Rahimi-Hyda po përballet me një ngjarje tepër të rëndë. Të shtunën, në Mühlau (Aargau, Zvicër), 5-vjeçari Tian Rahimi u zhduk në lumin Reuss, pas një aksidenti me barkë dhe ende nuk është gjetur.
Sot është dita e tretë e kërkimeve. Përveç ekipeve zyrtare të shpëtimit, familja bën thirrje për çdo person që dëshiron të ndihmojë vullnetarisht në kërkimet për Tianin.
📞 Për t'u bashkuar në kërkime ose për çdo informacion, ju lutemi kontaktoni në numrin:
+41762809049
+41788802887
Çdo ndihmë, mbështetje dhe lutje ka rëndësi për familjen Rahimi-Hyda në këto momente shumë të vështira.
🤲 Lutemi që Tiani të gjendet sa më shpejt

17/06/2026

Kur te mbyllen dyert ne jete, aty nuk eshte fundi, mbase Zoti po te ruan.

12/06/2026

Vëllezër të nderuar!

Në kohën tonë njerëzit kanë nevojë më shumë se kurrë për sinqeritet. Në familje, në punë, në tregti dhe në marrëdhëniet mes njerëzve. Besimtari duhet të jetë shembull i ndershmërisë dhe besnikërisë.
Takvaja dhe sinqeriteti janë të lidhura ngushtë me njëra-tjetrën. Kur njeriu e ndjen se Allahu e sheh në çdo moment, ai largohet nga harami dhe përpiqet të bëjë vepra të mira.

Prandaj, le të përpiqemi që zemrat tona të jenë të pastra, fjalët tona të jenë të vërteta dhe veprat tona të jenë vetëm për hir të Allahut.

Lusim Allahun e Madhëruar të na bëjë prej robërve të sinqertë, të na forcojë në rrugën e drejtë, të na falë mëkatet tona, të na ruajë familjet tona dhe të na dhurojë sukses në këtë botë dhe në Ahiret.
Amin.