Qendra Kulturore Langnau im Emmental

01/06/2026

Kur Zoti te largon nje person, mund te jete shkak qe te shpëtoje jeten tende!

29/05/2026

Durimi shtylla e fesë Islame !

“Nëse duroni, padyshim që kjo është më e mira (rrugë) për të durueshmit.” Nahl: 126.

Allahu ua ka bërë të qartë robërve të Tij se durimi është zgjedhja më e mirë që mund të bëjnë, madje këtë e ka sjellë në trajtë betimi në mënyrë që askush të mos dyshojë për saktësinë e këtij pohimi:

27/05/2026

Urime Festa e Kurban Bajramit!

Xhamia Langnau im Emmental ju uron të gjithë besimtarëve dhe familjeve tuaja paqe, shëndet, begati dhe harmoni në këtë festë të bekuar.
Allahu i pranoftë lutjet, kurbanët dhe veprat tuaja të mira.

Eid Mubarak!

Die Moschee Langnau im Emmental wünscht allen Gläubigen und ihren Familien ein gesegnetes Opferfest voller Frieden, Gesundheit, Freude und Segen.
Möge Allah eure Gebete und guten Taten annehmen.

26/05/2026

- NJOFTIM PËR FALJEN E NAMAZIT TË BAJRAMIT -

Të nderuar vëllezër besimtarë,

Ju njoftojmë se falja e Namazit të Bajramit do të bëhet ditën e mërkurë në Xhaminë Shqiptare në Langnau.

Ju ftojmë përzemërsisht që të merrni pjesë në këtë ditë të madhe gëzimi, falënderimi dhe adhurimi, që së bashku ta madhërojmë Allahun dhe ta ndajmë gëzimin e Bajramit me njëri-tjetrin.

Le të jetë kjo ditë një mundësi për lutje, bashkim dhe vëllazëri mes nesh.

Mirë se vini dhe Bajrami qoftë i bekuar për ju dhe familjet tuaja!

Me respekt,
Xhamia Langnau

25/05/2026

Dita e Arafatit – Thirrje për Agjërim dhe Reflektim

Mos e humbni këtë ditë të madhe dhe të bekuar! Agjërimi i Ditës së Arafatit është mundësi për faljen e mëkateve të vitit të kaluar dhe atij që vjen.

Le ta shfrytëzojmë këtë ditë me agjërim, dua, istigfar dhe pendim të sinqertë. Le t’i afrohemi Allahut më shumë dhe ta pastrojmë zemrën tonë me ibadet.

“Agjërimi i Ditës së Arafatit shlyen mëkatet e vitit të kaluar dhe të vitit që vjen.” (Muslim)

Me respekt,
Xhamia Langnau

24/05/2026

Sot patëm kënaqësinë dhe nderin të jemi për vizitë në Xhaminë Shqiptare në Tafers, Fribourg.

Kjo vizitë kishte për qëllim njohjen nga afër me xhaminë e re, gëzimin për këtë arritje të rëndësishme të vëllezërve tanë, si dhe hedhjen e hapave të parë drejt një bashkëpunimi të sinqertë dhe vëllazëror mes xhamive tona.

Një emocion i veçantë i kësaj vizite ishte fakti që Imami ynë kishte shërbyer në këtë xhami gjatë vitit 2013, dhe ishte një kënaqësi e madhe që pas shumë vitesh të rikthehej përsëri dhe të bashkohej me këtë xhemat të dashur, këtë herë në një vizitë vëllazërore dhe plot respekt.

Ishte një takim i mbushur me mikpritje, dashuri dhe ndjenja të bukura islame, ku u forcuan lidhjet e vëllazërisë dhe u shpreh dëshira e përbashkët për bashkëpunim në të mirë të xhematit dhe komunitetit tonë.

Lusim Allahun xh.sh. ta bekojë këtë xhami të re, ta mbushë me dritë, iman dhe bereqet, dhe ta bëjë këtë takim fillim të shumë bashkëpunimeve dhe lidhjeve të forta mes nesh.

Falënderojmë përzemërsisht Xhaminë Shqiptare në Tafers për mikpritjen e ngrohtë dhe Allahu na bashkoftë gjithmonë në rrugë të hajrit.

Me respekt,
Xhamia Langnau

22/05/2026

XHUMA MUBAREK

Sot, në këtë ditë të bekuar të Xhumasë, ndërsa po afrohemi drejt Kurban Bajramit, le ta kujtojmë domethënien e madhe të sakrificës dhe bindjes ndaj Allahut.
Allahu i Madhëruar thotë:
“Andaj falu për Zotin tënd dhe prej kurban!”
(Suretu El-Kevther, 2)
Kurbani nuk është vetëm një therje, por është ibadet, devotshmëri dhe solidaritet me ata që kanë nevojë.
Allahu thotë:
“Tek Allahu nuk arrin as mishi e as gjaku i tyre, por tek Ai arrin devotshmëria juaj.”
(Suretu El-Haxh, 37)
Pejgamberi a.s ka thënë:
“Nuk ka vepër më të dashur tek Allahu në ditën e Kurban Bajramit sesa therja e kurbanit.”
Le ta shfrytëzojmë këtë Xhuma për: pendim dhe lutje të sinqertë
-përgatitje shpirtërore për Bajram
-nijet për therjen e kurbanit
- kujdes për familjet në nevojë
Allahu na pranoftë ibadetet, kurbanet dhe lutjet tona.
Xhuma të bekuar dhe Allahu ua bëftë të lehtë çdo sakrificë për hir të Tij!

15/05/2026

Xhuma të begatë !

Një nga sprovat më të mëdha të kohës sonë është humbja e moralit dhe largimi nga familja.
Respekti ndaj prindërve po dobësohet, lidhjet farefisnore po këputen, ndërsa zemrat po mbushen me smirë dhe xhelozi.

10/05/2026

08/05/2026

Urime dita e më e begatë e javës (Xhuma)

Ajeti i sures Huxhurat 13, na mëson se të gjithë njerëzit janë të barabartë, sepse janë krijuar prej një mashkulli dhe një femre. Popujt dhe fiset janë bërë që njerëzit të njihen dhe të respektohen mes vete, jo të urrehen. Tek Allahu, më i vlefshmi nuk është ai me pasuri apo prejardhje, por ai që ka më shumë devotshmëri dhe moral të mirë.