Wie lautet die Website?

Jodlerklub Ins

Startseite
Schweiz
Ins
Jodlerklub Ins

Wegbeschreibung Website Service kontaktieren

„Zäme singe und jutze" hiuft mängem, d'Alltagssorge für ne Momänt z vergässe u hinger sich z lah. "Lideschaft - Kameradschaft - Gselligkeit - Läbesfröid"

26/09/2026

Ou ir Feriezyt wird bi üs probet... Es gschrumpfts Chörli zwar ar gestrige Prob, aber es isch sehr effiziänt a de Konzärtlieder vom Chilchekonzärt vom Sunntig, 25. Oktober gschaffet worde, d'Stimmig entsprächend fröhlich...

16/09/2026

E alti Tradition bi üs ds Ins: am Bättag-Sunntig gits feine Härdöpfuchueche us em Ofehuus zum Gniesse vor Ort oder Verchouf über d'Gass (bitte eigets Transportböxli mitbringe).
Dr Jodlerklub Ins fröit sich uf Öie Bsuech...

10/09/2026

Was für e grandiosi Überraschig a üsere gestrige Singprob: Dr nöi gründet 𝗙𝗮𝗻𝗰𝗹𝘂𝗯 𝘃𝗼𝗺 𝗝𝗼𝗱𝗹𝗲𝗿𝗸𝗹𝘂𝗯 𝗜𝗻𝘀 isch üs cho bsueche... Entsprächend kleidet mit de äxtra agfertigte T-Shirts, gsponsoret vo üsem liebe Jodlerkamerad René Witschi vor Garage Witschi AG in Müntschemier.
Es eimaligs Souvenir vom Eidgenössisches Jodlerfest Basel 2026 hei sie de ou no für üse sehr engagiert u gschetzt Präsi Pascal Occhini mitbracht...
Mir si überwältiget u danke ganz härzlich 👏🫶

06/09/2026

Mir danke am Jodlerklub Zytröseli Studen BE u allne Hälferinne u Hälfer ganz härzlich für das perfekt organisierte Seeländer Jodlerträffe 2026. Ds Ässe isch sehr fein gsi u mir hei dr Tag zäme mit üsne Seeländer Jodlerkameradinne u -kamerade sehr gnosse...
Im Video dr JK Ins mit em Naturjutz "Im Himmurych" komponiert vor Daria Occhini Musikalischi Leitig René Voramwald

04/09/2026

Mir si sehr stolz, dass mir uf dr erste Solo-CD vo üsere Jodlerin Daria Occhini mit em Naturjutz "Im Himmurych" dörfe derbi si. D'CD-Ufnahme si die Wuche im Konzärtsaal vom Kulturzäntrum ds Bellmund gmacht worde. Dä Naturjodel isch vor Daria sälber komponiert und am Jodlerklub Ins gwidmet worde...
Live ds ghöre dä Samstig, 5. Septämber 2026, ab 11.00 Uhr am Seeländische Jodlerträffe ir Aula am Längackerwäg ds Studen.

Zytröseli Studen BE

23/08/2026

Im zouberhafte Garte vom Albert-Anker-Huus ds Ins hei mir hüt Morge dörfe dr ökumenisch Gottesdienst musikalisch umrahme.
Ou für üs es bsungers Erläbnis üser Lieder u Jutze i däm gschichts- u kunschtträchtige Ambiente dörfe vortstrage u de Wort vom Albert Anker sim Ururenkel, em Pfr. Matthias Brefin, zuedslose.

22/08/2026

Super Stimmig ar Geburtstagsfiir zum runde Geburtstag im Event-Lokal Pont de Thielle geschter Abe... 🎉
Mir gratuliere Dir, liebe "Snüf", no einisch ganz härzlich, üsi beschte Wünsch sölle Di i ds nächste Läbesjahr begleite u viele Dank, dass mir das bsundere Fescht mit paar Lieder u Jutze hei dörfe umrahme...

02/08/2026

E besinnlichi, schöni u gmüetlichi 1. Ouguscht Fiir gester Abe uf em St. Jodel... Mir danke dr Bevölkerig vo Ins und Umgäbig, wo so zahlrich erschine isch, ganz härzlich... D'Warteschlange vor em Büffet isch läng gsi u d'Feschtwirtschaft isch fei i ds rotiere cho... trotzdäm hets no Platz gha für paar Lieder... 😃

19/06/2026

32. Eidg. Jodlerfest Basel
vom 26. bis 28. Juni 2026:
D'Vorträg vom Jodlerklub Ins u üsne Chliformatione i dr nachfolgende Übersicht.
Chömet cho luege u lose, mir fröie üs ganz fescht...
❤️‍🔥

21/04/2026

E bsungers emotionale u unvergässliche Momänt a üsne beide vergangene Früehligskonzärt: Uruffüehrig vom Naturjodel "Im Himmurych", wo üsi Jodlerin d'Daria Occhini komponiert und am Jodlerklub Ins gwidmet het. Dr Name nimmt ganz konkret Bezug uf d'Heimat vom Jodlerklub: ds Probelokal, wo mir jede Mittwuch Aabe tüe probe heisst
"Himmurych". Mir si töif berüehrt u sehr dankbar...

Adresse

Ins
3232

Website

http://www.jodlerklub-ins.ch/

Benachrichtigungen

Erfahren Sie als Erste/r von Neuigkeiten und Aktionen: Wir schicken Ihnen eine E-Mail, wenn Jodlerklub Ins etwas veröffentlicht. Ihre E-Mail-Adresse wird für keinen anderen Zweck verwendet, und Sie können sich jederzeit abmelden.