Was ist die Webseite?

Jodlerklub Ins

Startseite
Schweiz
Ins
Jodlerklub Ins

„Zäme singe und jutze" hiuft mängem, d'Alltagssorge für ne Momänt z vergässe u hinger sich z lah. "Lideschaft - Kameradschaft - Gselligkeit - Läbesfröid"

21/04/2026

E bsungers emotionale u unvergässliche Momänt a üsne beide vergangene Früehligskonzärt: Uruffüehrig vom Naturjodel "Im Himmurych", wo üsi Jodlerin d'Daria Occhini komponiert und am Jodlerklub Ins gwidmet het. Dr Name nimmt ganz konkret Bezug uf d'Heimat vom Jodlerklub: ds Probelokal, wo mir jede Mittwuch Aabe tüe probe heisst
"Himmurych". Mir si töif berüehrt u sehr dankbar...

19/04/2026

Es git eifach nüt schöners... ❤️‍🔥
Chli wehmüetig, aber d'Härze voll mit wunderschöne Tön u grosser Dankbarkeit luege mir uf zwöi phantastischi Konzärt zrügg.
Mir danke vo Härze allne Konzärtbsuecherinne u -bsuecher u vor allem ou üsne tröiie Hälferinne u Hälfer u allne, wo üs im Hingergrund ungerstützt hei...
Liebi Appizäller Muldeschuppel, es isch wunderschön gsi mit Öich, merci viumau, dass Dir üse Konzärtabe mit Öiine Zäuerli so grandios bericheret heit... ❤️‍🔥

18/04/2026

Erste Teil vo üsne Früehligskonzärt gester Aabe. Schlussbouquet zäme mit de Toggeburger Metle Musig "Aabestärn" vom André von Moos.
Hüt zwöite Teil mit dr Gastformation "Muldeschuppel" us em Appizäll Userrhode... Es abwächsligsriichs Programm mit viu Zäuerle... ❤️‍🔥

16/04/2026

Voller Vorfröid... ❤️‍🔥

28/03/2026

Es abwächsligsrichs Programm erwartet Öich u mir fröie üs uf Öie Bsuech...
Fritig, 17. u Samstig 18. April 2026, Türöffnig 18.30 Uhr

14/03/2026

E emotionale Momänt gester Abe im Alterszäntrum Ins: Mir hei dörfe am Hans Schmocker mit eme Überraschigsständli zum 90. Geburtstag gratuliere. Dr Hans isch ds einzige no läbende Gründigsmitglied, wo am 27. Januar 1960 dr Jodlerklub Ins het ghulfe gründe...
Dr Jubilar het es sich nid lo näh, dr Begleitjutz zum Beichle Jutz mit üs zäme ds singe... ❤️‍🔥

21/02/2026

Mit eme spontane Überraschigsständli hei mir hüt üsem 1. Bass-Sänger Martin Ritter zu sim 80. Geburtstag dörfe gratuliere...
Liebe Martin, mir wünsche Dir witerhin ganz gueti Gsundheit u viu Fröid bim zäme singe u jutze...

15/02/2026

Die bärnischi Jodlerfamilie het sich gester Abe ds Schwarzebach/Huttwil troffe und ime festliche u würdevolle Rahme zahlrichi Ehreveterane und Veterane chönne ehre.
Mir gratuliere üsem 2. Bass-Sänger Martin Graf ganz härzlich zu sire verdiente Ehrig zum Veteran vom EJV.

31/01/2026

65. Houptversammlig vom Jodlerklub Ins gester Abe im Inforama ds Ins.
Mir hei dörfe uf es sehr bewegends u berichernds Vereinsjahr zrüggluege, mit üsem Uftritt i dr Schwingerarena am ESAF 2025 ds Mollis als Höhepunkt.
Näbst angere Mitglieder hei mir dörfe üse Presi, dr Pascal Occhini, für 30 Jahr JK Ins ehre... Ganz härzliche Dank, liebe Päscu, für Di unermüedlich Isatz für e Verein, mir fröie üs uf ds 2026...

15/01/2026

Gmüetliche 2. Teil im "Rössli" nach ere glungene Schnupperprob...
Härzliche Dank allne, wo si cho ineluege u scho wacker mitgsunge hei... 🙏 Mir hoffe, dass dr Funke überegsprunge isch u würde üs sehr fröie, dr eint oder anger ou witerhin a üsne Singprobe ds gseh... ❤️‍🔥

08/01/2026

Schnuppersinge nächste Mittwuch, 14. Januar, 19.45 Uhr, Musigsaal Himmurych, Räbstockwäg 15, Ins.
Mannestimme i allne Stimmlage si härzlich willkomme... Mir fröie üs...

Adresse

Ins
3232

Webseite

http://www.jodlerklub-ins.ch/

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Jodlerklub Ins erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.