Fids - Fescht in da Steina

Startseite
Schweiz
Churwalden
Fids - Fescht in da Steina

Ds fids - Fescht in da Steina findet vum 8.-10. August in Churwalda statt. Es isch schu dia 5.

Usgab und das möchtemer mit eu fiira!💛

Dr Ticketverkauf het schu gstartet…gschwind zuaschlo und a guati Ziit mit guata Lüt und guater Musik verbringa!🕺🏻🪩💃 Weitere Informationen: https://verein-signatur.ch/index.php/events/openair-fids/
Ticket kaufen: https://eventfrog.ch/de/p/festivals/weitere-festivals/fids-fescht-in-da-steina-6901584124352905915.html

23/08/2026

Gsehsch ir Fundgruaba öpis wo diar ghört? Schriib üs a DM😊

08/08/2026

Dia wichtigsta Infos uf einem Fleck💛

01/08/2026

Zahla kamma bi üs mit Bargeld und Twint. Es kann sie, dass ds GKB-Twint am Fids- Wuchaendi Wartigsarbeita het. Drum empfehlemer allna Twint-Nutzer*inna en Notbatza dabi ds ha. Fallsmer meh dazua wüssend, tüamer eu natürli informiara.

📸 Fotografie & Videografie

01/08/2026

Miar hend alli unterschiidlichi Vorussetziga und finanzielli Möglichkaita – drum setzemer am fids uf Richtpriisa. Mitem Richtpriis sind im Schnitt d Kösta vum Festival deckt und miar machen langfristig kai Gwünn damit.

Dr Richtpriis diant als Orientiarig. Z Zahla funktioniart solidarisch:
Wärsch froh, weniger als dr Richtpriis ds geh – zahl weniger. Fallsd kasch und magsch – zahl meh und unterstütz so anderi.
Das Modell lebt vu Vertraua und gegasiitiger Solidarität. Gmeinsam ermöglichend miar so as Festival, wo für alli zuagänglich isch und fair mit Bsuacher:inna, Künstler:inna und Helfer:inna umgoht.

31/07/2026

Miar werdend währetem Ufbau und Festival regelmässig Infos, Fotis und Videos uf Instagram posta. Folg üs und bliib ufem Laufenda.

Seeehr gern töffsch üs au bi dina Biträg und Stories markiara oder benutza. Das wär schampar kuuhl!!

Möchtisch nit in da Posts und Stories erschiena? Denn meld das bim Hallostand bi dinra Akunft.

📸 Fotografie & Videografie

31/07/2026

Bi üs wird diar nia langwiilig!
Am Samstig stot diar vu 13:30-15:30 folgendes Programm zur Uswahl:
- PubQuiz
- Spikeballturniar
- Outdoorgames wia 15/14, Gummitwist odr uf was au immer d Gruppa gad Lust het.

Und au ds Karaoke-Equipment isch das Joor wiider mit dabi, wo iar vor und zwüscha da Konzert euri Liablingsliader ussaschmettera könd.🎤

Bring doch no dini Liablingsspiili, Bäll, Farbstift, Ukuleles, Puzzle oder suschtiga bruchbara Huusrot mit.

📸 Fotografie & Videografie

31/07/2026

Miar hoffend nartürli stark, dass üs d Sunna währetem Fids mit ihrer Awesaheit beglückt und iar währetem Fids au folgendes könnd unterneh:

Freibad Churwalda:
Wenner euri Badsacha dabi hend könnder eu ihm Freibad ds Churwalda für 7.- go abküahla.

H2Lai:
Im H2Lai kasch für 13.- ins Hallabad oder du losches diar für 32.- im Wellness guat go.

Au dr Heidsee isch en beliabta Ort zum sich erfrüscha, es Glace gnüssa oder mitem Pedalo d Insla erkunda.

Wandera:
Tatsächlich hend sich schu dia eint oder andera Festival-Gäst am Morga früah usem Schlofsack gschellt und a richtigi Wanderig in da schöna Bünder Berga unterno. D Routa-Uswahl isch riisig! Und da Kater ussaschwitza isch garantiart ;)

📸 Fotografie & Videografie

30/07/2026

Ds Feschtgländ isch vum 7. August am 16:00 bis am 9. August am 16:00 offa. Bim Hallo-Stand kriagender eura Festival-Bändel und alli wichtiga Infos. Bringend en amtlicha Uswiis (ID, Füahreruswis, ect.) mit, damit miar ds Alter könnd prüafa.

Dr Hallo-Stand het wia folgt offa:
Friitig: 16:00-19:00
Samstig: 11:00-18:00

Reisisch usserhalb vu den Ziit a? Denn meld di direkt ar Bar.

📸 Fotografie & Videografie

30/07/2026

Fallst doch mim Auto kusch:
Parkplatz Schiba: Parkiar do, wennd über Nacht am fids blibsch. Döt hets öpa 20-30 Parkplätz, je nochdem wia guat parkiart wird. Dr Parkplatz isch gratis und es töff über Nacht parkiart werda,

Parkplatz Ried: Parkiar do, wenn du da Tag dura am fids bisch. Deh isch au gratis, het aber as Nachtparkverbot vu 00:00-06:00.

❗️Bim Gmeinschaftsstall Churwalda hets kai Parkplätz ❗️

(Falls du weder d Strecki vum ÖV no vum Parkplatz in Churwalda us bewältiga kasch, meld di bitte per Mail an [email protected] bi üs, denn findemer a Lösig!)

Adresse

Verein SigNatur
Churwalden
7075

Webseite

https://fids-openair.ch/, https://eventfrog.ch/de/p/festivals/weitere-festivals/fids-fescht-in-da-steina-2025-7267629324

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Fids - Fescht in da Steina erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.