dr Glaibasler

02/07/2026

Für d Kranggekasse zahle mir immer meh
au für d Mehrwärtschtür jä das duet weh
für d AHV schaffe mir mit 70 denn no aa
das alles für so Rageete vo dr USA

25/01/2026

04/12/2025

D’ Vorwiehnachtszyt die isch jetz doo
ych bi do drüber wirgglig nit immer froh
in de Läde wird dr Stess so langsam groos
au in dr Stadt do isch ainiges scho loos
me isch nervös und gstresst no schnäll
und bruucht no Gschänggli hösch jä gäll
au in dr Clique isch d Freud jetz wägg
my Sujet und s Goschtüm isch e drägg
e Marsch muess ych no lehre hösch in Rueh
doch ych bi fuul und ha jetz anders z’due
my Drooscht do drüber bin ych wirgglig froh
will vylne goot’s doch in däre Zyt jo au esoo
drumm erinneret euch doch als guete Root
um was es aigentlig an dr Wiehnacht goot