Dr Värslibrinzler

Dr Värslibrinzler Uff dääre Syte findsch ab sofort, regelmäässig gryymti Wort.

Bassend zu dr WM wirbt dr Xhaka jetzt für Denner.Die Wäärbig mit em Terence Hill entwigglet sich zem Renner.Dr Wäärbedea...
04/06/2026

Bassend zu dr WM wirbt dr Xhaka jetzt für Denner.
Die Wäärbig mit em Terence Hill entwigglet sich zem Renner.

Dr Wäärbedeal vom Breel, dä wird zimligg sicher gwaltig.
Er wirbt scho bald für Aier. Aber nur uss Boodehaltig!

S Spiil isch duure, dr Draum isch blatzt. Es wird nüt uss em Titel.Unsri Jungs hän kämpft und bisse in jeedem vo de Drit...
31/05/2026

S Spiil isch duure, dr Draum isch blatzt. Es wird nüt uss em Titel.
Unsri Jungs hän kämpft und bisse in jeedem vo de Drittel.

Mängsmool wirsch für Flyss beloont, mängsmool laider nid.
Euer Land stoot hinter euch und lyydet mit euch mit.

So Niiderlaage forme di, au wenn si fescht dien schmäärze.
Mir sin fuurchtbaar stolz uff euch und dangge euch vo Häärze!

An de Enhanced Games derf me Doping bruuche. S Ergääbnis isch durchzooge.Es wird nur ai Rekord uffgstellt, drotz de vyyl...
25/05/2026

An de Enhanced Games derf me Doping bruuche. S Ergääbnis isch durchzooge.
Es wird nur ai Rekord uffgstellt, drotz de vyyle Drooge.

E Griech schwimmt sich zem Wältrekord dangg Trenbolon und Testokur.
Im Ruggwärtsruedere git’s nüt neus. Dert fiehrt no immer d Föönfrisur.

Dr Summer isch jetzt äntlig doo und s Timing isch perfäggt.Drei Daag frei und d Sunne schyynt. S isch fascht wie im Pros...
23/05/2026

Dr Summer isch jetzt äntlig doo und s Timing isch perfäggt.
Drei Daag frei und d Sunne schyynt. S isch fascht wie im Proschpäggt.

Y zieh am Strang vom Raasemaiher, und riss en uss em Schloof.
Dr Moscht für dää isch grausaam dyyr. Y hool mer glaub e Schoof.

S Bier stoot kalt und s Buech baraat. Ka d Sunne kuum erwaarte.
Schalt s Natel gschwind in Flugmodus und hau my denn in Gaarte.



Helge📸:

Die Deggelhalterig am PET macht zimligg alli schyssig.Doch ych bi se am sammle. Y ha scho fümfedryssig!Glyy duen y se ve...
16/05/2026

Die Deggelhalterig am PET macht zimligg alli schyssig.
Doch ych bi se am sammle. Y ha scho fümfedryssig!

Glyy duen y se verkaufe! So wird y ryych wie sau!
S brucht nur no bitzli Marketing! Bi Swatch klappt das jo au!

Dä Eurovision Ööstryychsong, de wirggt scho sehr verdraut.Böösi Zunge bhaupte scho, dä heig me vo uns klaut.D Swarovski ...
13/05/2026

Dä Eurovision Ööstryychsong, de wirggt scho sehr verdraut.
Böösi Zunge bhaupte scho, dä heig me vo uns klaut.

D Swarovski macht das scho nid schlächt, doch liebi Lütt gsehn’s yy:
Si isch am Ändi, wie ihri Stai, halt glyych nur e Kopie.

Paninibildli sin passé! Au s Heft wird uns verloo.Die italiänisch Firma het dr Zueschlaag nüm bykoo.Für d Italos isch’s ...
10/05/2026

Paninibildli sin passé! Au s Heft wird uns verloo.
Die italiänisch Firma het dr Zueschlaag nüm bykoo.

Für d Italos isch’s bsunders bitter: Die Bildli uss Papier,
sin ihri grösschti Chance gsi uff e Byydraag zum Turnier.

😉🇮🇹

Dr britisch Gryysel-Epsteinprinz verlangt Persooneschutz.Zaale solles d Bürger, die hän jo eh gnue Stutz!Das isch die gä...
09/05/2026

Dr britisch Gryysel-Epsteinprinz verlangt Persooneschutz.
Zaale solles d Bürger, die hän jo eh gnue Stutz!

Das isch die gängig Praxis! Kasch's in de Staate gsee.
Dert wird dr glyychi gruusig Kaib beschützt vo dr Armee.

E Wäggselfääler…Z vyyl hän gspiilt…D Entschaidig isch jetzt gfalle.S Fraueteam vom FCB verliert forfait gäg St. Galle.Y ...
05/05/2026

E Wäggselfääler…Z vyyl hän gspiilt…D Entschaidig isch jetzt gfalle.
S Fraueteam vom FCB verliert forfait gäg St. Galle.

Y find das nid so draagisch. Das Probleem isch zimligg glai.
Bi de Daame kämpfe z'vyyl - bi de Herre nid mol zwai.

D Airlines stryyche Fluug um Fluug. Es fählt an Kerosin.Und für e Liter Bleifrei griegsch e Liter He**in.Y fahr drum nur...
22/04/2026

D Airlines stryyche Fluug um Fluug. Es fählt an Kerosin.
Und für e Liter Bleifrei griegsch e Liter He**in.

Y fahr drum nur no Velo und verlier scho langsaam d Wampe.
So lang dä Siech am Drugger isch, muess y schyynbaar trumpe.

Adresse

Klein-Basel

Webseite

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Dr Värslibrinzler erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.

Verknüpfungen

Teilen