14/09/2026
တစ်ချိန်က Myanmar MLBB မှာ Fanbase အင်အားအကြီးဆုံးအသင်းတွေအကြောင်း ပြောလိုက်ရင် J'DAI (or) AI Esports (Old BG) နဲ့ Falcon Esports (Ronin) တို့ကို ချန်ထားလို့မရခဲ့ပါဘူး။
အထူးသဖြင့် MPL ခေတ်ကနေ MSL အကူးအပြောင်းကြားကာလ Qualifier တွေမှာဆိုရင် AI Esports နဲ့ Falcon Esports တို့ရဲ့ အားပြိုင်မှုဟာ ပြိုင်ပွဲတွေရဲ့ အဓိကစိတ်ဝင်စားစရာတွေထဲက တစ်ခု ဖြစ်ခဲ့ပါတယ်။
အသင်းနှစ်သင်းရဲ့ ပြိုင်ဆိုင်မှုတင်မကဘဲ Fandom နှစ်ခုကြား အပြန်အလှန်စနောက်တာ၊ ကိုယ့်အသင်းကိုယ် အားပေးရင်း လေတိုက်ကြတာတွေကပါ အဲ့ဒီအချိန်က Myanmar MLBB Scene ကို ပိုပြီးအသက်ဝင်စေခဲ့တဲ့ အမှတ်တရတွေ ဖြစ်ခဲ့ပါတယ်။
ဒါပေမယ့် MSL ပြန်လည်ကျင်းပလာပြီးနောက်ပိုင်းမှာတော့ Myanmar MLBB ရဲ့ Fandom ပုံစံက တဖြည်းဖြည်း ပြောင်းလဲလာသလို ခံစားရပါတယ်။
အရင်လို အသင်းတစ်သင်းကိုပဲ အားစိုက်အားပေးနေတဲ့ ပရိသတ်တွေထက် အသင်းအသစ်တွေ၊ Player အသစ်တွေနဲ့ ကိုယ်နှစ်သက်တဲ့ကစားသမားရှိရာ အသင်းတွေကို ခွဲပြီးအားပေးလာတာကြောင့် Fanbase တွေကလည်း အသင်းအများအပြားဆီ ပိုမိုပြန့်နှံ့လာတဲ့ပုံစံ တွေ့လာရပါတယ်။
ပြီးခဲ့တဲ့ MSL Season 4 Week 3 မှာ ဒီအခြေအနေကို ပိုပြီးသတိထားမိခဲ့ပါတယ်။
တစ်ချိန်က Fan အင်အားအရမ်းကောင်းခဲ့တဲ့ J'DAI ဟာ YG နဲ့ပွဲမတိုင်ခင် Fan Prediction မှာ ယခင်ကလို တစ်ဖက်သတ် Fan Support မမြင်ရတော့သလို၊ Falcon နဲ့ J'DAI တို့ရဲ့ တွေ့ဆုံမှုမှာလည်း အရင်ခေတ်က ဒီအသင်းနှစ်သင်းတွေ့တိုင်း ရခဲ့တဲ့ Fandom Rivalry Vibe ကို သိပ်မခံစားရတော့ပါဘူး။
ဒါဟာ အသင်းတွေရဲ့ Fanbase ပျောက်ကွယ်သွားတာလို့တော့ တိုက်ရိုက်ပြောလို့မရပါဘူး။
Roster တွေ အကြိမ်ကြိမ်ပြောင်းလာတာ၊ Old Generation Player တွေ မရှိတော့တာ၊ အသင်းသစ်တွေနဲ့ Star Player အသစ်တွေ ပေါ်ထွက်လာတာတွေကြောင့် Myanmar MLBB ပရိသတ်တွေရဲ့ အားပေးမှုပုံစံကပါ တစ်ဖြည်းဖြည်း ပြောင်းလဲလာတာ ဖြစ်နိုင်ပါတယ်။
ဒါဟာ Community အတွက်ကတော့ Positive effect တစ်ခု ဖြစ်လာတယ်လို့ ပြောရမှာပါပဲ...
အထူးသဖြင့် MSL မှာ အသင်းအရေအတွက် ပိုများလာတာနဲ့အမျှ အသင်းတစ်သင်းချင်းစီကို အားပေးတဲ့ ပရိသတ်တွေရှိလာခြင်းက ပြိုင်ပွဲရဲ့ Competition တင်မကဘဲ Community Engagement ကိုပါ ပိုမိုကောင်းမွန်လာစေနိုင်ပါတယ်။
တစ်ချိန်က Myanmar MLBB ရဲ့ Fandom Culture ကို အသင်းကြီးနှစ်သင်း၊ သုံးသင်းက အဓိကမောင်းနှင်ခဲ့တယ် ဆိုရင် အခုချိန်မှာတော့ အသင်းအများအပြားနဲ့ Player အများအပြားဆီ Fan Support တွေ ဖြန့်ကျက်လာတဲ့ ပိုပြီးကျယ်ပြန့်တဲ့ Community တစ်ခုဆီ ပြောင်းလဲလာနေတယ် လို့ မြင်နိုင်ပါတယ်။
