02/24/2026
الناس حرفيا بقت بتاجر بعدم معرفة الناس وحبهم ورغبتهم في تعلم كيفية التعامل مع الذكاء الاصطناعي الواحد بيشوف مهازل اقسم بالله
من شوية وقع قصادي واحد بدون ذكر اسامي الناس اللي عنده على الصفحة بتقوله يا دكتور منزل بوست انه جمع مليون برومبت يا خي والله عيب هل انت متخيل انك تقرأ مليون برومبت بلاش هل انت متخيل انك بالذكاء الاصطناعي تطلب شيت فيه مليون برومبت دي ميزه طب هل انت متخيل ان في حد ممكن يدخل يدور وسط مليون برومبت
انا والله الفضول قتلني اعرف هو رافع ايه بالظبط لان كم المدح في الكومنتات مش طبيعي مجهود جبار وكنت فين من زمان ومعرفش ايه يا عم المجهود جبار انت متخيل ان الدكتور قعد وفرش وجمعلك مليون برومبت دول واحد واحد المصيبه بقى ان محدش شاف هو مشير ايه ولا حتى هو شخصيا مشفش هو مشير ايه وهسيبلكم عينه من المجهود الجبار في التعليقات الواحد ملوش في المواضيع دي بس بجد الموضوع بقى اوفر دا غير الجهبز اللي بينزل بوست كل 10 دقايق حرفيا عامل وصله ما بين صفحة الفيس و جميني وكل شويه هوب برومبت المزيكا هوب برومبت الفسخاني هوب برومبت الطلياني ايه يا عم انت فاتح فطاطري ايه اللي انت بتعمله دا النتايج اصلا مش شبه بعض بس الناس مبسوطه الله ينور يا هندسة اتقو الله يا جماعه مش كدا متحيروش الناس اكتر من ما هي محتاره والكورسات يا سلاااااااام بقت اكتر من الناس شخصيا اهم حاجه تسجل علشان تحضر المحاضرة المجانية واحد منتشر اليومين دول بيقولك الكورس ب 100000 جنيه وعلشان انت حبيبي وهتسجل دلوقت الكورس هيبقى 10000 جنيه يا جماعة دا احنا في شهر فضيل عيب الكلام دا والله بتاجرو بحاجة الناس ربنا يسترها ويعديها على خير يارب
Send a message to learn more
