MC Yellow aka Cheese Burger

07/12/2022

The ethics of a good man

12/11/2022

Yeellowman conquering Senete/Nkane

28/10/2021

16/10/2021

04/08/2020

05/05/2020

Bilebile lo zipisa zojiwa kuno gwadza. Unga li hwisisa kwazo mu nyama ye ghando, ye phuka, madzulu, thozo, nyama ye wuku ya kanyi, delele, bhobola kene manyadzigwa. Lo ziba shandula busebo kuti gube ne nlidzo, uno nanndziya. Lo pkhwanya malondana mu wulo, lo bulaya zwikonyana mu nthumbu. Lo etisa nthu moyo ntjena wo ja zojiwa, uli hwe kwazo mu mashonja aka kangiwa zwibuyanana kanga a woma nyana, ukhono bona ganda lalo mu ali

Bilebile lina iko kuno thusa tho mu mbili ku pola tjinolotjo( beta catrotene ne Vitamin C), laka lulwamila ku shingisiwa kwazo mu mibhiko minjinji. Ndilo njinji dze bathu be bhezhuba(Eastern cuisines) bano li dha kuno gwadza.

Lo limiwa munzi lika mela, lika zwala kubi. Lo zwala gole lose, lo tjegwa gole lose Apa la bhidwa zwibuyanana lobe shabasha rwee, le be li woma

Ku Lobatse kuna khefi(restaurant) ino dhangwa Southern, ino kanga, hwobe, magwili ne hwuku. Bana bilebile laka kwiyiwa, linoyi periperi, le mbala we dhitima. Lo baba kuno ti. Lo gala laka bigwa mu ikajana pano tengesegwa kuti uzwi nokolegwe sekwa uno dha. Nlume mmwe we nkwinya wangu waka tngo li tola kabe ili phuthela ne "serviette" . Ko ngwiwa ipapo pa Southern kana, ntanda e gu phutula, bilebile lili mu pata. Kwati shule kwe tjibaka ntanda gube guhwa gu shaka enda ku ngumbana, gube gu dhila luboko mu pata gu shola TP, gube gu ihwa. Uguja ku ngumbana, gono sununguka wali Mpulamoto. Guka sununguka zwibuyanana gube gu kweba serviette ieja yagwa phuthela bilebile pakaki. Ku zhalima wali Gwati koga guti go zwi baakanya gube gu buwa periperi ieje yose. Takati titji gele mu dzitafole to gu loma ne zwiketekets zwatinazo ipapo, tibe ti bona Mpulamoto gu buya ngu mburudza mishondzi mesho ali mashaba gwaka patisa, gu lila guti gu danigwe cab, go pthswa.. ....

Ngati pinde na iyeyo. Ku Setabanna ka Nswazwi kwakabe kuna nlume we nshuzhi we bilebile wakabe e pinda file be gole po be mbizi butali(bicycle) iye i enda i tengesa bilebile lile. Li dhiwa kuno gwadza. Iti apa e boneka a swika ko posiwa tjaka bakhwa ku labukigwa bilebile ilelo. Iye ne bilebile lile bakabe bi zibika kudwa ka Setabuli na Mandandume kunoti ka Mafungo nabo Semitwe i enda koga ne mbizibutali iye i tengesa bilebile ilelo. Bilebile la Mputhe wakabe usingake uka li dzwala asaku sunungula. Apa unga li dzwala koga alito mela kene li mela libe li naka koga lika si zwale Apa u shaka li dzwala no tenga be themba i phezhugwana ngono ka ku pa le mbeu lino ku zwalila, koga halinga pinde ilelije kaano shwa aka senga iye. Nasi mu thutha iyeyo, bilebile lino zipilila li baba li nanndziya lina nlidzo litja dan'gwa, 'bilebile a Mputhe". Apa nthuntana wa mpakulila zojiwa zwina bilebile laka jalo no hwa eti, "mmmh ngela Mphuthe Kani ileli' Apa muti ndo nyepa buzwani Thapelo Tafa, Thapelo Tafa, Bashi Eddie Sebalabala, kene TaBugalo Modise aka Tips Zmidth.

Tjmo tjati mu tjili tje zhaliligwa ne bugwele atja pela mu pinde mu tenga bilebile ku ndili, lala zwala. Mbeu yalo ndaka I tola kuna Batategulu TaBabakisi Mogomotsi Seemule Nteyatheye Mothibi beti baka li piwa baka i sununguligwa ndi Mphuthe ne 1987 mu tjilimo tje gole ilelo

Tjengetani. Ishwani mu muzi mu dzinge mbatsha. Ngulani maboko nsi ne tjibaka. Shingisana mbengawonjana(sanitizer)

05/05/2020

Imi: Dumilani mme
Nkadzikulu : lWa muka nkwasha?
Imi Ee mme
Nkadzikulu: lNdiwe yani gala?
Imi: Mpaphi.
Nkadzikulu: Mwana wa yani gala, mesho aatja bona mwanangu.
Imi: Wa Khuta Akuje.
Nkadzikulu: Akuje! Ba no muka mmeyabo?
Imi: Ee mme.
Nkadzikulu: Uwupi gala? Mu banjinji kana bana ba Khuta, kuna wakabe I loboka zhulo, ndiwe?
Imi: Unnunguna wangu iwoyo.
Nkadzikulu : Iwe ndiwe waka laluka atongo gwala gala?
Imi: Ate imi kuku.
Nkadzikulu : Eya! Maka letjelani n'nda wa tate benyu wali, ufa.
Imi: Atizo u letja mme, titja baakanya dzi-pampiri dzimwe.
Nkadzikulu: Ndo kuhwa mwanangu ? Mmeyabo ba ikoko ku Goshwe, bano lima ngai ibo?
Imi: Bana n'nda ikweno.
Nkadzikulu : Ehee! Mota nge iyo?
Imi:Nde ye nkkhwinya wangu.
Nkadzikulu: Noti ndo bona wali? Una mmwe, heela kharibe wa muka? Butjila! Ndiye mwana uwo iwoyu?
Imi: Aah. Ndiye nkadzi wandaka loboka iwoyu?
Nkadzikulu: Lini kwati saka hwa? Mo nyimana aah? Kene ndin'gwe muno zwi lobodza be mazhuba iyawa.
Imi: Aah! Kwala lulama kuku ndabe ndi dumilisa koga .
Nkadzikulu: Enda zo mwanangu. No enda ngai wali?
Imi: Ndo enda ku ndobolo apaje ka Mpulamoto
Nkadzikulu: Ehe! In'ngwi baka mu koka?

Ndibe ndi loba key ndi bhaila.
I interview yakatini iyeyi wali? Ndizo swiyo bana be tja enda kanyi

05/05/2020

Zanjayi wakabe ali nlume waka kulila pezhugwi, ana thalu dzinonga dze nvimi kene mbayani we n'ngwa. Tjibhalabhada tje nlume, asina shangu dzino n'lizana, wakabe e mbala mbatata dzaka thamiwa ne 'thiyara' ne ganda le pazha ye n'gombe.

Wakabe ana masimba kuno gwadza, e tubula ku liga n'gombe ali yega, apa ku sheteka. Koga wakabe asinga de shinga mishingo ino lakidza sima kukwe, ana moyo nnyolo, ana moyo nlefu. Wakabe e da zwe zana ne bana. Baanadi ba dha ku zanila mun'li, kuna makwayi ekuti aanga bati tjin'gwe. Wakabe asinga de ku lisa, ku vima kene ku tema ku minda. Nthu wakabe eda khwa kuno gwadza. E khwa nsindo we duni lile uka hwika u dabila kusipano( mmwe nsi kukayi waka tongo khwa aka phatola duni na pakati). Apa e khwa ukusi mmise uno dwilila koga ne njela ya bidwa
Wakabe eti aku gagwa tjibaka tji lefu kusinga khwiwe uno gala aka teedzela. Apa anga hwa nsindo we nsi kumwe koga, ndiko a enda tjose ikoko, unono pinda ne mabaka iyawo kakale.

Wakabe asi nthu wa ka Nswazwi, wakabe a zha e pinda zwe eko hwa nsindo we nsi ibe I galila tjose. Wakadwa ka pinda e bona kusinga tja khwiwe se kwaano da. Bakabe be nlilila kuno gwadza nsi we apa kwa pedziwa kuminda mmwe ana njela ye mamela e shaka bhika busukwa, i shoko khwiwa ili njinji. Ndiwo nsi wa unga bona mwenwetetela kukwe e inatha njela, basikana be mba limbo gunoyi "Ndiyani watjo ani..."

Zanjayi wakabe asinga zibe nxa nge nthu, asathu aka to go gwa kene thumulana. Wakabe ana mavudzi asinga pumiwe, asi mashoma. Nthu wakabe asinga pume(kere mavudzi) kudwa misi iyeyo, wakabe kuti una mavudzi makulusa a ka dan'gwa "Zanjayi" kene kuyi una mavudzi anonga a Zanjanyi, ndizo mu dzingwe thutha wali "dreadlock"ne Ikalanga I dan'gwa mavudzi a Zanjayi.

Nlumetate iwoyu kukayi wakadwa ka pinda ka endwa zwe sekwa a ka zha koga, akuto zigwa kwa aka pekela, se zwe akabe ali 'tjitobela majoro.'

Tjengeta: Lungano igogu agutodwa mmwe nthu uyapo pan'gwe pathu, kakale aguto pesa ne kwe mmwe nthu uno tjila kene wakatongo tjila. Thawu dza khona i njoloto ne mazhangalakudzimu zwazo zwe nnyoli koga.

05/05/2020

Nkarzikulu:... Yeela Mpaphi, no ndi pinda koga auto ndi bona ntumbu wa mayi.
Imi:...... Ndabe ndi singa mu bone, dumilani ku.
Nkarzikulu: Ha ili ileli bhofu la Chimbidzani aah, auto bona dumbu. Iti kuku babo i mwana wa malumekadzi bangu. Taka kulila tose munsha ingompela, ka Mangole tika ngina ikwele tose ku dongo. Ndiko kwa a ka zwdiya bumba majegwa ikoko iye Tjibumbuluke kuku babo. Wa muka ngono?
Imi: Nda muka.
Nkadzikulu: Waka kola seni eke iwe mwana no jani? ndiwo makhuwa?
Imi:. Ndi tjile.
Nkadzikulu: Yimmiwiii ihwani buhudzi wogo ka! Ukatini iwe mwana??(hwi lili pezhugwi be nga bano mimila)
Imi: Ndikati mundi bhaye atententi mukati ndaka kola.
Nkadzikulu: Mwana unondi shulila woyu, matama akatini wali, ndono ku man'gala iwe mwana
Imi:. Hati ndi tjile ngono

Ndiha pe posa vu la babi pharelesa dula, be linga ku khuta beti ndaba lebesa matama mabi, Imi ndi buda ndakati ndi pinda ne zila ye damo ndi dwa zwangu ka Pasi ndi tshatsharika ndi enda ndi bdzwa ndi logwa ne theko, guli zhele mbadu .

Mangwana ndi londiwa ndi isiwa ku khuta, nditi ndi swika ku khuta ndi landula nditi maptshwa, neku ba bona, andizo tongo ba bona, naibo andito ba ziba, zina ndo li ziba ngono nda gala ndi singa zibe ngweni wali.Taka paladzuwa to gwilila ku mizi yedu ku sina bufakazi

05/05/2020

Imi: Kuku, Kuku kukayi akuna busebo ku bhikiweni?
Kuku: Ekee! Ndi Kuku ba bombo kani? Bamwe bakadzimayi bakabe beshwa mu bhani imomu, bano swina mashonja, itho thoshwa thili lele se thumbi, thizwi linga maboko, kuyi maboko angu iyawa anodwa i zhala shambgwa. Undi dwile enda unobudza iwoyo wakutuma uti a zhe ne mpanga andi tjejelele mu sebe.
(Ndo dwa kuti makaku bona ngai kumandeni iko, ndi bhatila mwana ungapa mashonja, nenge sumbe dumbu dzino palama nzi nthu i kongwa, nthu ishwa ali lele dumbu zwe, eshwa e ngula e zhola koga. Moti busimbe go jiwa kene? Ndo bhibhirika ndi thamani dumbu, wangu nlume waka fa, andina hanya, bana bangu bano konela ikoko ku makhuwa, imwi mo ndi shaka busebo. Ndoofa muka dziila zwibuya? Busimbe go jiwa kene? Andi bhuda ndono shwa ku minda nthu ali lelezwe, nditi ku shakula, hati ku vuna, hati ku shokola, imwi mu shwa mu bhaya dhoko ne mpukusho dumbu muti taka tji wana donki. Hati ndoenda, thaka dzangu dzaka ndi siya, moo sala mu tji bona. Okhokho, imai)

Bano leba bi jali be dhusa zheko le dhula baka bhata senyana. Ndo bona be dhusa gulu laka woma bibe bi bgwiliza zheko. (Tola uno b**a pa moto, li bhidwe gulu ilelo, imi andina meno, wali la o shanyugwa kuti lisibidwe muje moga. Maka ndi wana, hati phalalaphadhe iwo mpuzu we bakhwa. Maka dwiwa kuyi kuna kuku n'detju, ko detjugwa koga, koo pela iti ndo lala pasi ngwenu imi nkololo waka-Nsengathekwe. Nthu uno zhuka nsholo katongo tjenjela. Thaka dzenyu dzi ngai sangwenu, imwi mo shwa mu ndi dziidza. Kulani kumandeni bana be bana bangu. Bomme benyu akuna tjabano ndi pa ipapa. Ayabe isi domi iyeyo na Masire, nge tandabala iyeyo yabozwayo ndobe ndili ntjena ndinga tjizhalanlota.

Mpaphi, zhisa dunyana ilelo dhikinini ne nsii ndi zhe ndi ku lakidze kuti nyama iyeyo ino khwiwa tjini. Upinde u dane iyeyo simbe ya ku tuma mu zhe mu phatule manongo iyawa. A bige hali ye shadza pa moto. Heela no enda u zana, milidza makumbo, mbudzi dzi mu danga. Mbudzi dzo zhugwa kutja bona kwabe tjilimo, dzi khono nunganunga

Kose ikoku kwakabe ku legwa ti pkhwaiwa kudwapo to thamigwa itjo tjino sheteka. Atithu tika lala zhala pana kuku, tisingake tika no galila.

23/12/2019

Mc Available for hire