Prova

مرحبا وسلام...
صفحتنا إسمها بروفة متل ما ملاحظين
ورح تكون محطة على تلت أربع خمس ست سبع منصات...
مافي داعي للقلق والتوتر ولا حتى أخد الحيطة والحذر،
لا لا القصة ومافيها،
انو نحنا، "ردينة و لطش"
بنحب التمثيل (قال يا عز) وحابين نفوت فوتتنا بهالمجال من أوسع منصاته
(الفيسبوك والإنستغرام واليوتيوب)
(دقوا عالفلين)
ف قررنا بحزم وبدون تخطيط وتدبير
انو نصير نصور مقاطع فيديو وننشرها...
ليش ننشرها؟ هلق وقت

هيك سؤال!!!
الجواب حبا بالمشاركة.
المشاركة يا أخوان أهم شي بالحياة
فا شاركوا قد ما فيكن....
ب أدوات عادية جداً و أفكار عادية جداً و بسيطة
وأداء عادي أقل من عادي و بعيد عن الإحترافية كل البعد
ورغم ضيق الحال وضيق الوقت والتنفس "وبعد المسافة" اللي خلتنا نستفاد ونستغل خدمة الإنترنت أحسن استغلال
فا بدل ما نقعد نطقش عالموبايل بلا فائدة
صرنا نفقس ع زر اتصال الفيديو وقررنا نصنع اللاشيء اللي رح تشوفوه...
وأخدنا على عاتقنا مهمة تصوير ونشر الأفكار اللي بتنتابنا دون أي حس بالمسؤولية ودون أدنى مراعاة لمستوى وأفكار وأداء الناشرين الآخرين...
وعلى أمل نخيب ظن الجميع
بنتمنى نكون خفاف ظراف نضاف على معدة الجميع...
وأخيراً لولا لطف الله وضيق خلق صديقنا "صبح"
اللي أصرّينا و أبينا إلا ندحشو معنا بهالمهزلة
وقعّدناه يمنتج بهالمقاطع حتى يضفي عليها شيء من المقبول والمستساغ... ما كنا وصلنا عالعالمية...
ف شكراً ل تفهمكن وسعة صدركن...
`حسابنا عاليوتيوب
https://www.youtube.com/channel/UCNyHlxxRLVWJ8KU7sWcpJCA
حسابنا عالإنستغرام
https://instagram.com/prova.lrs?utm_medium=copy_link