21/09/2026
🔴ibintu wokwandika kurupapuro uzozurarabirako umuhungu azoba umugabo wawe.
Urukundo nyarwo ntirugarukira gusa ku munezero no kwumva umutima utera cane igihe uri kumwe n’umuntu ukunda.
Hazogera igihe muzoba mukeneye kuvugana ku bijanye n’amahera.
Ku muryango.
Ku bana.
Ku bijanye n’imibonano mpuzabitsina.
Ku kwizera Imana.
Ku kazi n’umwuga.
Ku mabanga n’inshingano.
Ku kibanza muzobamwo.
Ku migambi yanyu.
Ku kuntu muzotorera hamwe ibibazo n’imishwano.
No ku bijanye n’umubano w’ababiranye.
Kuko umusi umwe, urukundo n’umunezero vyo mu ntango bizohura n’ibintu nyakuri vy’ubuzima.
Kandi ico gihe, muzoba mukeneye ibiruta cane amarangamutima gusa.
Muzokenera kugira intumbero imwe, gukura mu bwenge no mu mutima, kwubahana, kuganira neza, hamwe n’ubushake bwa mwese bwo kwubaka ubuzima mufadikanije.
Ku mukirisu na ho, hari ikibazo gihambaye umuntu akwiye kwibaza:
«Mbega iyi migenderanire iramfasha kwegera Imana, canke irandutandukanya na yo?»
Urukundo nyarwo ntirusaba guhitamwo hagati y’umubano wawe n’ukwizera kwawe.
Rukwiye gushobora kubaho mu buzima aho Imana iguma ari yo iza imbere.
Kubona urukundo nyarwo rero, si ukubona gusa umuntu agukunda.
Ni ukwiga kumenya umuntu mwoshobora kwubakana ubuzima bwiza kandi butekanye, mu gihe nawe ubwawe uba uriko urakura ukiga gukunda mu buryo bubereye.
like , suivrez
