01/07/2025
🇧🇮 Umunsi mukuru mwiza w’ukwikukira, Burundi! 🇧🇮
Umurwi ndangakaranga Umwibutsa uripfurije abarundi bose umunsi mukuru mwiza w’ukwikukira igenekerezo rya 1 Mukakaro.
Uyu ni umunsi wo kwibuka intwari zadutoreye inzira y’ukwigenza, ariko ukwikukira si gusa kuba igihugu kitagengwa n’abandi , ni no kwimenya. Ni ukwibuka uwo turi we, aho tuva n’ico duhagarariye.
Ntitukibagire ingoma zacu zivuga, imvyino zacu zishikiriza inkuru, imigani yacu iranga ubwenge, hamwe n’umuco wacu uduhuza.
Umuco ni bwo buzima bw’igihugu.
Ukwikukira kw’ukuri ntikwuzura tudafise umuco.
Uyu munsi tuduze ibendera ryacu hejuru, ariko ntitwibagire ko dutegerezwa gushira hejuru umutima wo kuwukunda no kuzigama umuco wacu.
