حميد المخلوق

حميد المخلوق Contact information, map and directions, contact form, opening hours, services, ratings, photos, videos and announcements from حميد المخلوق, Arts and entertainment, Manama.

27/06/2013

لاتحاول تكذب احساسك وتجرحها الأماني
الأماني اللي عشــــانك تخلق الجو وتجيده

خلك بكامل صفاتك ، لاتصير إنسان ثاني
واجه بكل المشاعر واترك اللي مـــا تريده

لا رحلت اعرف مصيرك راح تتعبك الثواني
اسال اصحاب المفارق وش جرى بعد الفقيده

حميد المخلوق

13/05/2013

تغنّي الروح لا زاد اشتياقي
ويزيد الشوق لاطول غيابه

احب ألقاه لنّي من أشوفه
ينسّيني حضوره لي ذهابه

انا بغيابه المبطي احلّف
حنان القلب حق يلقى عقابه

ولكن من يجي والقى سلامه
افز بالحال في حضرة جنابه

ينسيني عقابه ، كيف اعاقب!
خليل الروح وحضوره أهابه


حميد المخلوق

07/04/2013

تطري في بالي لين ماشفتها يوم
وشلون لو غابت شهور وليـــــالي

في داخلي شـــوقٍ تعلّق بلا نوم
يحسب ليالي بعدها اللي يغالي

شوقٍ ولكن لو تشوفه مثل صـوم
صايم من الغيــبه وشوفه هلالي

حميد المخلوق

12/03/2013

والله لو إن الشوق بحر ومحيطات
ماتوا من سيولي ألوف و ملايـــين

ولو أحكم العالم على كلّ مــــافات
أحكم على الصهيون ثارِ لْفِلسطين

ولو خيّروني بين أحلى الإمــارات
غير الوطن مااختار وتراب بحرين

حميد المخلوق

04/03/2013

أشتاقُها

في غُرْفتي ،
في شُرْفتي ،

أو حينٓ أنظُرُ
عصراً بناِفذٓتي !
.
أشتاقُها

بسماتُها ، ضحكاتُها
راحٍ ولا تدري ،

أفعالُها ،
كٓم حيّرت قلبي !

بِغيابها ،
أمضي إلى قٓبري ، بلا عٓقْلي !
.
أشتاقُها

طول المناراتِ
عُمْر الممراتِ
عُمق المغاراتِ

يمضي بنا الدهْرُ

لكنّٓ
روعتُها
ضحكاتُها
خطواتُها

قد غيّروا أملي
حتى استوى طيفُها آتِ !

حميد المخلوق

05/12/2012

لاتحسب إنّي من جفا البعد ناسيك
لا يالغـــلا ، انسـى حروفي و تبقى

باعوف اصحابي لجل بس اداريك
و بمسك جفاك بداخلي لين اشقى

ادري صعب بس من يحبّك بـ يهديك
وآنه أدوّر وش بيهديــــك ! مـــاأْلقى!

حميد المخلوق

18/11/2012

الجفا انواع واصعبهم جفى
لا اختفى حب الحبيب اللي عماك

والوصال اللي بلا عذر اختفى
ياخذ العاشق الى درب الهلاك

والجفا بي اليوم من بعد الدفى
ضيّق بعيني الأمل ، و الامتلاك

كان في ليلي ونهاري والخفى
اكتب حروفه و يجي كنّه ملاك

ومن يجيني اليوم ، شويّه وغفى
الـ برب منّه ثقيـــٌلة ، غير بــآك

لا كتبها برجعته حزني انطفى
ولا نساها ، يصنع بقلبي عراك

حميد المخلوق

10/11/2012

ياللي رحلت بأمس اسمك يٓـ غالي
بالقلب ، يعني ذكرك بأمس ما مات

طيفك يمرني ( ريشةٍ ) بس تلالي
بتكحّل عيوني وبترسمني بسمات

هل ياهلا بك ، يابعد أهلي وحالي
نوّرت بيـــتٍ مــا خلا مِنْك لحظات

حميد المخلوق

05/11/2012

صدق بالراي اختلفنا ، يا غلاي
صدق نتشاجر على شيٍ سخيف

بس احبك ياصديقي يا هواي
لو شنو ماقلت بعيوني لطيف

حميد المخلوق

28/10/2012

المشاعر تغنّت ، وممتليني شعور
يوم عيدك حبيبي جيت كلّي وفـى

يا بعد كلّ ماعندي ياريح العطور
ياوفي بوصالك يا بعيــــد الجفى

هذا انا جيتك بعيدك حبيب وغيور
اهدي لك صدق حبّي ورود ودفى

لاخلا منْك يــاحبٍ توزنه بحــــــور
الله يحفظ وجودك ياهوا مااختفى

حميد المخلوق

23/10/2012

الناقد يسبب الإبداع لا الصداع .


حميد المخلوق

01/10/2012

نام لا تسأل عليّه
نام وعيونك هنيّه
نام ، شوقي ماصحى
اليوم منّك ما اسيتحى

كيف! ماقلبك سأل !؟
رووح ماعندي محل !
رووح ، لاتصنع زعل

روح لا تسأل عليّه ،، لا تسأل عليّه

,,,,,

نام لا تسأل عليّه
نام وعيونك هنيّه
قول خلصني يبه
صار قولك للفضا

شوف قدرك بالأَمٍسْ
راح مــابي يلتــمس
راح مابين الشَمٍس

روح لا تسأل عليّه ،، لا تسأل عليّه

حميد المخلوق

Address

Manama
WRITETHEPOET

Website

Alerts

Be the first to know and let us send you an email when حميد المخلوق posts news and promotions. Your email address will not be used for any other purpose, and you can unsubscribe at any time.

Shortcuts

Share

Category