Zaqatala Dövlət Rəsm Qalereyası

26/05/2026

Zaqatalada 28 May- Müstəqillik Gününə həsr olunmuş silsilə tədbirlər təşkil olunub
26.05.2026-cı il tarixində Zaqatala Tarix- Diyarşünaslıq Muzeyində Zaqatala Dövlət Rəsm Qalereyası və Zaqatala Tarix- Mədəniyyət Qoruğu ilə birgə "Müstəqil Azərbaycan" adlı tədbir keçirilib. Tədbirdə Azərbaycan Xalq Cümhuriyyətinin yaranmasının milli dövlətçilik tarixində mühüm və dönüş yaradan mərhələ olduğunu vurğulayıb. 1918-ci ildə Şərqdə ilk demokratik respublikanın yaradılması xalqımızın azadlıq iradəsinin və dövlətçilik ənənələrinin parlaq təzahürüdür.Tədbir iştirakçıları Muzeyin Azərbaycan Xalq Cümhuriyyəti dövrünü əks etdirən fotosərgiyə baxış keçiriblər.

10/05/2026

09/05/2026

Zaqatalada Müasir müstəqil Azərbaycan dövlətinin qurucusu, Ümummilli Lider Heydər Əliyevin anadan olmasının 103-cü ildönümü münasibətilə Zaqatala rayon Heydər Əliyev Mərkəzinə silsilə ekskursiyalar təşkil edilib
Ekskursiya çərçivəsində Zaqatala Dövlət Rəsm Qalereyası və Tarix-Diyarşünaslıq Muzeyinin əməkdaşları Mərkəzi ziyarət ediblər.
Ziyarət zamanı qonaqlara Mərkəzin fəaliyyəti və burada nümayiş etdirilən eksponatlar haqqında ətraflı məlumat verilib. Bildirilib ki, muzey ekspozisiyası Ulu Öndərin uşaqlıq və gənclik illərini,onun həm SSRİ dövründə, həm də müstəqillik illərində Azərbaycana rəhbərlik etdiyi şərəfli dövrü əks etdirir.

08/05/2026

Zaqatalada 9 May - Qələbə gününə həsr olunmuş tədbir keçirilib
07.05.2026-cı il tarixində Zaqatala Dövlət Rəsm Qalereyası Şəhər Mədəniyyət Evi birgə 9 May Böyük Vətən Müharibəsi Qələbəsinin 81-ci il dönümü münasibətilə Tarix-Diyarşünaslıq muzeyində "Qələbənin unudulmaz tarixi" adlı tədbir keçirib. Tədbir iştirakçıları muzeydəki 1941-1945-ci illərdəki Böyük Vətən Müharibəsinə həsr olunmuş Guşəyə baxış keçiriblər.Sonra Muzeyin bələdçisi Alman Faşizmi üzərində qələbə qazanılmasında Azərbaycan əsgərlərinin də böyük rolundan danışıb. Məhz Ulu Öndər Heydər Əliyevin 1993-cü ildə hakimiyyətə qayıdışından sonra bu bayram ölkəmizdə bərpa edilib və Dövlət Bayramı kimi qeyd olunmağa başlanıb.

07/05/2026

Zaqatalada növbəti ağacəkmə aksiyası keçirilib
Qala ərazisində Dövlət Rəsm Qalereyası, Zaqatala Tarix- Mədəniyyət Qoruğu və Şəhər Mədəniyyət Evi ilə birgə "Gələcəyimiz üçün ağac əkək” devizi altında növbəti ağacəkmə aksiyası keçirilib.Aksiyada bir neçə növ ağaclar əkilib,abadlıq işləri aparılaraq ağacların dibi yumşaldılıb, yaşıllıqlara aqrotexniki qulluq göstərilib. Aksiyanın keçirilməsində məqsəd ağac əkməklə ekoloji tarazlığın bərpasına, ətraf mühitin qorunmasına kömək etmək, atmosferi oksigenlə zənginləşdirmək, ictimaiyyətin diqqətini yaşıllıqların qorunmasına yönəltməkdir.

05/05/2026

Zaqatalada Korrupsiyaya qarşı mübarizə mövzusunda maarifləndirici tədbir keçirilib
4 may 2026-cı il tarixində Zaqatala Dövlət Rəsm Qalereyası Zaqatala Tarix - Diyarşünaslıq muzeyi və Zaqatala- Tarix Mədəniyyət Qoruğu ilə birgə "Korrupsiya nədir?" adlı dəyirmi masa keçirib. Tədbirdə korrupsiyaya qarşı mübarizənin davamlı olması, bu və digər sahələrdə korrupsiyaya qarşı mübarizənin vacibliyi qeyd olunub. Korrupsiya dövlət və ya özəl sektorda vəzifəli şəxslərin öz səlahiyyətlərindən sui-istifadə etməsi deməkdir. Buna görə korrupsiyanın vacibliyini nəzərə alaraq "Korrupsiyaya qarşı mübarizənin gücləndirilməsinə dair 2022-2026-cı illər üçün Milli Fəaliyyət Planı" təsdiq edilmişdir.Tədbirin keçirilməsində məqsəd korrupsiyaya qarşı mübarizəni daha da gücləndirmək olub.

22/04/2026

Zaqatalada Beynəlxalq Abidələr və Tarixi Yerlər günü qeyd olunub
18 aprel – Beynəlxalq Abidələr və Tarixi Yerlər Günü münasibətilə Zaqatala Dövlət Rəsm Qalereyasında da açıq qapı günü elan olunub. 12-18 aprel tarixlərində yüzlərlə turist və şagirdlər Qalereyanı ziyarət ediblər. Bu əlamətdar gün UNESCO tərəfindən 1983-cü ildə təsis olunub. Məqsəd insanların diqqətini abidələrin və tarixi yerlərin qorunmasına yönəltməkdir. Qonaqlara Qalereyanın zəngin kolleksiyası, Azərbaycanın mədəni irs nümunələri və binanın tarixi haqqında ətraflı məlumat təqdim olunub.Qalereyanın yerləşdiyi memarlıq abidəsi və ekspozisiyada nümayiş olunan eksponatlar ziyarətçilər tərəfindən böyük maraqla qarşılanıb.

31/03/2026

31 mart-Dünya Azərbaycanlılarının Soyqırımı günü ilə əlaqədar Zaqatala Dövlət Rəsm Qalereyasında dəyirmi masa təşkil olunub.Zaqatala Dövlət İdarəetmə və Texnologiya kollecinin şagird və müəllim kollektivi iştirak edib. 31 Mart soyqırımı və ya Mart hadisələri — 1918-ci ilin 30 mart və 3 aprel tarixləri arasında Bakı şəhərində və Bakı quberniyasının müxtəlif bölgələrində, eləcə də Göyçay,Şamaxı, Quba, Xaçmaz, Lənkəran, Hacıqabul, Salyan, Zəngəzur, Qarabağ, Naxçıvan və digər ərazilərdə Bakı Soveti və Daşnaksütundan olan erməni silahlı dəstələrinin azərbaycanlılara qarşı törətdikləri qırğındı.Heydər Əliyevin 26 mart 1998-ci il tarixli Sərəncamı ilə 31 mart Azərbaycanlıların Soyqırımı Günü kimi qeyd olunur.

09/03/2026

06.03.2026-cı il tarixində Zaqatala Dövlət Rəsm Qalereyasında 8 mart Beynəlxalq Qadınlar günü ilə əlaqədar sərgi təşkil olundu. Sərgiyə Zaqatala Dövlət İdarəetmə və Texnologiya kollecinin 1-cı kurs tələbələri dəvət olundu.Tələbələrə sərgi haqqında məlumat verilərək qeyd olundu ki, 8 Mart – Beynəlxalq Qadınlar Günü, qadınların ictimai-siyasi, iqtisadi və sosial bərabərlik, habelə hüquqları uğrunda mübarizə və həmrəylik günüdür.Ümummilli lider Heydər Əliyev 8 Mart Beynəlxalq Qadınlar bayramı ilə bağlı demişdir: “Bu bayram, doğrudan da bizim bütün bayramlarımız içərisində ən gözəl bayramdır. Çünki bu, qadınlara həsr olunubdur. İnsan cəmiyyətində qadının rolu, əhəmiyyəti məlumdur. Qısaca onu demək olar ki, qadınsız insan yoxdur, qadınsız həyat yoxdur. Qadınlar cəmiyyətdə, həyatda göstərdikləri bütün başqa xidmətlərlə yanaşı, ona görə ən yüksək qiymətə layiqdirlər ki, onlar anadırlar”.

26/02/2026

25.02.2026-cı il tarixində Zaqatala Dövlət Rəsm Qalereyasında Xocalı faciəsinin 34-cü il dönümü ilə əlaqədar "Xocalı-faciədən doğan intiqam" adlı sərgi və tədbir keçirilib.Anım günündə Zaqatala Tarix-Mədəniyyət Qoruğu və Şəhər Mədəniyyət evi iştirak edib.Çıxış edənlər faciənin təkcə Azərbaycan tarixinin deyil, bəşər tarixinin ən dəhşətli faciələrindən biri olduğunu qeyd ediblər. Fevralın 25-dən 26-a keçən gecə güclü artilleriya atəşinə tutulan Xocalıda uşaqlar, qadınlar ,yaşlılar kütləvi sürətdə qətlə yetirildi. Anım tədbirindən sonra sərgiyə baxış keçirildi.