13/06/2025
VOID - Proqram
📍Məkan: Dübəndi
🚪Qapılar açılır: 21 iyun, 18:00
🚌 Avtobuslar şəhərdən yola çıxır: 21 iyun, 19:30-20:00
🎶 Proqram başlayır: 21 iyun, 21:00
🏁Tədbir bitir: 22 iyun, saat 18:00
Boşluq, səni şəhərin istisindən, səs-küyündən və təbiətsiz yaşayışından dənizin kənarında yerləşən Dübəndi çimərliyinə sovuracaq. VOID səyahətinin proqram cədvəli ilə tanış ol:
- 21:00–03:00 – Səyahətimizə etnik elektron musiqi ifaları ilə başlayıb hipnoz edici mühit yaradırıq. Gecə dərinləşdikcə, musiqi tədricən yüksək enerjili ritmlərə keçid alır və səni sübhədək rəqs etməyə sövq edir.
- 03:00 – Gecə 3-də tonqal ətrafında toplaşaraq canlı jam session-a başlayırıq. Ulduzlar altında ekstatik rəqs azadlığını hiss edib, spontan musiqi və hərəkətlərlə qəbilə atmosferini canlandırırıq.
- 04:00–08:00 – Sübh çağına doğru mənəvi proqram bizi müşayiət edir. Vokal meditasiya və ruhlandırıcı mantralar oxuma ilə başlayıb, hüzur verən səs terapiyası seansları ilə davam edərik. Günəşin ilk işıqlarını gün doğumu yoqası və qrup halında meditasiya praktikaları ilə qarşılayıb, enerjimizi balanslayırıq.
- 08:00 – Səhər saat 8-dən günə davam edərək, yüngül elektron musiqi sədaları altında istirahət et. DJ-lər house, deep house, downtempo və dub kimi setləri ilə günəş yüksəldikcə chill atmosferi yaradırlar.
- Gündüz – Gün boyu çimərlik mühitinin dadını çıxar, idman oyunlarında (voleybol, frizbi, badminton və s.) iştirak et və ya ətraf mühiti gəzinti turları ilə kəşf et. Tədbirin bitməsinə yaxın dənizin enerjisindən həzz almaq, istirahət etmək və yeni dostlarla əlaqə qurmaq üçün asudə zamanındır.
- İncəsənət və Praktikalar (tədbir boyunca) – VOID vaxtı interaktiv incəsənət və şüurlu praktikalar səni müşayiət edəcək. Qrup rəsm sessiyalarında iştirak et və ya yaradıcılığını ifadə etmək üçün neyroqrafika sənətini sına. Həmçinin müxtəlif saatlarda keçirilən çay və kakao mərasimlərinə də qatıla bilərsən.
📌Qeyd: Məkan 21 iyun, saat 18:00-da qapılarını hər kəs üçün açacaq – vaxtından əvvəl gəlib yerləşə bilərsən. Əsas proqram 21:00-da başlayır və 22 iyun, saat 18:00-a qədər davam edəcək.
Unuda bilməyəcəyin təcrübəni yaşamaq üçün boşluğa dal.
