Megafun əyləncə mərkəzi 2002-ci ildən əsası qoyulan Yeni Həyat Şirkətlər Qrupuna daxildir. İnşaat sektorunun liderlərindən olan Yeni Həyat memarlıq və keyfiyyət baxımından Bakının ən çox rəğbət görən bir neçə komplekslərinin müəllifidir. Hal-hazırda şirkət bir neçə mühüm inşaat obyektlərinin inşasını həyata keçirməkdədir. Bunlar “Park Azure” , “Grand Hayat” və “Hayat Palace” yaşayış kompleksləridi
r.
2012-ci ildə yaranmasının 10-cu ildönümündə Yeni Həyat Şirkətlər Qrupu “Azure” kompleksində Avropanın ən böyük Qapalı Əyləncə Mərkəzi “Megafun”-ın fəaliyyətinə start verdi. Açılış müddətində əyləncə mərkəzi kompleksin sadəcə 3-cü mərtəbəsində məskunlaşaraq 200-dən çox attraksion, oyun aparatı, təbii buz meydançası, Bakıda ən böyük boulinq (14-ü böyüklər, 2-si uşaqlar üçün olmaqla cəmi 16 xətli), 4D və 5D, 6D kinoteatrlar, lazer oyunları, qorxu tuneli, toqquşan maşınlar, qayıqlar və daha bir çox digər əyləncə vasitələrindən ibarət idi. Əhalinin tələbatı nəzərə alınaraq 1 il sonra “Megafun” düz 2 dəfə böyüyərək “Azure” kompleksin 3 mərtəbəsini əhatə etdi. 17 coğrafi zona adları daşıyan məkanları ilə hal-hazırda “Megafun”-ın ümumi sahəsi 30000 m2-ə çatmışdır. Artıq burada kiçik qonaqlar üçün karusel və yelləncəklərlə bərabər, Magic Jungle adlı Bakının ən böyük güzgülü labirinti, 7 nəhəng dinozavrı ilə uşaqları nağıllar aləminə qərq edən DinoPark və yüzlərlə yeni attraksion və oyun aparatı ilə “Megafun” böyükdən kiçiyə hər kəsin ən sevdiyi əyləncə obyektinə çevrilmişdir.
