10/06/2024
3D Texnologiya Korporativ Sosial Məsuliyyət proqramı çərçivəsində mühəndislik istiqaməti üzrə məktəbli və tələbələrə istər laboratoriya və istehsal sahəsində, istərsə də mütəxəssis konsultasiyası formasında mütəmadi olaraq dəstək göstərir. Bu dəfə də şirkətimiz AREA-nın təşkil etdiyi Dünya Robot Çempionatının Azərbaycan mərhələsinə iştirak hüququ qazanmış bir neçə komandaya mütəxəasis konsultasiyası, eləcə də layihə hazırlanması istiqamətində öz dəstəyini əsirgəməmişdir. Xüsusi dəstəyə isə Thunderbot komandası layiq görülmüşdür. Komandaya həm layihənin proqram təminatı hissəsində, həm də robotun hazırlanmaslnda mümkün olan bütün dəstək göstərilmişdir. 8-9 iyun tarixində keçirilən Dünya Robot Çempionatında Thunderbot komandası qalib olaraq qızıl medal qazandı. Komandanın bütünnüzvlərini ürəkdən təbrik edir, onlara gələcək karyeralarında müvəffəqiyyətlər arzulayırıq. Qarşıdakı günlərdə komanda haqqında daha ətraflı məlumatı sizinlə paylaşacağıq.
