04/04/2025
René Magritte’nin “İşıq İmperiyası” (fr. L’empire des lumières) adlı əsəri, rəssamın ən tanınan və simvolik işlərindən biridir. Bu silsilədə o, bir-birinə zidd iki təbiət hadisəsini — gündüz və gecəni — eyni vizual məkan daxilində birləşdirərək tamaşaçının zaman və məkan hissini pozur. Adi bir gecə mənzərəsi kimi görünən küçə və evlər, paradoksal şəkildə, üzərində açıq mavi gündüz səması ilə təsvir olunub. Bu ziddiyyətli kompozisiya Magrittenin “adi olanı qeyri-adi etmə” prinsipini nümayiş etdirir.
Bu seriyaya daxil olan 27 əsərin 17-si yağlı boya, 10-u isə qvaş texnikasında işlənmişdir. Onlar 1949–1964-cü illər arasında müxtəlif dövrlərdə çəkilmiş, incə kompozisiya fərqləri ilə seçilir və dünyanın aparıcı muzey və şəxsi kolleksiyalarında saxlanılır.
Əsərlərin əksəriyyəti heç vaxt birlikdə sərgilənməyib və rəssam özü onları əvvəlcədən “seriya” kimi planlaşdırmamışdı. Onların bəziləri tək-tək sərgilənmiş və erkən dövrlərdən etibarən kolleksiyaçılar tərəfindən böyük maraqla qarşılanmışdır.
René Magritte-in “İşıq İmperiyası” silsiləsinə daxil olan 1954-cü ilə aid versiya 2024-cü ilin mart ayında Nyu-Yorkdakı Christie’s hərracında 121,2 milyon dollara satılmışdır. Bu satış, sürrealist bir əsər üçün yeni bir dünya rekordu olmuşdur. Əsəri telefon vasitəsilə anonim alıcı əldə etmişdir.
Gəlin, bu silsilənin müxtəlif versiyalarına nəzər salaq və hər yeni «İşıq İmperiyası» ilə mənzərənin necə dəyişdiyini izləyək.
